كورس مكملات من شركة Animal - رأيكم يالخبراء
معلومات المتقدم بالاستفسار :
العمر : 28 , الجنس : ذكر
الطول :170 متر
الوزن : 69 كيلوجرام
نسبة الدهون : 14
و الاستفسار كالتالي :
السلام عليكم ورحمة الله وبركاته
هلا والله بالعيااااال .. وش أخباركمـــ ؟؟
انا توي مخلص من كورس مكملات ( نشافة ) والنتائج مرضية ولله الحمد وبياناتي اللي موجوده فوق بعد ماانتهيت من هذا الكورس .والأن انا في فترة راحة لمدة اسبوعين وببدا بكورس جديد من المكملات والحقيقة ماكتبت هالموضوع إلا ابي فزعتكم و رايكم اللي يهمني كثير كثيررر كثيررررر .
اول شي بحدد هدفي عشان تعرفون وش انا ابي بالضبظ .
الهدف :
ضخاااااااامة بأقل قدر ممكن من نسبة الدهون بقدر 3 - 5 كيلو ....
يعني بالعربي أبي عضلات تكفوووون .. لو سلف
المكملات الموجوده عندي حاليا :
انيمال تست ( محفز تستسترون )
انيمال ام استاك ( محفز انسولين )
جي اتش ماكس (محفز هرمون النمو )
ايزوا 100 (بروتين معزول - خالص )
جلوتامين ( حمض أميني مقاوم للهدم العضلي)
ملتي فيتامين ( فيتامينات )
نواكسبلود ( كرياتين - طاقة )
بصراحة لي 5 ايام وانا طاقها هواجيس وتفكيرر عمييييييق .. كيف استفيد بأكبر قدر ممكن من هذه المكملات وبطريقة ذكية .
نتائج ما بعد الهواجيس والتفكيرر العمييييييق :
* ودي أضيف محفزين بكورس واحد ؟
( انا عارف ياشباب ان كل محفز ماله دخل بالثاني لان كل محفز يحفز هرمون معين..ولكن ابي رايكم يالرررررربع )
* هل بستفيد لو أضفت محفزين مع بعض او أخلي كل محفز بكورس لحاله ؟
* هل بيستفيد الجسم لو اضفت محفزين مع بعض أو بس بتعب كبدي وكليتي وجسمي ؟
* من أكبر المشاكل اللي معوره راسي ماادري أبد بمحفزين وألا واحد ؟ولو وبديت اختار أي واحد ؟
لأني قريت كلام كثير ناس تقول الافضل تستخدم التست واذا خلص تبدا بام ستاك او العكس ؟
اقتراحاتي للكورس :
الاقتراح 1 :
أنيمال تست - ايزو 100 - نو اكسبولد - ملتي فيتامين - جلوتامين ( استخدمه يوم ورا يوم )
( تأجيل الانيمال ام استاك + جي اتس ماكس لكورس قادم )
الاقتراح 2 :
الانيمال ام ستاك - ايزو 100 - نو اكسبولد - ملتي فيتامين - جلوتامين ( استخدمه يوم ورا يوم )
الاقتراح 3 :
أنيمال تست - جي اتش ماكس - ايزو 100 - نو اكسبولد - ملتي فيتامين - جلوتامين ( استخدمه يوم ورا يوم )
ابي منكم يااصدقائي الاوفياء والمخلصين والمحبين و الكويسين و..و.. الخ ( خلاص يكفي ) المهم ابي منكم التالي:
* اذا رشحت واحد من الاقتراحات الله لايهنيك تذكر الاسباب ؟ ولو كان لك تعديل بإضافة مكمل جديد او حذف مكمل ؟ توضح السبب .
* عطني اقتراحك لو كان عندك اقتراح جديد غير اللي انا ذكرت .
** أبي ترد على بإخلااااص شديد هههه .. أسف على الإطالة .. دمتم بصحة وعااااااااااافية **
رد: كورس مكملات من شركة Animal - رأيكم يالخبراء
المشاركة الأصلية كتبت بواسطة the rock 911
: 
... وصدق اخوي بردان يوم قال اللي محيرني المكملات فقط يعني الباقي ماعندي مشكلة من بروتين وغيره
أنقذوووني .. حالتي صعبة من التفكير هههههههههههههههههه .. دمتم بصحة وعافية
