استفسار عن كورس هرموني، يرجى المساعدة

[Al Wahesh]

معلومات المتقدم بالاستفسار :
العمر : 28 , الجنس : ذكر

الطول :179 متر
الوزن : 95 كيلوجرام

نسبة الدهون : 18%

و الاستفسار كالتالي :
السلام على كل وحوش وخبراء هالمنتدى الرائع، عندي استفسار بخصوص هرمون هو الدينابول 10 مل، العلبة فيها 500 حبة،ناوي ابدا في من اليوم.
انا صارلي سنتين العب حديد بس حسيت من شهرين جسمي ما قاعد يتغير فقررت ابدا بالكورس، المدرب نصحني بالدينابول ومنتج ثاني اللي هو اوكساندرولون (Oxandrolone) العلبة فيها 60 حبة على ان يتم اخذ الدينابول ست حبات في الاسبوع الاول وثماني في الاسبوع الثاني و10 في الاسبوع الثالث واكمل 10 حبات لين يخلص قبل التمرين بساعة وحبتين اكساندرولون معاه، بالنسبة للمنظفات عطاني فيتامين B- Complex و Glutathione حبة قبل النوم.
سؤالي هو هل كبداية هاذ الكورس كافي وبالنسبة للمنظفات في اي شي لازم اضيفه او الغيه من اللي ذكرتهم تجنباً لاي مخاطر، اتمنى الاجابة الشافية من الخبراء ومشكورين مسبقاً

[.hamad.]

وعليكم السلام يابطل

والله ماعرف ابتدي من وين وانا عارف انك ماراح تقتنع باللي بقوله

ولكن هي نصيحة لوجه الله


هذا مب كورس ... هذا دمار للجسم وماراح تقتنع من كلامي الحين

الداينبول هو هرمون انبولك ويقمع التستا 200% ولا يصلح استخدامه بدون تستستيرون حر

وايضاً جرعته بين 3 الى 5 حبات وانت ياخوي بتوصلها 10

بالنسبة للاندرول فهو خليط من عدة استرات وهو اقوى عقار هرموني يؤخذ عن طريق الفم ولا يصلح استخدام اكثر من حبة فاليوم ..

اتمنى تتراجع عن فكرة الكورس لانه بيضرك ....

بالنسبة للمنظفات عطاني فيتامين B- Complex و Glutathione حبة قبل النوم.

^^

هاذي مب منظفات وهي فيتامين بي + جلوتامين وليست منظفات والرجال اللي عطاك الكورس يبي يصرف بضاعته ياخوي ..

[Al Wahesh]

مشكور على الرد السريع اخوي، طيب انا الحين اشتريت الهرمون، شو تنصحني اسوي

[.hamad.]

^^

انصحك ترجع الاغراض للي عطاك اياها وتصرف نظر عن موضوع الهرمون حالياً
وانا برتب لك جدول كامل لمدة شهرين من تغذية ومكملات بيفيدك وغير مضر لجسمك

[Al Wahesh]

انشالله برجعها اليوم، للعلم انا استخدم مكملات حالياً ليبو اكس الصبح والضهر وقبل التمرين ان او اكسبلود2 وجلوتامين وكيس انيمال ستاك، وبعد التمرين سكوبين مايو فيوسن بروتين وجلوتامين وخمس حبات امينو وقبل النوم سكوبين بروتين، المشكلة عندي ان الجلد من ناحية البطن مترهل شوي نظراً اني نزلت وزني كتير من سنة ونصف ومافكرت اني ادخل كورس الا لا حسيت ان جسمي وقف خصوصاً ناوي انزل اجازة على اخر شهر خمسة وابا اظبط جسمي قبل هالوقت انشالله، فاتمنى انك تفيدني بخبرتك.

[.hamad.]

ابشر فالك التوفيق اخوي

ولي رجعة بإذن الله

[Al Wahesh]

في انتظارك

[Al Wahesh]

ما زلت بانتظارك اخوي

[Al Wahesh]

اخوي حمد، خلال بحثي في المنتدى وجدت هاذ الموضوع http://www.montada.com/archive/index.php/t-686489.html والاخ اللي طالب الاستفسار عن الدينابول مدخل معاه كذا هرمون ومع ذلك انت عطيته الطريقة الصحيحة للاستعمال، فيا ريت تفيدني ايش الفرق معي

[trenbolona]

الفرق معك ان كورسك يعتمد على منشطين فمويين و لا يختوي على حقن و لا تستسترون..

[.hamad.]

اخوي حمد، خلال بحثي في المنتدى وجدت هاذ الموضوع http://www.montada.com/archive/index.php/t-686489.html والاخ اللي طالب الاستفسار عن الدينابول مدخل معاه كذا هرمون ومع ذلك انت عطيته الطريقة الصحيحة للاستعمال، فيا ريت تفيدني ايش الفرق معي

الفرق اخوي هو نسبة الدهون ..

عندك 18% واحتمال توصل الى 20% او اكثر بعد الكورس اللي بتاخذه + احس اللي عطاك الاغراض ضحك عليك بس يبي يصرف اغراضه والدليل

بالنسبة للمنظفات عطاني فيتامين B- Complex و Glutathione حبة قبل النوم

^^

شافك ماتعرف في هالامور قال اصرف بضاعتي عليه
وكان من باب اولى ان ينصحك بمكملات تفيدك وتنزل نسبة الدهون عندك ..

اخوي انت طلبت استشارة واحنا نبي مصلحتك وعشان هالسبب قتلك تتراجع عن هالكورس ..

وبالنسبة لجدول التدريب والتغذية امهلني بعطلة الاسبوع وراح ارتب لك الجدول ..

[Al Wahesh]

مشكور الغالي وانا خلاص رجعت الاغراض وحانتظر نصايحك

[Al Wahesh]

حد يفيدنا في الموضوع ياجماعة، شكل الاخ حمد مشغول

[the rock 911]

انتظر شوي مو غلط . . بس الغلط انك تدخل بكورس قاتل 100 مج دينابول ؟ ؟ ؟ انتحار تاني شي الاوكساندرلون ( او الانفار) هرمون مشتق من دي اتش بيدخل بكورسات التنشيف والدينابول هرمون بنائي وبيحبس ماء بالجسم وهناك تناقض غير سعره الغالي ونتائجة الضعيفة . . . والمنظفات ( الي يقول عليها مالها علاقة بالمنظفات ) انتظر مع الكبتن حمد وبتكسب .. جرب مع كابتن حمد وانا متاكد انك بترضى واذا ما صار شي بعدها لكل حادث حديث . .

** ملاحظة ( الحد الاقصى اليومي للدينابول 50 مج يعني 5 حبات وهذي جرعة المحترفين بعد كذا = = تليف وفشل بالكبد لا سمح الله )

[Al Wahesh]

مشكور اخوي روك وانا بانتظار الكابتن حمد