ابي اضخم واحرق دهون في نفس الوقت نصائحكم ياكباتن+يوجد صور

[bader 6]

معلومات المتقدم بالاستفسار :
العمر : 24 , الجنس : ذكر

الطول :173 متر
الوزن : 92 كيلوجرام



و الاستفسار كالتالي :
نسبة الدهون: ماادري بس اتوقع ٢٣

السلام عليكم ياجماعة

انا الهدف حقي اني ابني جسم فرنسي قوي وخالي من الدهون. انا اللعب اللعبة هذي من سنه وكم شهر ولاكن انقطع وارجع لها بحكم ظروف الدراسه، وانا الأن في السنه الاخيره في الجامعه وعندي وقت فراغ وقررت ارجع واحقق هدفي، وفعلأ راجعت الاسبوع اللي فات وتمرنت اوزان خفيفه وكارديو 20 دقيقه.

انا ابي منكم ياكاباتن تشفوف صوري وتعطوني ارائكم، وابي منكم نصيحتكم في كل شي يعني من 1.جدول التمرين 2. عدد التكرار لكل جلسه 3. الكارديو متى وكم دقيقه اللعبها وايش الجهاز المفضل. 4.وجبات الغذائيه 5.المكملات الغذائيه اللي احتاجها.



مع العلم انا استخدم حاليا بروتين iso 100 و سوبر امينيو 4800 MG و ملتي فايتمن و بروتين كاسين اخذه قبل النوم

طبعاً انا ملاحظ الجسم السفلي عندي اقوى من العلوي يعني اذا تمرنت ارجل اشيل اوزان ثقيله وتبرزعضلاتي بسرعه، لاكن جسمي العلوي اعاني فيه بصراحه وعندي عضلات ضعيفه مثل الصدر والباي والتراي.

وسمنتي في البطن من الجزء السفلي والخواصر والارداف.

ورجائي لكم ياكباتن وياقراء قبل اي واحد منكم يقرر ينصحني ويرد على موضوعي ان يكون محترف في اللعبه وفاهم ايش قاعد يقول، عشان كل واحد فينا يستفيد من المواضيع اللي تطرح هناء، لأن انا قبل سنه حطيت موضوع هناء وتجي ناس تتفلسف وكل واحد يعطيك شي مختلف عن الثاني، وهذا شي ضرني لان مشيت على الكلام اللي اسمعه واخذت مكملات غذائيه ما احتاجها وزادت نسبة الفات والدهون في جسمي وانا اللحين ابي احقق هدفي وابني جسم فرنسي قوي واحرق الفات.

ومعليش لااحد يزعل مني ياجماعة واسف على الأطاله

[أبو فارع]

جدول غذائي مناسب وتمرين فقط

[srab9]

صعبه تضخم وتحرف بنفس الوقت
انا اشوف لو تخفف وزنك قبل يكون افضل بعدين تبدا تضخيم ويكون نظامك الغذائي مناسب عشان ماترتفع الدهون عندك

[bader 6]

مشكورين على الردود يا أبو فارع ويا srab9. بس ياليت التفاعل اكثر ياشباب ولا تبخلون بنصايحكم

[bader 6]

يعني ١٩٠ مشاهده ولا في رد وينكم يااعضاء المنتدى؟؟؟؟

[عبد الغفورر]

نزل وزنك و اذا صار عندك زيادة بسيطة 4 او 5 كيلو ادخل حديد ونشف
بعدين ابدا برنامج التضخيم

[bader 6]

مشكور ياعبدالغفورر على الرد يعني تقصد انزل وزني ٨٥ وابدا حديد؟

[Mr.Lka3h]

ابدا تنشيف من الحين واقلب الدهون عضل

انا اشوف مشوار صراحه تخفف اول بعدين ترجع تبني الافضل انك تقلب الدهون عضل

وركز على الكارديو تراه ممتاز جدا عن تجربه

[srab9]

ابدا تنشيف من الحين واقلب الدهون عضل

انا اشوف مشوار صراحه تخفف اول بعدين ترجع تبني الافضل انك تقلب الدهون عضل

وركز على الكارديو تراه ممتاز جدا عن تجربه

مافيه شيء اسمه يقلب الدهون لعضل
ولا العضل يتحول لدهون

[نجر العتيبي]

أخوي بدر مسالة أن تضخم وتشنف في نفس الوقت . هذه مسأله مستحيلة . لان كل هدف وله برامجه الغذائيه الخاصه وتكتيك ودعم . بطريقه أخرى ( س - ص ) مستقيمان لا يلتقيان .

فانا أشوف أن تدخل برنامج غذائي ورياضي يهدف إلى إنزال نسبة الدهون بعدين تقدر تدخل برامج تضخيم تعمل فيها كنترول على نسبة الدهون من عدم زيادتها بشكل فاحش كما يحدث مع بعض اللاعبين ، تستطيع فيما بعد إنزالها بوقت اسرع وأسهل .

[bader 6]

هلا نجر تقدر تقول لي ايش البرنامج الرياضي اللي امشي عليه

[نجر العتيبي]

هلا نجر تقدر تقول لي ايش البرنامج الرياضي اللي امشي عليه

والله أخوي بدر كان لك من الأولى أن تسأل عن البرنامج الغذائي قبل الرياضي لانه هو الأصل وبدونه البرنامج الرياضي فيشينق .
ماعلينا ، البرنامج الرياضي يعتمد على مستواك البدني + قوتك البدنيه لأنهم هي إللي تحدد حدة البرنامج الرياضي أولاً ( وأنا اقصد الكارديو ) .

فإذا مستواك جيد تقدر تبداء بحده عاليه يوم بعد يوم ولمدة ٤٥ دقيقه في الحصه الواحده بشكل متنوع jugging و Spinning . وإذا مستواك اللياقي ضعيف إبداء بشكل تدريجي حتى تتجاوز مرحلة تكسب فيها لياقه بدينه عاليه وبعدها تنتقل شيئاً فشيئاً إلى المرحله اللي تكون فيها حصة الكارديو عالية الحده .

في كلا الحالتين لابد أن تكون بعد حصة الجيم .

[bader 6]

والله اخوي نجر انا لياقتي لابس فيها لان اذا رحت النادي ابعد ١٠ دقايق على السير وبعدها ابدا حديد وبعد الحديد ٣٠ دقيقه على السيكل، وبلنسبه للتغذيه الصباح غالباً ٦ بياض البيض وواحده بيض كامله ومع شرحتين توست اسمر وموزه وعصير الغداء صدرين دجاج مع رز وسلطه وبطاطس مسلوقه والعشاء صدرين دجاج وسلطه وبين الوجبات فواكه وبروتين شيك بعد التمرين.

واحاول اني ابعد عن الدهون والسكريات بس يوم بالاسبوع اكل اللي ابي.

اذا عندك ملاحظه لا تبخل علي ويعطيك العافيه ياخوي