كيفيه زياده الاوزان في التمارين

[S.alkalbani]

معلومات المتقدم بالاستفسار :
العمر : 19 , الجنس : ذكر

الطول :162 متر
الوزن : 60 كيلوجرام

نسبة الدهون : 14

و الاستفسار كالتالي :
السلام عليكم ورحمه الله وبركاته

كيف حالكم عساكم طيبين

انا صار لي 8 شهور العب حديد والحمدالله وصلت مستوى حلو بفضل الله وبالاراده والعزيمه

مشكلتي الحاليه هي مب قادر ازيد اوزاني فأغلب التمارين وعلى مدة لعبي اتوقع المفروض اوزاني تكون اكبر

لعبت سوبر ست حق كل العضلات وريحت ولما رديت قلت بقدر ازيد لكن للأسف ماتغير شي

ومرتب اكلي الحمدالله احاول قد ما اقدر اركز فالاكل والتمارين والراحه

انا استخدم النو اكسبلود كامنتج طاقه وبمب

انطر ردودكم ومشكورين

[alkatal]

حياك الله اخوي وعليكم السلام

انا ما افهم كثير فذي الامور ومو عيب الواحد يعترف بأنه مايعرف العيب انه مايحاول يسئل ويطلع

الي اعرفه من مجال تجربتي هو ان فالتمارين الشاقه ولكسر الاوزان هي انك يكون معاك احد فالتمرين حتى يساعدك ومع الفتره بأذن الله راح تقدر تكسر الاوزان الي وصلت ليها
وبنسبه لمنتجاة الباور في منها كثير وممتازه وانا عن نفسي من اشد المعجبين بالسوبر شارج بس فالايام الاخيره مدري ليش يبطل مفعوله

وقبل التمرين حاول تركز على وجبة تحتوي على كارب عالي وذا قدرت تضيف حبتين موز قبل التمرين بعشر دقائق ممتاز او انك تشرب كوب كافيه يكون فيه نسبة الكافيين ممتازه

هذا الي اعرفه انا .ان شاء الله الي احسن مني فذا المجال يقدر يفيدك اكثر ولاتستعجل ترى يبغى ليها صبر وحاول تخلي معاك احد يساعدك فشيل الاوزان

[Booyaka]

هناك تمارين صعب انك تكسر أوزان جديدة فيها مثل تمارين الكتف الرفرفة الجانبي الرفرفة الامام هذه التمارين صعبة تزيد فيها اوزان عالية وهناك تمارين بالراحة تكسر اوزان فيها مثل تمارين عضلة الترابيس .

لو تبي تكسر أوزان جديدة فألعب بنظام الدروب سيت ممتاز جداا لكسر اوزان لأن الباور في البداية يكون عالي وقوة التحمل كذلك ، ولكن هنا لازم تراعي مسألة انك تكون مسخن جسمك عدل ومسوي تمارين إطالة بالاول ، علشان ماتجيك إصابة ..

[Heartbeat]

هناك تمارين صعب انك تكسر أوزان جديدة فيها مثل تمارين الكتف الرفرفة الجانبي الرفرفة الامام هذه التمارين صعبة تزيد فيها اوزان عالية وهناك تمارين بالراحة تكسر اوزان فيها مثل تمارين عضلة الترابيس .

لو تبي تكسر أوزان جديدة فألعب بنظام الدروب سيت ممتاز جداا لكسر اوزان لأن الباور في البداية يكون عالي وقوة التحمل كذلك ، ولكن هنا لازم تراعي مسألة انك تكون مسخن جسمك عدل ومسوي تمارين إطالة بالاول ، علشان ماتجيك إصابة ..

+1
.....................

[S.alkalbani]

مشكورين عالردود ممكن توضحو لي كيف الدروب سيت اتريا الردود

[3issa]

شف طريقتي في سؤالي هنا http://www.montada.com/showthread.ph...=1#post7333739 هذا هو الدروب ست .. و بالفعل البار وصلت للـ 30 و 35 بعدها

[السلطان..]

هلا أخوي الكلباني.

بالنسبه للدروب ست بعطيك مثال:
في تمرين الصدر:بار مستوي تحط وزن جااااامد جدا وبعدين تلعب 10 عدات او الي انت ماشي عليه وبعدين تخفف وزن وتلعب الجلسه الثانيه وبعدين تخفف وزن وتلعب الجلسه االثالثه وعلى كذا خلصت طبعا تلعب هالتكنيك بدون راحه ابدا ولو يكون معك واحد يساعد يكون افضل عشان انت تكون مستلقي على البنش وهو ينزل الاوزان.
والتمرين الثاني نفس الشيء والثالث بعد نفس الشيء...............الخ.

كاتبها على عجاله ترا اذا مافهمتك قولي.

[السلطان..]

شف طريقتي في سؤالي هنا http://www.montada.com/showthread.ph...=1#post7333739 هذا هو الدروب ست .. و بالفعل البار وصلت للـ 30 و 35 بعدها

آسف اخي ردنا سوا

[Booyaka]

مث ماقالو الاخوان ، انك تبدأ بوزن عالي وتقلل بالجلسات التالية ، على سبيل المثال أقصى وزن تقدر تلعب عليه بتمرين تبادل الدمبل للباي 10 كيلو لليد الواحدة فأنت راح تلعب أول جلسة لنفرض بـ 15 كيلو لليد راح تقدر تحمل هذا الوزن من البداية مثل ماقلت لك لان قوة التحمل عالية و الباور كذلك من البداية وبعدها اتخففالوزن ويكون 10 كيلو وبعده 8 مثلا والراحة تكون قليلة يعني فقط على بال ماتروح تبدل الوزن وتجيبه تبدأ باللعب على طول .

لكن مثل ماقلت لك هذا النظام ألعبه مرة بالشهر لكل عضلة ، لمفاجأة العضلة و كسر أوزان جديدة ..

[S.alkalbani]

مشكورين وان شاء الله بطبق الدروب ست وان شاء الله اكسر الاوزان

والي فهمته اني العب الدروب ست لكل التمارين

وفهمت طريقه الدروب ست

شاكر لكم عالنصايح والردود ربي يحفظكم

[O.X.Y.G.E.N]

طيب شوف طريقتي انا في زيادة الوزن
وانا ماشي على قاعدة قدرت ارفع فيها اوزاني بشكل ممتاز
*عشان تكسر وزن الجلسة الأخيره لازم تكسر وزن الجلسة الأولى*

اطبق هذي القاعده خصوصا من بعد التمرين الأول
وممكن اطبقها في التمرين الأول


مثلا

الصدر بار مستوي
جلسة تسخين
الجلسة الأولى 50 كيلو
الجلسة الثانيه 60 كيلو
الجلسة الثالثه 70 كيلو

لو تستمر على الطريقه هذي ونفس الأرقام كل اسبوع بيصير التقدم جدا بطيئ

ثبت الارقام اللي فوق لمدة 3 اسابيع
بعدين غيرها
جلسة تسخين
الجلسة الأولى 60 كيلو <<< لاحظ زدنا الجلسه الأولى
الجلسة الثانيه 70 كيلو
الجلسة الثالثه 80 كيلو << تقدر هنا توصل هالوزن


في اول تمرين للعضله يمكن يكون هذا صعب شوي
لكن لو تدخل بعدها على الدنابل
وافترضنا ان وزن الدنابل عندك 25 - 27 - 30 وثبت على هذي الأوزان 3 اسابيع او شهر
ادخل الآن على الدنابل بوزن 30 علطول لجلستين
والجلسة الثالثه ادخل للوزن اللي بعده

الحركه هذي اكتشفتها بالصدفه
لأني في التمرين الأول لأي عضله ابدأ بالتدريج 12-10-8
وأكون أهلت العضله للتمرين
لما اخش التمرين الثاني ادخل على الوزن الثقيل علطول اللي كنت اسوي فيه 8 تكرارات المره الماضيه وتصير 8 - 8 - 8
ولاحظت تقريبا ان كل ثلاث اسابيع اوصل لـ 10 عدات وبعدها وازيد الوزن

جرب هالطريقه وشوف وش يصير معك

[S.alkalbani]

مشكور اخوي وان شاء الله بجرب الدروب سيت الاسبوع الجاي وبعدها بجرب طريقتك وان شاء الله ازيد^^