استفسار عن منتج

[Zatar]

معلومات المتقدم بالاستفسار :
العمر : 25 , الجنس : ذكر

الطول :170 متر
الوزن : 78 كيلوجرام



و الاستفسار كالتالي :
السلام عليكم
كثير سجلت بالجيم
بس اذا ماعندك لياقه او عضلات بيكون الجيم مثل الجحيم
ودايما اسبوع وطلع وريح نفسي من العذاب
لان كنت اتحاشه استخدام البروتيناات لجهلي فيها او لان هدفي انقاص وزني
عندي استفسار عن منتج اشد انتباهي وانا اتصفخ موقع الامازون
ان يعطيك قدره التحمل ويعطيك طاقه
وان ماعليه حطوره بما ان المنتج امريكي
اسمه
Oxydrene احد عنده معلومات عنه ؟ او في منتج شبيه له مجرب
رابط المنتج
http://www.amazon.com/Novex-Biotech-...=IX5U926JSI3H3

[abdulla91]

وعليكم السلام

بالنسبه للمنتج فتقييمه في بدي بالدنق 6.9 (جيد)

http://sa.bodybuilding.com/store/cat...te=store&btnG=

شوف غير المنتج هذا

اذا هدفك حرق دهون شوف اليبو6 او اي منتج ترتاحله

بس شغل اسبوع و تطلع ما ينفع
انت عندك هدف ولازم توصله و الوارق الدهون و الكلامه هذا كلة ما راح تفيدك اذا بتستمر على هذا النظام

شد حليك و انو العزيمة وحدد هدفك قبل ما تدفع للنادي وحط في راسك الهدف الى بتوصله مهما كان بعيد اذا عملت بالنصيحه فأنت متب بحاجه الى حوارق العزيمة و الاصرار افضل من 1000000000000000 حارق !

بالتوفيق يا بطل

وكل عام وانت بخير

اذا احتجت الى برنامج غذائي و رياضي الشباب ما راح يقصرون

[Zatar]

وانت بصحه وسلامه
وشكرا على ردك السريع
جربت ليبو 6 مدت 20 يوم ماحسيت بفرق ومايعطي طاقه
وهدفي حرق دهون وبناء عضل
والمنتج لي حاطه يساعد على الباور ؟

[humax2007]

انت تحسبنا من دخلنا كمال الاجسام وعندنا لياقه + عضل !!

ضروري تتعب اول اسبوعين وبعد كذا تزود اللياقه وتنشد عضلاتك

وافضل شيء اول الاسابيع تلعب اوزان خفيفه وعدات كثيره +جهاز المشيء
لحد ماتكتسب اللياقه

وحوارق الدهون يمكن تكون خطيره عليك اذا مالك فتره تلعب رياضه
لان نبضات قلبك بطيئه لعدم ممارسة الرياضه

واغلب حوارق الدهون تسبب خفقان للقلب

[Zatar]

ادري ماحد يبدا بعضل او لياقه
ببس اكثر لي اشوفهم يبدون ياخذون مكملات غذاائبه وبروتينات والاحظ التغيرات فيهم
وانا لي يخليني افقد الامل ان ماخذ شي وابذل مجهود ولا احس بتغير هذا لي يخليني اترك النادي
وحبيت استفسر عن المنتج اذا يعطي بور + ويزيد الياقه عشان ابذل مجهود دبل
ويعطيني حافز !
وشكرا مره ثانيه على معلوماتك الثمينه

[abdulla91]

انت تبي تخسر من الميزان 8 الى 10 كيلو صح

جربت L carntine

بعدين تعال وش اسبوعين ترى شهر مده قليله الرياضة سواءً لياقه او تخسيس او بناء الاجسام ( كلها رياظة صبر و طولة بال )

انا بنظري لازم تبدل افكارك و اعتقاداتك عن المكملات ( انصحك انك تاخذ جولة في المواضيع المميزة )

ولا تطالع اناس الي في انادي ترى كل جسم الله سبحانه وتعالى فرقه عن الجسم الثاني ( انا عن نفسي لو باكل اي شئ دهني على طول انتفخ و زميلي الي معي طبيعي )

على هذا الاساس انا بنظري انك لو قررت انك تشترك في النادي

1- قياس الوزن يكون مرة بلأسبوع
2- الاتزام بالرجيم ( و هو الاهم من الحوارق )
3- الابتعاد عن الدهون و السكريات و الغازيات
4- الاتزام بالرياضة وتخصيص وقت معين لها ( مو تقول اذا فظيت بروح لا لازم يكون عندك جدوال يومي )

واذا صملت على التخسيس الوزن قلنا عشان نعطيك نظام غذائي لو حبيت اشباب عنده انظمة جدا حلوه ( افتح موضوع ولا تنسى تذكر فيه فصيلت دمك للفائده )


وتذكر من يتهيب صعود الجبال يعيش أبد الدهر بين الحفر

البطل الذي لديه العزيمه والاصرار على ان يطور مهاراته.... ويستفيد من قدراته

سلام يا بطل

[Zatar]

كانك قريت لي براسي
ابي اخسر هالوزن 8 -10 كيلو
اما عن المنتج

L carntine لا ماجربته و اول مره اسمع فيه

وبعد اعرف شخص لعب 7 شهور بدون مكملات ولا تغير بجسمه شي
اقتنعت ان المكملات اساسيه بس لازم تعرف شنو المكمل لي تاخذه

ان شاء الله افتح موضوع
بس فصيه الدم مهمه؟

[iMut3b]

7 شهور معناته مو ملتزم بالرياضة + مو مهتم باكله ..

سو رجيم محترم والتزم بالرياضة واضمن لك شهر بالنادي وبتشوف فرق كبير

ونصيحة لاتاخذ مكمل من دون خبرة .. اقرا واسال وشوف تجارب الشباب
لا تاخذ مكمل من دون رياضة

ولا تتوقع ان المكمل لو تاخذه لحاله بيسوي لك هوايل ! ترا مجرد عامل مساعد

فصيلة الدم مو مهمة

[Zatar]

المشكله لا سويت رجيم ورحت النادي ماقدر ابذل مجهود ماكو طاقه بتشوفني دايخ بين الحديد هههه
عشان جذي استفسر عن شي يعوضني عن الاكل ويعطيني طاقه
عشان ابدا في رجيم صح
والمنتج لي حاطه والمنتج لي حاطه اخوي عبدالله هل احد جربهم ؟
وانا مافكر اخذ بروتين ماعرف شي عنه

[iMut3b]

كلامك صحيح اخوي .. اذا سويت رجيم غير صحي ماراح تكون فيك طاقة لانك ماتاكل اصلا

شوف الكابتن حمد دايم ينزل جدول غذائي للتنشيف استفسر منه وبيعطيك الجدول مثل الجدول اللي هنا
http://www.montada2.com/showthread.php?t=757870

اما اللمنتج اللي نزلته بصراحة اول مرة يمر علي

بالتوفيق يابطل وخل عندك همة وبتحصل اللي تبي ان شاء الله وعيدك مبارك