رأيكم في المكملات الي بدخل عليها يا كباتن . .

[fouad.10]

معلومات المتقدم بالاستفسار :
العمر : 25 , الجنس : ذكر

الطول :170 متر
الوزن : 72 كيلوجرام

نسبة الدهون : 18

و الاستفسار كالتالي :
السلام عليكم ورحمة الله وبركاته ..


ياخوان انا كنت استخدم : واي بروتين + امينو 2222 + قلوتامين + اللترا مان

ومر علي شهر وعليها لكن ما شفت نتيجة تذكر الا بالكرش السفلي فرطت شويتين ..

طبعا كنت ناوي ضخامه ..

ايش رايكم في المكملات الي بدخلها الشهر هذا ؟

ايزو 100 + امينو2222 + كرياتين مونوهيدرات بودر +اوبتي مين

جدولي الشهر هذا 3 مرات بالاسبوع كل يوم 3 عضلات حسب الجدول التدريبي الي ماشي عليه مع الكبتن

في الصاله ..

السبت : رجل + اكتاف + سواعد + بطن

الاحد : راحه

الاثنين : صدر + باي + ترابيس

الثلاثاء : راحه

الاربعاء : ظهر + تراي + ترابيس ( اشكال ثانيه عن الي قبل ) + بطن

التغذيه / 5 بياض بيض + كورن فليكس , بعد ساعه واي بروتين مع حليب 400مل , الساعه 1 صدور دجاج مع رز ,

قبل التمرين بساعتين تونه مع سلطه خضرا , قبل التمرين بـ 30 دقيقه سكوب واي بروتين ,قبل مادخل باب النادي

ملعقه كبيره عسل مع احيانا 5 حبات تمر , بعد التمرين مباشره ملعقه عسل بعدها بربع ساعه واي بروتين ,

بعد ساعه صدور دجاج من صب وي مع العيش الاسمر , طبعا الامينو حبيتن بعد الفطور وحبتين بعد الغدا وثلاث

قبل التمرين و ثلاث بعد التمرين والقلوتامين بعد التمرين وقبل النوم ..

بصراحه احس التغذيه هذي قاعده تزيدني فات عشان كذا قررت اقلل كارب وادخل كرياتين واستبدل الواي بأيزو

شرايكم بالمكملات يا وحوش ؟

وهذي صوره http://im26.gulfup.com/2012-02-23/1330011355611.png

[متعب سعد]

وعليكم السلام ورحمة الله ..

لا تقلل كارب , بالعكس اساس الضخامة هو الكارب .. ولو يصر معقد يكون احسن واحسن ..

حاول توصل نسبة الكارب في أكلك الى 60 % ..

وقلل الدهون, يعني حاول يكون أكلك ناشف ..

من ناحية المكملات اشوفها جيدة ..

الا اذا كان جسمك ما يتقبل زيادة الوزن فعليك بالجينر

[fouad.10]

حياك الله يا كبتن . .

بس يا كبتن قبل فتره كثرت كارب عارف فين كانت الزياده حسب القياسات الشهريه ؟

كلها في الكرش السفليه خخخخخخخ ..

[fouad.10]

وما اخفيك , كنت ناوي ادخل الانيمال تست و اتابع مع دكتور المنتدى ...

[u turn]

‘

وعليكم السلام ورحمـة الله

مكملاتك ممتـازة وأنصحك تضيف محفز مثل الأنيمال ستاك أو انيمال تست

والمحفزات عموما ما منها خوف إذا استخدمتها بالشكال الصحيح وما تحتاج تنظيف ، حتى المتابعة مع الدكتور مش ضرورية

جدول التمرين لي تحفظ عليه ههههههه

موفق ،،

[fouad.10]

يعطيك العافيه يا كبتن وشكرا ع نصيحتك ..

وشكلي بدخل الانيمال تست ..

‘

جدول التمرين لي تحفظ عليه ههههههه

موفق ،،

مافهمتك !

ترا اتقبل نصايح انا عادي لو عندك اي تعليق عن الجدول التدريبي !

[fouad.10]

تهمني ارائكم يا وحوششش . .

[.hamad.]

المشكلة ياكبتن في جدول التغذية وليس التدريب او المكملات

لاحظ جدولك مابه فواصل بين الوجبات

وبعدين ليش تاخذ البرويتن مع 400 ملي حليب ؟؟

يكفي 200 فقط تضيف عليهم سكوب واحد بروتين ..

وزع وجباتك واترك فاصل ساعتين ونصف بين كل وجبة وأخرى ..

ووقتها بتلاحظ الجسم بيبدأ بالتغيير للافضل

[fouad.10]

هلا كبتن حمد ..

تدري انا اقوم الساعه 4 الفجر بحكم العمل بعيد عني مسافة 180كيلو يعني الساعه 4 الوجبه الاولى ..

على الساعه 7 او احيانا اذا وصلت بدري على 6 الصبح البروتين , الساعه وحده اتغدا , من 7 او 6 الى 1 اربع او خمس ساعات !
من الساعه 1 الى الوجبه الي قبل المغرب الي هي تونه وسلطه الساعه 6 تقريبا اربع ساعات , الساعه 9 ادخل الصاله وقبلها طبعا بأقل شي 30 دقيقه اخذ سكوب بروتين ..!
وبعد التمرين بساعه الى ساعه ونص وجبة العشى ..

[.hamad.]

مافهمت شيء يابطل

ان بغيت ارتب لك الجدول

رقم وجباتك وحطها بالتسلسل بس لا تكتب الساعة

يعني

1-
2-
3-
4-
5-

^^ وهكذا

[fouad.10]

1- خمس بياض بيض + كورن فليكس

2- سكوب بروتين

3-صدر دجاج مع رز

4-تونه مع سلطه خضرا

5-سكوب قبل التمرين

6-سكوب بعد التمرين

7- اثنين صدور دجاج

واتمنى تعطيني تعليقك عن التمرين واضافة الإنيمال تست للمكملات .

شكراً

[.hamad.]

1- خمس بياض بيض + كورن فليكس << الغي الكورن وخذ مكانه 2 توست اسمر + حبة فاكهه

2- سكوب بروتين << الغيه نهائياً .

3-صدر دجاج مع رز << الرز 12 ملعقة فقط + سلطة صغيرة + حبة فاكهة ..

4-تونه مع سلطه خضرا << مع حبتة توست واحدة ..

5-سكوب قبل التمرين << الغيه وخذ مكانه حبة توست اسمر ..

6-سكوب بعد التمرين << خذ قبله ملعقة عسل وبعد ربع ساعة اشرب البروتين ..

7- اثنين صدور دجاج << ضيف 2 توست او 12 ملعقة رز ابيض + سلطة ..


واتمنى تعطيني تعليقك عن التمرين واضافة الإنيمال تست للمكملات . << ممكن تضيف التست

شكراً

اخوي جرب هذا الجدول مع التعديلات وبتلاحظ الفرق بعد فترة قصيرة بشرط تجعل بين كل وجبة والثانية ساعتين ونصف على الاقل

موفق يابطل

[skeeth]

السلام عليكم

ما قصرو معاك الشباب ومثل ما قال لك الاخ حامد

اخذ البروتين معا 200 غرام لئن كاتبين على العلبه من 200 الي 300

ولو تاخذه قبل التمرين او في الاوقات العاديه اخذه معا الحليب ولكن اذا كان

بعد التمرين مباشرتأ اخذه معا ماء بارد لسرعت الامتصاص هذي

من ناحيه الشيئ الثاني تمرينك غلط لو تريد ضخامه تلعب على

هل نحو اليوم الاول صدر + بطن اليوم الثاني كتف اليوم الثاث ستراحه اليوم الرابع ضهر

اليوم الخامس اذرع اليوم السادس ارجل اليوم السابع ستراحه وهكذا قسم الجدول

انا استخدم هل نوع من التمارين و تمام 1000 ايضأ التكرار خليه

كل تمرين 4 جولات تبدئ 12 10 8 6 معا زيادة الوزن قدر

المستطاع التزم بنضام الغذاء الي كتبه لك الاخ حامد

وحاول تعوض بل بروتين لو حتجت فقط انت

تحتاج بل يوم من 140 الي 160 غرام بروتين فقط ! لو حصلتهم بل اكل

فلا مشكله ولو حسيت عندك نقص اكملهم بل مكمل ! ايضأ من ناحية

التست ممكن تستحدمه لكن انا من رئي بما انك مبتدئ تبدئ هل

كورس مال تمارين والغذاء لمدة 3 اشهر وبعدها تغير

النضام كاملأ وتحط محفز التست او ممكن تاخذه

الان موجود انمل تست هو الافضل

اي سوال لا تتردد

سكيث

[fouad.10]

اخوي جرب هذا الجدول مع التعديلات وبتلاحظ الفرق بعد فترة قصيرة بشرط تجعل بين كل وجبة والثانية ساعتين ونصف على الاقل

موفق يابطل

حياك الله كبتن حمد ..

راح اطبق الكلام هذا وبعد شهر من اليوم راح افيدك بالي حاصل ان شاء الله تعالى ..

[fouad.10]

السلام عليكم

ما قصرو معاك الشباب ومثل ما قال لك الاخ حامد

اخذ البروتين معا 200 غرام لئن كاتبين على العلبه من 200 الي 300

ولو تاخذه قبل التمرين او في الاوقات العاديه اخذه معا الحليب ولكن اذا كان

بعد التمرين مباشرتأ اخذه معا ماء بارد لسرعت الامتصاص هذي

من ناحيه الشيئ الثاني تمرينك غلط لو تريد ضخامه تلعب على

هل نحو اليوم الاول صدر + بطن اليوم الثاني كتف اليوم الثاث ستراحه اليوم الرابع ضهر

اليوم الخامس اذرع اليوم السادس ارجل اليوم السابع ستراحه وهكذا قسم الجدول

انا استخدم هل نوع من التمارين و تمام 1000 ايضأ التكرار خليه

كل تمرين 4 جولات تبدئ 12 10 8 6 معا زيادة الوزن قدر

المستطاع التزم بنضام الغذاء الي كتبه لك الاخ حامد

وحاول تعوض بل بروتين لو حتجت فقط انت

تحتاج بل يوم من 140 الي 160 غرام بروتين فقط ! لو حصلتهم بل اكل

فلا مشكله ولو حسيت عندك نقص اكملهم بل مكمل ! ايضأ من ناحية

التست ممكن تستحدمه لكن انا من رئي بما انك مبتدئ تبدئ هل

كورس مال تمارين والغذاء لمدة 3 اشهر وبعدها تغير

النضام كاملأ وتحط محفز التست او ممكن تاخذه

الان موجود انمل تست هو الافضل

اي سوال لا تتردد

سكيث

حياك الله كبتن سكيث وشكرا على تلبية الدعوه ..

من ناحية البروتين انا اشربه قبل التمرين مع حليب بعد التمرين مباشرة اشربه مع ماء بارد ..

اما من ناحية التمارين عندنا بالنادي الكبتن مسوي 6 جداول , كل جدول مدته التدريبيه 45 يوم

وانا واصل معاه في الجدول رقم 5 وهذا الجدول طريقة اللعب فيه زي ماذكرت انا في بداية استفساري ..

عموما انا عمري في اللعبه 9 شهور .. هل اصبر على الانيمال تست والا اضيفه ؟

ولو تنصحني اضيفه ياليت تذكرلي طريقة استخدامه لأني اول مره اجربه بصراحه والكل يمدح هذا المنتج ونتايجه يقولو قويه والتجربه خير برهان ..