ظهور ماده لزجه من الصدر "الحلمه " عند الضغط عليها ..

[عشق الطير]

السلام عليكم و رحمة الله و بركاته ..

انا كنت استعمل :

1- قروث (GH)
2- ون سترول
3- ترسترول و بروبوتون
4- كرمبترول
5- NATA-D
6- بروتينات

الكورس الي دخلته كان تخسيس .. من 87 الي 78 ..

استعملتهم اقل عن شهرين و وقفت الكورس للسبب ضيق الوقت .. و نقطعة عن التمرين لمدة سنه تقريبا ..




و حاليه استعمل :
1- قروث (GH)
2- NATA-D
3- aipped
4- naNo x9
5- بروتينات

و المشكلة ألي صارت .. !

انه الحلمه " الصدر " كان كبير لسبب الوزن .. و الصدر يتحوي على هرومانات انثويه ( الانه كل شخص يتحتوي على هرمونين ذكر و انثى )

المشكله صارت في الصدر .. اليوم ضغط على الحلمه و افرزت ماده لزجه بشكل خفيف .. ! ماذا يدل على هذا !!!

حد يفيدني ربي يعافيكم ..

[Booyaka]

اوووه أخوي يبدو ان عندك ( الجينو ) زيادة الهرمون الانثوي وقلت الهرمون الذكوري ، وأحد الأعراض الاخرى علشان تتأكد ضعف الانتصاب
هذا اللي اعرفه حسب وصفك لحالتك ، والصراحة انا مااعرف للهرمونات اللي استخدمتها وهل كانت هي السبب ام لا ام وراثة ، إن شاء الله أحد الخبراء راح يفيدك أكثر مني ، وانا انصحك تروح الطبيب وتعمل تحاليل للتيسترون ويشخص حالتك وعلاجها .

[daughtry]

لا توسوس يا رجال والامور ان شاء الله بتكون بخير

انتظر اهل الخبره يفيدونك لان مالي ايد بهالشي ولو اني اعرف كان افدتك

[Booyaka]

^ ^
لا صج ، الحلمات عند الرجل مسدودة مايصير يطلع منها شيئ ، إلا إذا صار مثل اللي قلته فوق ..

[عشق الطير]

ما قــصرتوا يااخوان ..

الحين خذيت علاج له بس عن طريق مدرب خبير ..

- Nolvadex

وقالي عقب ما نخلص من الكورس بناخذ كورس تنظيف وجي

بــس ابا اتاكد اكثر ..

الله يخليكم فيدوني

[King Of Coffee]

انتظر الخبراء ...

[الناعسي]

روح لدكتور غدد وشوف الغده الصنوبريه وقبل لا تروح دور في النت عن اسباب مشكلتك وايش العلاج وبعدها رح للدكتور

[برانش وارن]

اتوقع والعلم عند الله
بسبب ارتفاع البروجسترون في جسمك
والافضل انك تاخذ ارميدكس

وانتظر اصحاب الخبرة

[071071]

رايي ونصيحتي لك أعرض نفسك على دكتور غدد يكون فاهم مع توضيح كل المواد اللي اخذتها من قبل وايضا أسمع أراء الخبراء هنا بالمنتدى ..

لاتقلق ياكابتن .. و الله يديم عليك الصحة والعافية

[speed nawaf]

أقولك يازين الدكتور وبس ولا تغامر في صحتك أهم شي صحة الانسان والعافية

[D.D.S]

اتوقع مثل هالحاله تروح لدكتور افضل و هم ترتاح اكثر ...

[the rock 911]

اعتقد والله اعلم ان ارتفع عندك هرمون البرولاكتين . . واستمر على النولفادكس 20-40 مج باليوم وبعد اسبوع لو ماراحت المشكلة راجع الطبيب . . . وانتظر راي الاخ الفاضل حمد

[عشق الطير]

ما قصرتو ياالاخوان .. ردودكم تشفي الــعوق ..


شرت لدكتور و سويت فحوصات و ان شاء الله عقب 4 ايام بيبين كل شي

و اسبابها :

- لاني خذيت ترستترون و عقبها ما نظفت ..

وهاي النتيجه ولله الحمد

الحمدلله يت سليمه
الحين انا اكمل الكورس الي عندي و ااستعمل
Nolvadex

و يوم اخلص الكورس .. بنظف ان شاء الله

[the rock 911]

النولفادكس هو التنظيف + بريغنيل (5000) 3 حقن كل 5 ايام حقنة

[romarom]

الحقيقه أول مره أسمع بهالشي خاصه عند الرجال وهالشي مايصير إلا عند النساء لأرتفاع الهرمون الأنثوي بزياده وعشان كذا لاتغامر ياالغالي والأفضل أنك تروح للدكتور لأن الحاله فيها شي من الغرابه مع أنك مادخلت بكوسك تستسترون إنثات ولا ديكا
وأنا متأكد أنه هذا تجمع سوائل في الحلمه وكان من المفترض أنك مدخل النولفدكس من ثاني أسبوع لعدم حبس السوائل في الاحلمه أو أسفل الأبط جهة التراي

وموفق أنشالله