الأنيمال كت قوي جدا !

[M5Q]

معلومات المتقدم بالاستفسار :
العمر : 21 , الجنس : ذكر

الطول :173 متر
الوزن : 78 كيلوجرام

نسبة الدهون : 19

و الاستفسار كالتالي :
السلام عليكم ورحمة الله وبركاتة ّ

أخواني بدخل الموضوع على طول ..

طبعا أن نصحوني في الانيمال كت ، وهذا ثاني يوم لي في استخدامة !
طبعا الصبح على الريق والاخر قبل التمرين بـ 45 دقيقة

أخواني حسيت المنتج قوي علي .. أو يمكن يبيلـي وقت عشان اتعود عليية ؟
يعني في الصباح أحس بتعب ودقات قلب و أحس كأني برجع .. الله يكرمكم !

وانا قبل شرائي للمنتج .. قالي أحد الخبراء .. واعرفة شخصيا وهو كبتن كبيير !
قالي استخدمة كيس واحد فقط قبل التمرين ومالة داعي الي في الصباح .. لكن أنا
قلت اتبع الشباب الي في المنتدى ؟

علما أني استخدم الايزو 100 وكذلك .. حبات الفيتامين .. والهدف شبة تنشيف وظهور السكس باك !

شنو رايكم شباااب ؟

[amdmatar]

اخي تستخدم منتجات بور او شيئ معه ؟
اتوقع هذه الاعراض طبيعية وراح تروح مع الاستخدام
والطريقة الافضل هي استخدام كيسين في اليوم لكن يمون فيه فاصل 6 ساعات بينهم
مثلا اخذت الكيس الاول الساعة 7 الصبح الافضل تأخذ الثاني بعد ال الساعة 1 الظهر

بالتوفيق
سلام

[M5Q]

لا ما اخذ منتج باور
مكملاتي هي : الانيمال كت + ايزو 100 + ميلتي فيتامين فقط

[.hamad.]

هلا فيك اخوي

خذ المنتج قبل التدريب بس ولا داعي لكيس الصبح
وبيوم الراحة خذ كيس الصبح ع الريق

ووزنك مناسب ولا تحتاج لنزول بل تشكيل فقط فيكفيك كيس واحد

موفق يابطل

[M5Q]

تسلم أخوي حمد ، وهذا ردك الثاني لـي !
كبتن باخلاقك .. ياحمد =)

وان شاءالله راح أعتمد على كيس واحد فقط !

[الناعسي]

هلا فيك اخوي

خذ المنتج قبل التدريب بس ولا داعي لكيس الصبح
وبيوم الراحة خذ كيس الصبح ع الريق

ووزنك مناسب ولا تحتاج لنزول بل تشكيل فقط فيكفيك كيس واحد

موفق يابطل

كيف طريقة التشكيل يا كابتن حمد يعني كم تدريب وكم عدة لو سمحت

[071071]

كيف طريقة التشكيل يا كابتن حمد يعني كم تدريب وكم عدة لو سمحت

شكرا لكم ياشباب على الافادة

المعذرة اخوي الناعسي على المداخلة بس ربما الكابتن حمد كان يقصد أن زميلنا عنده نسبة الدهونْ 19 % وقصد بالتشكيل : اظهار شكل العضلة وليس تشكيل بمعنى تدريب معين أو عدات أو .... لان نسبة الدهون عنده معقولة

[071071]

هلا فيك اخوي

خذ المنتج قبل التدريب بس ولا داعي لكيس الصبح
وبيوم الراحة خذ كيس الصبح ع الريق

ووزنك مناسب ولا تحتاج لنزول بل تشكيل فقط فيكفيك كيس واحد

موفق يابطل

ماتشوف أخوي حمد لو يكون الكيس على الريق أفضل من أخذه قبل التمرين وسوف أذكرك الاسباب وهي كالتالي :
1- أحتواه على مدر البول وهذا بيكون افضل على الريق من انه ياخذ الكيس أخر النهار .
2- احتواه على الكافيين ولو اخذ الكيس اصبح افضل من أن ياخذه قبل التمرن وأنت عارف قصة الكافيين والنوم ..
3- احتواه على مركبات ترفع من معدلات الايض فلو كان الصبح على الريق فتكون وجبة الفطور والغداء مستويات الايض فيها ممتاز وبالتالي حرق أسرع فأعتقد اخذ الكيس قبل التمرين افضل

وجهة نظري خاصة : أنا حاليا استخدم الانيمال كت وبسبب كثرة كبسولات الانيمال كت واللي عددها 9 كبسولات أشوف ماانصح تاخذ الكيس على الريق مباشرة لأنه راح تجهد معدتك وكبدك من أول الصباح وأيضا لأنه بيحمل على الكبد من الصباح ويساعد على رفع مستوى حامض المعدة وبالتالي بتحس بحرقان في المرئ وكنت أحس بالحرقان اذا اخذته الصباح عشان كذا أنا أخذ على الريق حليب منزوع الدسم أو تفاحة خضراء وبعدها بـ 10-15 دقيقة أخذ الكيس (9 كبسولات)


تحياتي وأشواقي ...

[الناعسي]

شكرا لكم ياشباب على الافادة المعذرة اخوي الناعسي على المداخلة بس ربما الكابتن حمد كان يقصد أن زميلنا عنده نسبة الدهونْ 19 % وقصد بالتشكيل : اظهار شكل العضلة وليس تشكيل بمعنى تدريب معين أو عدات أو .... لان نسبة الدهون عنده معقولة

طيب انا نفس نسبة الدهون

[071071]

طيب انا نفس نسبة الدهون

الدايت + الانيمال كت + تمرين حرق = لا للدهون

[الناعسي]

الدايت + الانيمال كت + تمرين حرق = لا للدهون

تسلم يالغالي

[071071]

شباب 1am + الناعسي عنديلكم فكرة جميلة جدا .. بحكم أننا الحين جالسين نستخدم الانيمال كت ودي نتبادل المعلومات فيما بيننا ونستفيد من بعض أكثر وانا ببدا بنفسي :

الأكل :
على الريق تفاحة خضراء او حليب منزوع الدسم + بعد 15 دقيقة كيس انيمال كت
الفطور : 4- 5 حبات بياض بيض فقط بعدها بنص ساعة قطعة خبز بر مع جبنة او قشطة قليلة الدسم + حبة ملتي فيتامين .
الغداء : صدور دجاج مسلوق + سلطة خضرا + بطاطس مسلوق وبعد الغدا بساعة كوب شاهي اخضر بدون سكر
قبل التمرين : كيس انيمال كت
بعد التمرين : بروتين ايزو 100 + تفاحة خضرا
العشاء : نفس الغداء ولكن بدون بطاطس مسلوق + حبة ملتي فيتامين + بعد العشا بساعة كوب شاهي اخضر بدون سكر
قبل النوم بنص ساعة : بروتين ايزو 100