ياليت مساعدة عندي دورة عسكرية وخايف العضل يروح

[ابو عبدالرحمـن]

معلومات المتقدم بالاستفسار :
العمر : 27 , الجنس : ذكر

الطول :170 متر
الوزن : 63 كيلوجرام

نسبة الدهون : 15

و الاستفسار كالتالي :
السلام عليكم ورحمة الله وبركاتة

اخواني الاعزاء انا صار لي فترة اتمرن حديد تضخيم تقريبا شهرين

بس الحين توهقت شوي يوم الاحد عندي دورة عسكرية (دورة دفاع مدني تاسيسية ) الركض بس 5 كيلو هذا الصباح غير

باقي اليوم اعمال شاقه يعني ): وانا ما فيه لياقة لاني ما العب كارديو كثير لاني كنت اضخم


المهم استفساري هل اقدر اكمل تضخيم مع هالكرض والدورة والا احول تنشيف فنرة الدورة وارجع تضخيم

انا ما عندي ذاك الكتلة العضلية لكن سويت شي حلو تقريبا لان وزني كان 58 كيلو

مكملات الي استخدمتها فترة التضخيم هي

1- بروتين واي جولد استاندر+ بروكبلكس جينر قبل التمرين فقط +كازين مرات اذا ما تعشيت عدل اخذه فالليل

2- كرياتين +ملتي فتامين (اوبتي مين ) + فيش اويل + حبوب للمفاصل تري فليكس من جي ان سي

3-اكسبلود قبل التمرين بنص ساعه او 45 دقيقة + نتريكس 3 حبات 3 مرات باليوم على معده فاضيه

4- bcaa 5000 من جي ان سي بودر وقت التمرين فقط امزمز فيه + zma قبل النوم مباشرة


الحين باقيه معي هالاشياء للحين المهم


اليوم رحت شريت كرناتين اسمةcarnimax2000 سائل بعبوات صغيره +جلوتامين قلت على شان احافظ على العضل


هاذي صورة المكملات ال bcaa صاير تحت الاكسبلود مو باين الباقي واضح طبعا ما راح استخدمها كلها الحين ابي نصيحة منكم




وهاذي صور لي الحين اول كنت بدون حاجة جلد وعظم فقط






طبعا الظهر مو شاده لاني اصلن ما اعرف اشده ههههههههههه

[ابو عبدالرحمـن]

الدورة بتكون 3 شهور و10 ايام تقريبا ياليت تعطوني حل

[قونسل]

مشاء الله
معاك حق تخاف على العضل
بس مالك الا تعمل تمارين شد وبطن وضغط اذا سمح لك الوقت بالدورة
الحقيقه فعلا راح يخرب بس حاول تحافظ كد ماتقدر

مابي اقولك عن خويي قبل لايدخل الدورة وبعد ماطلع
اخاف تتركها ولاشي اكسب ذنبك
موفق

[ابو عبدالرحمـن]

المشكلة الدورة الزامية وراح تصادف الصيف وانا عارف هالدورات تنشف الواحد دخلت دورة قبل ونشفوني تنشف كان وزني 70 وصلت 58 بنهاية الدورة ذيك كانت 7 شهور

الحين هاذي 3 شهور و10 ايام تقريبا وانا متحطم نفسيا الصراحة لان هاذي ثاني مره راح ينشف جسمي ويروح كل الي سويته جتني عقدة


حبيت احط يعطيني حل شلون اقدر احافظ على العضل على الاقل او ازيدة

الدورة بتكون الصبح من الساعه 5 لين الساعه وحدة الظهر

ياليت احد يفزع لنا يا شباب لان الاحد بداية الدورة

[divs]

لا تضخم ولا تنشف في هذه الفتره حاول تحافظ على المستوى والعضل قدر المستطاع وتوزيع وجباتك على مدار اليوم وتكون عاليه الكارب والبروتين، يعني حاول تاكل بقدر ماتحرق من سعرات حراريه، واستخدم مكملات الـ bcaa والجلوتامين ويفضل انك تخلطهم مع بعض وتشربهم بعد التمارين الشاقه او خلالها في وقت الراحه

[StronGest]

مثل ماقال الكبتن حاول تاكل كثير بالدورة عشان جسمك يحصل السعرات الحرارية المطلوبة مع التمارين الشاقة ... صدقني لو حافظت على الاكل مع شوي ضغط وعقله .. بتلقى جسمك مانقص عضل ونقص فات ...
اهم شي الاكل والنوم الكافي والراحة (النفسيه) .. بالتوفيق يابطل

[ابو عبدالرحمـن]

شباب محد عطاني الحل الامثل

الاسبوع الاول مر من الدورة والامور ما تبشر المشكله ما فيه وقت اكل الصبح ركض تقريبا من 5 الى 7 كيلو وان اكلت الصبح شي برجع (اطرش) بعدها على طول تمرين عسكري لين الساعه 12 او 1 الظهر والبريك من 5 الى 10 دقايق كل ساعه يعني تقريبا 6 ساعات بدون وجبة محترمة كل شي ممنوع واول ما اوصل البيت اكون دايخ وانام


ياليت لو فيه اشياء تساعدني انا وقت استخدام كل شي لان نقص سوائل وخفت اي شي ممكن ياثر


ارجو حل منكم اي منتج ممكن يساعد او اي حل وطريقة او جدول يناسبني جدول تمارين وتغذية

وشكرا

[FinalFantasy9]

حاول تجهز وجبات وتوزعها في علب بلاستيكية حافظه وتخليها في السيارة والدوام وتاكل حتى لو شي بسيط بين كل فترة والثانيه ..

ما تقدر تمنع مثل هالتغيير بس ركز على تخفيفه ..

انا سنة كاملة اشتغلت وظيفتين من 7 الصبح لين 11 بالليل دمرت جسم بنيته في سنتين بس صدقني العودة اسهل بكثير من البناء بدون ماضي رياضي ..

محد يقدر يقولك حل سحري .. وكل النصايح الي فوق مهمه فركز في الاكل المفيد الي يعوض الحرق والتعب وان شاء الله بعد الثلاثة شهور لو اشتغلت في تغذية العضلات بترجع بسهولة ان شاء الله .

[المحرق اولا]

اخوي الحل الانسب
الصبح تسوي لك وجبة محترمة وبنفس الوقت خفيفة
حبة موز + سكوبين او 3 سكوبات بروكمبلكس جينر +شوفان وتحط حليب وتضربهم بالخلاط

طبعا لاتنسى الجلوتامين للمحافضة على العضل ... يجذي بتكون عندك سعرات حرارية كثيرة وبتحرقها ف التمرين بدل العضل

[جده ستي]

العضلات ملحوق عليه ياعسل اهم شي انه صحتك بخير وانه راح تقدر ترجع تكمل حديد بعد والدوره والمهم والله العضلات ماراح تفيدك الحين ياعسل ركز معي
1- توكل على الله وخش الدوره بدون تفكير في عضلاتك
2 - حاول تركز في التمارين الركض والبنش والبطن في الدوره يعني حقة الدوره وراح تحصل فايده
3- اكيد تفقد عضل مستحيل وتفر المكملات جوى المعسكر او البروتين
4- الحمدالله صحتك بخير مع تمارين البطن والضغط والاطاله راح يكون جسمك ميه ميه
5 - تاكد انه كل ثلاث اشهر وترجع تلعب وانت مرتاح
6- تاكد انه هذا رزقك ومستقبلك وهو الاهم من كل النادي والمكملات وراح تكون مرتاح بعده وراح تكون مستقبلك من الرزق هذا
7- الله يوفقك ويرزقك ويسهل عليك دورتك وان شاء ترجع لنا بعد 3 اشهر وترجع النادي
وسلامتك ياغالي