رايكم يهمني في نوع المكمل

[mjare7]

سلام عليكم ورحمه الله وبركاته


اول شي حاولت انزل الموضوع بقسم الاستفسارات ولأكن كل شوي يطلعلي اختصر الموضوع واختصر الموضوع وحاولت وماصار شي .. ومالقيت حل الى انزله هنا وانتو تنقلونه

العمر 22 ... الوزن 55 ... الطول 175 ..

انا العب حديد صارلي 7 شهور ..

جدولي الغذائي جيد ومحتاج اشتري بروتين بس عندي مشكله ..
محتار بين المدرب والصديق والبائع .؟

المدرب قالي خذ ماصل جوس وحبوب الدب الروسي .؟

الصديق قال خذ لك سوبر قينر ..وكرياتين ..

البائع .. يقول خذ لك بروتين ايزي ماس .. وامينو 10000 .؟

ورايكم يهمني محتاج بروتين عالي بلسعرات الحراريه والفات والدهون وشنو تنصحوني .؟

وشكرأأ

[Booyaka]

رأي صديقك هو الأحسن ، وعلى قولة المثل أسأل مجرب ولاتسأل طبيب

[mjare7]

يعني اخذ سوبر قينر ولا كرياتين

الكرياتين ماعرفه وش هو بضبط شراب ولا حبوب ولا بودر

[daughtry]

فيه انواع
كل موزع تحصل عنده انواع
بس الاغلب بودر وفيه حبوب

[Special 5]

السلام عليكم

نصيحة مني خود سيريس ماس ,, لانه واضح عليك انك نحييف والسيريس ماس ينفع لك

ولاتنسى اكلك اهم اشي

موفق اخوي

[Booyaka]

يعني اخذ سوبر قينر ولا كرياتين

الكرياتين ماعرفه وش هو بضبط شراب ولا حبوب ولا بودر

خذ الاثنين المكمل مع الكرياتين وضيف كذلك الاحماض الأمينية Bcaa

، والكرياتين راح ينفخ عضلاتك ممتاز للضخامة ، وفي منه بودر وحبوب انا انصحك بالبودر
لان الحبوب اغلب الشركات تستخدم جيلاتين الخنازير وانت بكرامة .

[محمد552]

الواضح انك نحيف جدا يفضل انك تاخذ السيريس ماس او السوبر جينر او الدب الروسي كلهم زوينين على رأي الوحوش
بس ما انصحك تاخذ كرياتين لانه ماله داعي كلش معاك الحين
خذ البروتين وخذ امينو 10000 او امينو تك وان شاء الله تزيد مع جدول غذائي مضبوط

بالتوفيق ياوحش

[.ابوقحط.]

راى صديقك هو الراى الامثل
سوبر جنر فيول او سيريس ماس
+ كرياتين

[alkatal]

خذ الاثنين المكمل مع الكرياتين وضيف كذلك الاحماض الأمينية Bcaa

، والكرياتين راح ينفخ عضلاتك ممتاز للضخامة ، وفي منه بودر وحبوب انا انصحك بالبودر
لان الحبوب اغلب الشركات تستخدم جيلاتين الخنازير وانت بكرامة .

+1

وذا مالقيت السوبر قنر خذ سرياس ماس

[mjare7]

مشكوورين حبايبي على النصاايح وماقصرتوو


قررت اخذ سوبر قينر وبودر كرياتين ..


بس ممكن تشرحولي شلون طريقه استعمال بودر الكرياتين مع مااء او حليب او خلط مع البروتين والحليب وشكرأأأ

[daughtry]

اول خمس ايام فتره تحميل تاخذه على اربع جرعات بمقدار 5 جرام لكل جرعه
يعني
اليوم الاول
تاخذ 5 جرام الصبح و قبل التمرين وبعد التمرين وقبل النوم
واليوم الثاني والثالث والرابع والخامس نفسه
ومن اليوم السادس وما بعده
تاخذه بعد التمرين بمعدل 5 جرام
استعمله اسبوعين او ثلاث ووقف اسبوع
وعيد الكره ان شئت