غدآ اول يوم لي في النادي الصحي و عندي مجموعة استفسارات !!

[FawazInception]

معلومات المتقدم بالاستفسار :
العمر : 20 , الجنس : ذكر

الطول :175 متر
الوزن : 60 كيلوجرام



و الاستفسار كالتالي :
السلام عليكم .. ،
اولا اشكر القائمين على هذا المنتدى القيم صراحة و المميز
لأهل الخبرة أنا قررت و سجلت في النادي و حاب اغير من جسمي
انا جسمي ضعيف و ما عندي اي خبرة في موضوع الحديد
و انا الي ابيه يكون جسمي مو مبالغ فيه ابي يكون مقسم و معضل
و راح احط صورة للجسم الي ابي اوصل له و اجو من الخبراء ارشادي في هذا الموضوع
و شنو الي احتاج اسويه من ( تغذية + تمارين ) و غيره و اي معلومة راح تضيف و لا تنقص

[مشاري الرياض]

عليكم السلام

هلا اخوي .....

اول شي التغذيه ثم التغذية .... لازم ترفع وزنك بالاكل الطبيعي ع الاقل اول 3 اشهر بعدين تاخذ مكملات قنر تزيد الوزن مع امينو

بخصوص الصورة هذي صدقني راح تاصلها بس بالصبر والمثابر والمواضبطه

التغذيه الجيده + التمرين الصحيح + الراحه = الوصول للهدف


وممكن لـ سنه ونص تاصل زي هالهدف او احسن

بالتوفيق

[france for ever]

عليكم السلام و رحمة الله و بركاته


اخي لا تتصور ان الشخص في الصورة عمل جسمه بسهولة . هذا الشخص مر بمرحلة ضخامة لمدة سنة او اكثر على اقل تقدير و من ثم مر بمرحلة تنشيف

و لكن يمكنك الوصول الى هذا الجسم او افضل اذا وضعت لنفسك هدف و ثابرت من اجله


طور معلومات عن طريق هذا المنتدى و خاصة في صفحة المواضيع المميزة

بلاتوفيق

[FawazInception]

اشكركم جميعآ على التفاعل الرائع
عندي سؤال بس . اذا التزمت بالتمارين بوقتها و بالراحة و بالأكل الصحيح و النوم
شنو ممكن احققه في مدة ٦ شهور ؟ و شكرآ

[Booyaka]

اشكركم جميعآ على التفاعل الرائع
عندي سؤال بس . اذا التزمت بالتمارين بوقتها و بالراحة و بالأكل الصحيح و النوم
شنو ممكن احققه في مدة ٦ شهور ؟ و شكرآ

6 شهور مدة لعبي للحديد تقدر توصل مثل جسمي وأحسن خلال هذه الفترة ، أنا زدت وزني 13 كيلو تقريبا جسمي أختلف 90 % عن قبل
أهم شيئ أنك تحط هدف في بالك وماراح تتخلى عن هذا الهدف وصدقني أنك راح توصل له يوم من الأيام
الفترة اللي أقترحوها لك الأخوان اللي هي سنة ، أعتقد انها ليست بالشرط تكون سنة ممكن تكون 6 او 8 شهور يعتمد على قوة عزيمتك
ونصائحي لك :

1- اول شهرين حاول تزيد وزنك طبيعي بالتغذية ركز على البروتين و الكاربوهيدرات ، كل يوم خمس وجبات ، وبعده دش على المكملات
2- نضم لك جدول يوم تمرين ويوم راحة علشان ينبني جسمك صح .
3- النوم 8 ساعات باليوم ، لأن أغلب فترة النمو للعضلات تكون عند النوم .
4- نوع تمارينك لكل عضلة لا تعتمد على روتين معين او تمارين معينة .

وبالتوفيق لك عزيزي ..

[FawazInception]

مشكورين يا كباتن على الكلام الرائع
بكرا انشالله اول يوم لي و ناوي اروح من الصباح ال gym بس عندي سؤال
شنو الي لازم آكله قبل التمرين اول ما اقعد الصبح و بعد التمرين و شنو اكل خلا يومي
هذا سؤال مهم ودي اعرفه من خبرتكم الممتازة و شكرا