معلومات المتقدم بالاستفسار :
العمر : 20 , الجنس : ذكر
الطول :170 متر
الوزن : 65 كيلوجرام
و الاستفسار كالتالي :
السلام عليكم
ازيكم يا شباب ان شاء الله تكونوا بخير
انا تابعت المنتدى وعجبنى جدا مساعدة الاعضاء والتفاعل الكبير جدا بين الاعضاء
وكان عندى استشارة وحابب اعرف رأى الخبراء
انا من 4 شهور نزلت جيم واستمريت فيه لمدة شهرين
انا جسمى كان نحيف الى حد ما بس بعد الشهرين جسمى كان كويس جدا وبدأ يتقسم
لأنى كنت ماشى على نصائح الكابتين فى التغذية والتمرين بالحرف ومن غير ما اخد اى منشطات بروتينات
بس ريحت شهرين طبعا بسبب الامتحانات والشغل جسمى بدأ ينزل تانى طبعا مش زى الاول بس نزل بشكل ملحوظ
وانا بقالى يومين رجعت انزل الجيم تانى وبفكر جديا اخد واى بروتين انا بحثت عنه كتير جدا فى منتديات عربية واجنبية
وعرفت ان غير مضر اطلاقا
السؤال هنا انى اتناول واى بروتين حاليا ولا استنى شوية لغاية ما جسمى يبدأ يرجع زى الاول ولا بلاش اخد خالص
ولو اخدت عايز اعرف لو سمحت افضل النصائح والارشادات انا بطبق تجارب الاخرين والنصائح بالحرف
وشكرا ليكم يا شباب
واسف على الاطالة
والسلام عليكم
المشاركة الأصلية كتبت بواسطة u turn
