معلومات المتقدم بالاستفسار :
العمر : 22 , الجنس : انثى
الطول :167 متر
الوزن : 85 كيلوجرام
نسبة الدهون : ؟؟؟
و الاستفسار كالتالي :
السلام عليكم ورحمة الله وبركاته
بالبداية حابة اهنيكم على هذا المنتدى الرائع
وحابة اسئلكم كم سؤال لاني مدمرة
اول شي انا كان وزني 116 قبل اربع اشهر ونص والان وزني 85
بدون رياضة مستمرة يعني احيانا العب عالاوربتراك
وانا سويت عملية التكميم اي تصغير المعدة
المهم على الرغم من نزول وزني الا اني صايرة مترهلة
كلش ضايجة من نفسي
فأتمنى تساعدوني
اذا امكن اريد جدول رياضي امشي عليه يكون يعمل على حرق الدهون وشد الجسم
وخصوصا منطقة اليدين اوالزنود والمعدة والبطن السفلية
وهل صحيح الملاكمة تشد الزنود ؟؟؟
وانا اشتريت ثلاث سيدهات للمدربة جيليان مايكلز
Jillian Michaels - 30 Day Shred
illian Michaels: No More Trouble Zones
Jillian Michaels: Banish Fat, Boost Metabolism
هذولة اشترتهم قبل شهرين وللان ما استخدمت غير اول واحد بس وما كملت يمكن اربعة ايام وتوقفت
اريد اعرف هذولة ممكن ينفعون يعني ابدي بيهم ؟؟؟؟
واشتريت اثقال وزن 3كيلو لكل ايد بس ما استخدمتهم للان
هذولة ينفعوا حتى الزنود تضعف وتنشد وكم مرة لازم العب بيهم ؟؟؟
للعلم انا اصحى الصبح بالخمسة ونص افطر وابدل واروح على جامعتي
اصل الجامعة بالثمانية الصبح وارجع للبيت بالثلاثة العصر
يعني يادوب ارتاح وابدي ادرس
رجاءا ساعدوني اذا ضليت على هالحال يمكن اترهل وما اصل لهدفي الي هو 56 كغم
بالمناسبة انا ما اخذ اي فيتامينات نهائيا
اسفة لاني طولت عليكم بس فعلا محتاجة مساعدتكم
