نصاائحكم و توجيهاتكم بخصوص الجدول و غيره..

[بن غانـم]

معلومات المتقدم بالاستفسار :
العمر : 17 , الجنس : ذكر

الطول :173 متر
الوزن : 95 كيلوجرام



و الاستفسار كالتالي :
السلام عليكم اخواني

هذا جدولي اللي كنت ماشي عليه قبل فترة

السبت: صدر + باي + سواعد.
الأحد: رجل كامل + بطن.
الإثنين: راحة.
الثلاثاء: كتف + ترابس.
الأربعاء: ظهر + تراي.
الخميس: راحة.
الجمعة:راحة.

و كنت استخدم واي بروتين ثلاث سكوبات يوميا و اكلي منتظم و النتائج صرااحة شبه معقولة..

يمكن وزني كبير جدا لكن انا عندي العظام كبيرة (وراثة) بس عندي الكرشة شوي ههههه و مشكلتي في الصدر بعد الصدر شا عندي و مظبوط لكن فوقه نسبة شحوم ..

في المرفقات صورة ظهري ^ _ *


و الحين حاط ببالي امينو 2222فهل بينفعني و بيحقق نتائج جيدة مع الواي ( عندي كرياتين بس ناوي استخدمه بعد فترة لين ما احس ان وزني تاعتدل )

فمحتااج آرائكم و نصائحكم لا هنتوا لني ناوي ان شاء الله ارجع بقوة

و السموووحة على الإطالة

[بن غانـم]

.................................

[S.alkalbani]

وعليكم السلام ورحمه الله وبركاته

صراحه وزنك اشوفه مرتفع شوي اشوف افضل لو تنزل وزنك 10 كيلو وتدخل ضخامه بيكون افضل

الجدول لاباس في بس افصل السواعد عن الصدر والباي ممكن تحطه مع الظهر

فيدنا بنسبه دهونك بيكون افضل اخوي

نصيحه واضب على اكلك ورتبه وقلل الدهون ممكن تاخذ اوميغا 3 وملتي فيتامين

ولما تكمل 18 خذ لك بروتين وامينو

موفق واللعب بطن 3 مرات فالاسبوع ع وزنك مرة وحده فالاسبوع ماينفع

والعب كارديو

[برانش وارن]

انا من راي تخفف وزنك

وتلعب كارديو يومين الاثنين والخميس
وتمشي يوميا قبل التمرين 10 د وبعد التمرين لا يقل عن 30 د
ولا تنسى الاكل اهم شيء

[Booyaka]

جدولك ممتاز و مرتب ، ولكن وين الكارديو حط الكارديو قبل كل تمرين لمدة نصف ساعة
والسواعد مكانها عدل مافيها أي تعارض مع الباي و الصدر وبالعكس هذا هو أنسب وقت لها بعد الباي
المكملات خذ أمينو 2222 مع الواي بروتين وضبط أكلك ، وبالتوفيق لك عزيزي

[بن غانـم]

السلام عليكم

السمووحة منكم نسيت اضيف انا

اني امشي كل يوم و بعد التمرين 20 دقيقة على الدرج ---> <---

[بن غانـم]

مشكووورين اخوااني و ماقصرتوا بالردرود الطيبة

[بن غانـم]

......................