كورسي الحالي+صور لجسمي<وماذا احتاج

[S.alkalbani]

معلومات المتقدم بالاستفسار :
العمر : 19 , الجنس : ذكر

الطول :161 متر
الوزن : 61 كيلوجرام

نسبة الدهون : 14

و الاستفسار كالتالي :
السلام عليكم ورحمه الله وبركاته

كيف حالكم عساكم مرتاحين

اليوم حبيت انزل صوري مع كورسي الحالي الي ماشي فيه عشان اشوف آرائكم

كورسي حاليا:تروماس+نو اكسبلود+ام استاك باقي لي كيستين+ملتي فيتامين+هالو

وجباتي من 5 ل6 وجبات بس بعض الاحيان الاكل يكون تعبان

فتره اللعبه 7 شهور كان وزني تقريبا 46 وحاليا 61

وهذه صوري





انطر ردودكم لاني احاول اوصل 66 او 67 كيلو ع نهايه شهر 4 عشان انشف وان شاء الله امشي ع آرائكم

[Booyaka]

ممتاز يا بطل أنت ماشي بالسليم ، وشغلك تمام ومكملاتك كذلك
وعضلات الذراع بارزة بشكل ممتاز وكذلك الظهر والبطن ولكن عضلة الترابيس غير بارزة او يمكن مغطيها بالملابس
بشكل عام شغلك صح واصل على ماانت عليه وإن شاء الله توصل للوزن اللي في بالك .

[Safetil]

ما شاء الله اخي جسم متناسق !
استمر ...

[071071]

دوووووووووووووووس ياوووحش .. الله معاااااااك والقلب يدعيلك

[speed nawaf]

ماشاء الله عليك وحش ( لاكن ركز على الصدر وشغله من جميع النواحي وركز على البار المقلوب الصدر يبيلة شوي شغلك عندك والباقي ماشاء الله ومع الوقت وحش ياوحش )

[مشاري الرياض]

ماشاء الله تطور ملحوظ بوقت قصير

موفق جسمك وحش استمر يابطل

[S.alkalbani]

مشكورين عى ردودكم المشجعه والحمدالله وصلت لمستوى رائع بفتره وجيزة

الترابيس وسط العضله بس متناسقه الحمدالله والصدر اضعف عضله بس هالاسبوعين بديت العب تركيز والحمدالله تحسن فالعضله

واحين حاب ازيد وزني ل66 عشان ابدأ انشف بجسم اوك صراحه تعبت 61 ومب قادر ارفع الوزن!

[daughtry]

بسم الله الرحمن الرحيـم

انت انسان اثبت لى من ردودك بالمنتدى القدير .. انك انسان مثابر وتصبر عشان تحقق عزيمتك
والمثابره والصبر هي المفتاح

جسمك ممتاز .. انا الى اشوفه مايبيلك الا انك تمشي مثل ما انت مسوي لان قاعد تمشي وتسلك الطريق السليم ويفضل انك تركز اكثر واكثر على التغذيه الصحيه
الله يوفقك ويعطيك على قد نيتك ان شاء الله ويوفقنا وياك

[.hamad.]

جاتني رسالتك اخوي الكلباني

ماشاء الله جسم مقسم الله لايضرك

واضح انك مقصر حبتين فالتغذية

بس حاول تقسم اكلك الى 5 وجبات ثابته ولا ترفعهم الى 6 حتى لو جعت عشان مايزيد الايض

وان بغيت ضخامة اكثر ارفق جدولك وبنرتبه ان شاء الله

موفق ياكبتن

[بردان1]

ماشاءالله تبارك الرحمن اخي الله لا يضرك

جسم جدا رائع والله بفترة ممتازة
انت ماشي بالطريق السليم ان شاءالله
والاكل مثل ماقال الكبتن حمد جرب تخليهم 4 او 5 وجبات كبيرة فقط

والمحفزات ريح منهم بعد ماتخلص الي الان

بالتووووووفيق يالغالي واي شي احنا بالخدمة

[S.alkalbani]

مشكورين وماقصرتو وشي اكيد مانحصل شي بدون عزيمه واصرار ومثابره وصبر

ردودكم مشجعه ماقصرتو واخوي حمد الجدول بطرشه لك عالخاص

الله يوفقكم

[skeeth]

السلام عليكم

حياك الله اخوي شوف حبيبي

انت عندك ام ستاك + هالو والاثنين محفزين شيل واحد منهم !

جسمك يا اخوي انت مركز على السكس باك + الباي سبيس الكتف + الصدر مختفين

وهم من اهم عضلات الجسم وايضأ انا اشوف لو تصعد لل 74 وتنشف

وتثبت على 67 الي 70 راح يكون افضل لك ولو خلص مكملك انصحك بهل مكملات

بروكمبلكس جاينر لو ردة تضخم او العادي لو ردة ما تضخم بسرعه وبفات قليل

+ امينو تاك + ام ستاك + ان او اكسبلود هل مكملات تمشي معا جسمك

افضل من مكملاتك الان خل تمارينك 5 ايام بل اسبوع واخذ

يومين استراحه افضل لك حتى العضل يرتاح وينمو

وبعدها مو لازم تاخذ كورس تنشيف او ممكن

تاخذ كورس تنشيف على كل حال انت

تقرر بعد ما تخلص هل كورس

اي سوال لا تتردد

سكيث

[the rock 911]

ماشاء الله بطل وماشي صح . . بس شيل موضوع التنشيف الان من راسك وكون كتلة عضلة جيدة وارفع وزنك شوي . . . بدري عالتنشيف وانت جسمك ناشف اساسا . . .
الغي الهالو ودخل مكانه امينو او اكستند

[S.alkalbani]

مشكورين عالردود والله مستعد ارفع وزني لل70 بس ابا الحل والتنشيف بيكون فالصيف لابراز السكس الباك شوي

الهالو موقف عنه لاني اخذ ام استاك وتم لي كيسى واحد من الام استاك

رتبو لي كورس مع الوجبات وان شاء الله العبها صح