شنو اخذ من هرمونات

[q8yas]

معلومات المتقدم بالاستفسار :
العمر : 25 , الجنس : ذكر

الطول :185 متر
الوزن : 82 كيلوجرام



و الاستفسار كالتالي :
سلام عليكم

ياشباب انا والله مليت وتعبت

ابي كلام صحيح وابي اعرف شنو اسوي

انا صارلي فترة العب تقريبا 3 اشهر وجسمي مو قاعد يتغير

التغيير شي بسسسسسسسسسسيط جدا جدا

قررت اخذ كورسات بس ابي اخذ شي نظيف ومرتب ومابي شي يضرني

انا ابي جسمي يكون نفس هالصوره

http://images02.olx.in/ui/6/16/62/12...1275632194.jpg

ولقيت موضوع يبيع كورسات بس قلت لكم انا مو عارف شنو اخذ وشنو الزين

ياليت تفيدوني وهذا رابط الموضوع

http://www.mazadq8.com/vb/showthread.php?t=418616


وشكرا لكم اخواني

[King Of Coffee]

وعليكم السلآم

اللعبة يبي لها صبر ومثابرة و3 أشهر فترة بسيطة جدا ماتذكر في عالم كمال الأجسام ..
اذكر جدولك الغذائي والتدريبي ونشوف وين الخلل ..

موفق

[ابو جويسم]

سبحان الله نفس مواصفاتي العمر والطول والوزن

بالنسبة للصورة لو تسآله وتقوله انك تدربت ٣ شهور غير يقول ٣ شهور بس تحمية

وبعدين ماصار لك مدة وانت تلعب اكيد ماراح تطلع لك نتايج ،،، مافية الا الصبر

انا اسميها لعبة كمال الصبر وليست كمال الاجسام

تغذية + تمرين + صبر = جسم حلو

ملل + اكل مو صحي = انسى

عموما انصحك تآخذ جولة على المواضيع المميزة وتقراء بتمعن وراح تستفيد ان شاء الله

[the rock 911]

. . . ثلاثة شهور زي ماقالو الشباب تحمية وتسخين بس وركز على اكلك وتمارينك العبها صح ولا تنسى الراحة وزبط كورس مكملات وتشوف نتايج طيبة
اما من اول 3 شهور تاخد سترويد. . .حرام وتعدم نفسك انا هالله هالله بعد 8 سنين فكرات اخد كورس . . والنقطة الي ما تعرفها ان الهرمون ليش بسحر يعني ما تعتقد تاخد كم ابرة وتصير بطل لازم تتعب وتتمرن وتنظبط والا ما في نتائج

[.ابوقحط.]

الى اقدر اقوله لك ان ثلاث شهور قليله عليك لاكن تقدر تبدا فى المكملات الغذائيه حرام تطمر على طول وتخسر شغل اسهل وأأمن من المنشطات

تقدر تبدا فى 1- واى بروتين 2- امينو اسيد2222 كبسول بالاكرنتين+ انمل كت او ليبو6
تمارين كارديو + حديد تكرار + الابتعاد عن الكربوهيدرات الين تظهر ملامح جسمك وبعدها واتوقع خلال شهرين وبعدها تتجه الى عالم المنشطات بالرغم انى ماانصحك لانى حاليا اعانى من اضرار المنشطات بالرغم انى ابتعدت عنها منذ سنوات طويله

[احمد الأشقر]

كلام الكابتن ابو قحط في محله وانا من رأئي اجل موضوع الكورسات سنة ولا ثنتين عمرك لسه بدري عليه وجسمك راح يستجيب طول بالك

[بلاك11]

اكيد تمزح

ايش 3 شهور وطفشت
معناته انت نفسك قصير في اللعبه
انا اعرف واحد تمرن سنه ونص بدون اي نتائج بعدها بدا جسمه يتغير

حاول تركز شوي وتاكل العنب حبه حبه
واذا انت نفسك قصير احسنلك تبعد عن لعب الحديد لان نفسيتك بتنضرب وبتروح حياتك قدام المرايه تنتظر التغيير

بالتوفيق