أيــام الــراحه تصــبني بالجنــون أريد حـل !!

[مشتاق للرياض]

معلومات المتقدم بالاستفسار :
العمر : 23 , الجنس : ذكر

الطول :185 متر
الوزن : 94 كيلوجرام

نسبة الدهون : لا

و الاستفسار كالتالي :
السلام عليكم ورحمه الله وبركاته

بحكم اني مبتدىء في اللعبه سمعت بأنه ايام الراحه لآبد لآبد منها اخذت يومين راحه في الاسبوع وبكل امنه جن جنوووني مادري وش اسوي في الايام هذي اجلس طفشششان ويصير نفسي اتمرن بسس ماقدر ماشي على رأي الكباتنه خذ يومين راحه !! خصوصا لما اكل اكل صحي وجلس في البيت بدوون تمارين يضيق صدري ويصير عندي نشاط بسس ماقدر هل فعلا ياشباب ايام الراحه مفيده جداً وهل استفدوا منها !! وهل تنصحوني استغل ايام الراحه بتمارين للبطن ولا اوقف جميع الانشطه مع العلم بأني مبتدىء في اللعبه لي شهرين فقط !!
اتمنى الافاده وشكراً

[Musaad 87]

ممـكن تلعب سير سيلك ، تسبح ..
آيام راحه مهمه بنسبه للي توهم يلعبون حديد لآنك في مراحه تبني عضلاتك وراحه من آهم العوامل الي تساعدك في بناء عضلاتك ..
بالتوفيق لك ..
وإن شاء الله شباب يفدونك ..

[Booyaka]

لازم أيام راحة يالغالي حق تنبني عضلاتك والعضلات ماتنبني إلا بيوم الراحة وهذا شيئ معروف ، وبما أن وزنك زايد أستغل هذا اليوم أنك تتمشى
بمنتزه نفس الوقت تحرق دهون وترفه عن نفسك وينشرح صدرك وش رايك أطلع معاك ..

[الناعسي]

اقضها في مشي او نوم
المهم شفلك صرفه تقطع الوقت فيها

[u turn]

‘

يوم واحـد بالأسبوع يكفي للرآحـة

ورتب جدولك بحيث يكون يوم الراحة يوم الخميس حتى تقدر تطلـع تمشى والا تروح لاخوياك

وانت لانك جديد باللعبة متحمس بعدين مع الوقت خلاص تمل تبدأ تريح 3 ايام بالاسبوع هههههه

[nafu]

هذا شي طبيعي لان دوبك بادي اللعبة لكن يمديك تمشي ، تسبح ، تجري عالسير ، تنط عالحبل

[abu kinan]

الراحه ضرورية جدا جدا جدا وانا اشوف يكفيك يوم بالأسبوع بالنسبة لبياناتك