فيديو للبطل احمد حموده واستفسار

[عمر 1]

معلومات المتقدم بالاستفسار :
العمر : 21 , الجنس : ذكر

الطول :168 متر
الوزن : 95 كيلوجرام



و الاستفسار كالتالي :
السلام عليكم

شباب الرجاء متابعه الفيديو كاملا

في الفيديو ينصح الكبتن احمد حموده الى زياده تناول حبوب الامينو الى 40 و50 في فترت التنشيف

وانا فعلا جربت البروتينات ودائما ما استطيع اكمالها وجسمي هاذا الي في التوقيع كلو بفضل الله بسبب الامينو و التغذيه

وانا خذ 25 حبه في اليوم من امينو 2222 بدون استخدام مكمل ثاني

ما رايكم في موضوع زياده الامينو

وشكرا لكم

واسف على الاطاله

[omar joseph]

وعليكم السلام
والله ما أعرف وش السالفه حقت الامينو، المدرب الي كنت العب عنده ما كان ياخذ غير الامينو ويقولي يحس انه يفيده اكثر من البروتين البودره
احمد حموده بغض النظر عن كم حبة ينصح، اتوقع الي بيمشي على نصيحته بيكون بمستوى لاعب محترف او انه ياخذ هرمون
أما المبتدأ مثل حالتي راس مالها 10-12 حبه تكفيني.
وفي بحث أمريكي قبل يومين قريته بجريده يقولك البروتينات والامينو ما يفيدو وانها نصب بنصب ..
من تجربتي انا شفت الواي بروتين والامينو ما اعطوني فايده. اما اكثر منتجات كنت احس بفرق هي الجينر بروتين والـ bcaa

[Booyaka]

وين الفيديو ..

بالنسبة لأعتماد الكباتن على الامينو فقط ، لأن نظامهم الغذائي متكامل هم مو محتاجين اي نوع من المكملات البروتينية وأضف إلى ذلك البروتين السائل خلال فترة التنشيف مايصلح لصلابة العضل فهم يبتعدون عن البروتين السائل و يعتمدون فقط على الاحماض الامينية والفيتامينات وجدولهم الغذائي ..
اما عن زيادة حبات الأحماض إلى 25 او 40 و 50 في اليوم مثل ماتقول هذا مبالغ فيه الصراحة ..

[.hamad.]

عمر بالنسبة لهذه الكمية

هاذي حق البطولات مب فالوقت العادي

وماياخذها لاعب عادي

[السلطان..]

عمر بالنسبة لهذه الكمية

هاذي حق البطولات مب فالوقت العادي

وماياخذها لاعب عادي

عذرا ياعمر.

هذا المطلوب ياكابتن حمد تصير اجسامنا مثل الابطال.
طيب لو الواحد ياخذها يقدر يوصل لفورمة اقوى من مستوى العادي؟.وهل فيها ضرر؟؟وكيف توزيعها باليوم؟؟

[.hamad.]

^^

مايصير تاخذ هالكمية الله يطولي بعمرك

الكمية هاذي مثل ماقتلك حق لاعب مقبل على بطولة ولمدة معينه فقط 3 اسابيع قبل البطولة لان الواحد يوقف بروتين في هذه الفترة ويحتاج يغطي احتياجه اليومي بسبب عدم مقدرته لاكل اي شيء قبل البطولة فينحصر الاكل على الدجاج المسلوق (ريحته خايسة ) + تونة
ويكون الامينو مهم في هذه المرحلة بحيث ان يغطي الاحتياج البروتيني

نصيحة ليس كل مايناسب ابطال العالم يناسب جسمك ويجب التفكير بالمعقول افضل لاني لاحظت ناس يطرحون اسألة مثل ان يبي يطبق نظرية روني كولمان فالاكل مثلاً او نظرية فلان الفلاني في طريقته في تناول البروتين ((ياخي هذا بطل ووزنه فوق 100 كيلو ونشاطه غير نشاطك واوزانه غير اوزانك كيف تسوي مثل الله يجزاك خير))

[السلطان..]

مشكور والله يجزاك الف خير.

[humax2007]

هذا وزنه فوق ال 100 كيلو
ويتمرن اقل شيء ساعتين باليوم وباوزان عاليه
يعني يقدر يحرق ال 40 او 50 حبه

[عمر 1]

شكرا للجميع على التوضيح

اخواني واخ حمد طيب لو واحد ما يستخدم بروتين كم حبيه امينو تنصحو يا خد وشكرا لك

[.hamad.]

^^

خذ امينو تك ولا تزيد عن 12
4 الصبح و4 قبل التدريب وبعده

[عمر 1]

شكرا اخ حمد وعذرا منك لم اكن اعلم ان الفيديو مخالف

[.hamad.]

عزيز ياعمر

واحنا بالشوفة

ولو عندك اي سؤال لاتتردد وانا اخوك

[ياضلوم]

اخوي عمر .... دام تبي تاخذ خمسين حبة امينو يبيلك تشتري gnc كله ..خخخخخ ..بلتوفيق

[عمر 1]

ههههههههههههه والله شكلها هيك لاكن خلص 12 حبه مع نظام غذائي نظيف ان شاء الله نمشي على كلام كابتن حمد الغالي انا يا ضلوم مشكلتي في البروتين اني ما استسيغه كل مره اشتري بروتين على الفاضي مع ذالك نتائجي مرضيه الحمدلله

[ياضلوم]

والله يا اخ عمر مثل ما قال لك الاخ حمد (الدجاج المسلوق له ريحه )هههه اسئل مجرب يوميا لازم دجاج مسلوق ..وما استخدم امينو ... استخدم bcaa بودره +جلوتامين بودره واموري تمام ...بس انت قلت انك ما تستسيغ البروتين؟؟؟ ليش اي بروتين تستخدم ... اذا تبي تنشف انصحك ب الهايدرو واي شوكلاته ...انا ماشي عليه من فتره وخلصت منه علبتين وباقي علبه ...ممتاز