معلومات المتقدم بالاستفسار :
العمر : 21 , الجنس : ذكر
الطول :170 متر
الوزن : 67 كيلوجرام
و الاستفسار كالتالي :
بسم الله الرحمن الرحيم
السلام عليكم و رحمة الله و بركاته
تحياتي للجميع , عندي استفسار للكباتن و ان شاء الله بتفيدوني
الموضوع بخص صديق الي و المعلومات الموجودة مش دقيقة و لكن تقريببية
الوزن نحيف لأن عضلاته كلها بارزة و معدته كمان فبترك التقدير الكم
المهم , الولد طايش و كان همه الوحيد يضخم و ينفخ بأسرع وقت , كان مواصل على الحديد و لفترة معينة و كحال الكثير بقطع بالتمرين و الخ ...
بعد فترة طق الجنان في عقله و صار بده يضخم فجأة بأي طريقة ممكنة , نصحه البعض بهرمون الدينابول , بل و الله على الاغلب الكثير , و بما انه نتائجه سريعة و رخيص الثمن أخذه مع هرمون التيستوستيرون و امينو و بروتين والله العليم (( تخبيص بتخبيص ))
أكيد مع التخبيص و الجهل في طريقة تعاطي هاي المنشطات , لدرجة انه ما كان يشرب ماء تقريباً بالمرة و مداوم على البيبسي و المشروبات الغازية
و الله جسمه بعد شهر صار مش طبيعي , ضخامة و عضل ما شاء الله , و لكن بعد فترة قصير بلشت الاعراض الجانبية تظهر عليه , اولها الحبوب المقرفة و التشققات على الظهر و تساقط الشعر
و تطورت معه الحالة لدرجة انه بحكيلي مرة حاولت امارس العادة السرية و ما قدرت بالمرة . و تقلص في حجم الخيتين و العضو الذكري بشكل ملحوظ ( أكيد على ذمتة لأني ما شفت اشي ^^)
و لكن أكثر الاعراض اللي صابتني بالذعر انه مرة كان جالس معنا و فجأة صار يصرخ و يبكي من الالم , بيضاتي بيضاتي أجلكم الله , الم رهيب في الخصيتين , أخذوه الشباب على المستشفى و بعد تحليل الدم و الفحوصات
و جدوا انه هرمونات جسمه في حالة جنان , كريات الدم ( البيضاء او الحمراء و الله ماني ذاكر ) كان عددها مش طبيعي بالمرة و لا تبشر بالخير ابداً , و الاهم من ذلك , حصوة في الكلية .
بعد كل الاعراض اللي حكيتها , أكيد هي من البديهي ان تظهر عليه , لأن الدينابول في الاصل من أخطر الهرمونات و اكثرها انتشاراً و الجهل في طريقة الاستخدام ساعد في ظهور اعراضه بشكل سريع بل و أخطر الاعراض.
السؤال الاَن , اخواني شو الحل , مش راضي يروح على الدكتور , كل ما ننصحه بحكي انا حر بعمل اللي بدي اياه ما حدا اله دخل , مع العلم انه ناوي يوخد دينابول كمان تخيلوا !!! غير المكملات
اتوقع حالياً لازم يبتعد ايضاً عن المكملات الغذائية كاملة بسبب الحصوة في الكلية
و بالسنبة للمنظفات , هل يجب عليه استخدام اي نوع من المنظفات , مع العلم انه هاذ الكلام صارله أكثر من شهرين يعني مرت فترة علية ؟؟
شاكر لكم مشاركتكم الدائمة و تواصلكم المستمر
