احد جرب الايزو الروسي؟ وشو الفرق بينه وبين الايزو دايماتايز؟

[احساسي انا]

معلومات المتقدم بالاستفسار :
العمر : 22 , الجنس : ذكر

الطول :179 متر
الوزن : 85 كيلوجرام

نسبة الدهون : ***

و الاستفسار كالتالي :
السلام عليكم ورحمه الله وبركاته .
شباب حبيت اسال شنو الافضل هل russian iso whey ? وللا الايزو 100 من دايماتايز ؟
انا قريت ان الروسي يحتوي على 31 جرام بروتين فاكيد هو اكثر من الدايماتايز ..
فاذا احد جرب المنتج ياليت يفيدني ويقولي شنو الافضل .. وايضا العلبه ال 2 كيلو ونصف (5 lb ) كم عدد سكوباتها .؟
يعني الدايماتايز يحتوى على 80 سيرف .. فكم يحتوي الدب الروسي في عدد السيرفات ..
وايضا اذا احد جرب الديماتايز يقووللي عشان محتار شوي بينهم

واسف على كثره الاسئله ... والسلام عليكم ورحمه الله ...

[THE CAST]

وعليكم السلام ورحمة الله وبركاته


ايزوا دايمتاز افضل من نواحي
الطعم/ التوفير/الجوده/الامتصاص ..
واذا على كمية البروتين فانظر لحجم كل جرعه راح تلاحظ ان الدايماتز جرعته قليله ومحتوى كل سكوب تقريبا 25غرام بروتين

[احساسي انا]

تسلم اخوي ..
انا الحين كنت عند التاجر اليوم , وماحصلت النو شوت قن ..
فشنو ادخل مكانه .. انيمال تيست وللا انيمال بامب
ويجزاك الله كل خيير ..

[احساسي انا]

شباب ارجو النصيحه ..
الانيمال بامب وللا الانيمال تيست وللا الجاكد 3 ..؟

انا جربت الجاكد وصراحه كان اكثر من رائع . وجربت الاكسبلود وصراحه ماله اي فايده احس انه يضرني ما يفيدني ومايعطيني اي باور ..
فمحتار بين هالثلاث منتجات ..
وارجو الافاده منكم يجزاكم الله كل خير ..

[THE CAST]

فيه فرق بينهم الثلاث خصوصا الانيمال تست

اذا ودك بمنتج طاقه لابد تكون قاطع جميع انواع البمب لفترة لاتقل عن شهر بعدها فكر بمنتج ثان
وعندك بدل الشت غن سوبرتشارج جيد

[احساسي انا]

اها انا قاطع الاكسبلود تقريبا من اسبوعين ..

فانت شنو رايك في السوبر بامب 250 .. هل هو افضل وللا السوبر شارج .؟
وشاكر جدا اخوي مجهودك وياي

[THE CAST]

العفو وماسوينا شي واناخوك

السوبربمب صراحه فيه ناس تمدحه وناس تذمه وهنا مانقدر نرجح اي كفه لانه كل جسم وله قابليته
لكن كسمعه فالسوبربمب سمعته طيبه بالخارج ... وشخصيا ماجربته لاني مااحب اعتمد على منتجات البور كثير

تقدر تجربه ماعندك مشكله .. لكن كمل شهر وبعدها دش فالسوبر لو ودك تستعمله

[احساسي انا]

تسلم اخوي والله يجزاك الجنه يارب ويبارك لك في صحتك ..انت واللي مثلك دوم يارب

انا ان شاء الله قررت ادخل السوبر شارج في الكورس مالي وهو ايزو 100 + كاسين بروتين + امينو اكس bcaa + وان شاء الله السوبر شارج ..
بس انت ماتعرف كم يستمر السوبر شارج .. يعني كم سيرف فيه ..؟
وصراحه انا اتضايقت جدا لما شريت الاكسبلود وماسوى وياي شئ .. تقريبا العلبه ماخدت منها سوى عشر اسكوبات فقط .. ومثل ماهي ..
فما ادري ليش اخاف من التجربه مع اني جربت الجاكد وكانت نتايجه جباره .. فهل من تجربتك وخبرتك انا لسوبر شارج جيد مع معظم الاجسام .. وخصوصا الي جربو الجاك ..؟

[azoz1988]

ارجع وخذ جاك 3 دي أمن رايي بس مشكلتة مايخليك تنام لو اخذته متاخر لكثرة نسبة الكافيين فيه

[احساسي انا]

تراني والله افكر اني ارجع اخذه بس ما ابي اشتري نفس المنتج وابي اجرب السوبر شارج من كلام اللاخوان عليه ..
فهل اجيب السوبر شارج وللا الجاك افضل منه .
انا ابي واحد يكون جرب المنتجين
وشكرا على مرورك اخوي