معلومات المتقدم بالاستفسار :
العمر : 38 , الجنس : ذكر
الطول :179 متر
الوزن : 65 كيلوجرام
و الاستفسار كالتالي :
السلام عليكم اخوانى
انا تصفحت كتير فى الانترنت و اخيرا قررت الاشتراك فى منتداكم الطيب هذا و ارجو مساعدتى
و احترت فى تصنيف استفسارى كمال اجسام و لا تغذية و لا زيادة وزن لانى محتاج كل دول
انا عمرى 38 سنه يعنى عجوز شوية
وزنى 65 حاليا و احيانا بيزيد قليلا او يقل
طولى 179 سم و معرفش نسبة الدهون و انت كنت اعتقد انه مفيش دهون خالص , و متزوج و عندى ولدين كمان
انا من عشرة ايام دخلت الصالة اول مرة و لعبت حتى الان 3 مرات بس انا جسمى ضعيف و قدرتى العضليه احسها محدودة و كمان احس عصبى ضعيف و احيانا يكون فيه رعشة خفيفة فى يدى و حاليا العب تمارين عامة
قدرتى على التحمل عاليه جدا يعنى امارس الجرى لمسافات طويلة و نفسى مضبوط , لكن مشكلتى بالاكل و التغذية انا اكلى ضعيف جدا و شهيتى دايما مسدودة حتى الافطار ضعيف و ساعات ما افطر اصلا
انا عايز استمر فى لعب الحديد فقط فقط فقط للقوة و اللياقة و شد العصب و شويه زيادة وزن و لا اريد اى مظاهر تضخيم او تقسيم
سؤالى انا عايز حد يقولى على مكملات كويسة تساعدنى فى هدفى و تكون مكملات من نوع اللى ممكن اخدها حتى بدون لعب حديد لانى مضمنش استمر يوميا لدواعى السفر و الشغل لكن تكون مكملات تسساعدنى حتى لو لعبت كورة او لمقاومة الاجهاد اثناء العمل او حتى للحديد , يعنى زى مقويات كده و تكون كلها طبيعيه و غير ضارة و بعيدا عن الهرمونات و المحفزات و كده طبعا مع مراعاه السن 38 سنه و عوامل الهدم فى السن ده اكتر من البناء ( معلش عجوز انا بقى . بس لياقتى عالية والله و الى يشوفنى ما يعطينى سنى خالص
انا قريت عن حاجات كتير زى واى بروتين و الاحماض الامينيه و zma , omega , غيرها
انا حاليا من مده باخد اوميجا 3 مرة فى اليوم كمكمل غذائى من قبل ما افكر العب و من وقت لاخر حقن فيتامين ب بيكوزيم و قريت كمان ان مثلا zma ده عبارة عن فيتامينات فقط
الله يكرمكم بقى عايز حد يقولى اعمل ايه و اجيب ايه منين و ازاى و استعمله ازاى بالتفصيل عشان انا هنا جديد و ده طبعا بعد نصايحكم عن الاكل اللى اتمنى انجح فيها هى الاخرى عشان اقدر اشيل العيال و متعبش
معلش طولت عليكم
و جزاكم الله خيرا جميعا و رزقكم حبه و صحبه نبيه محمد صلى الله عليه و سلم
انا عايز اشد عضلات الضهر القطنية و الترابيس و الفخد الخلفية و التراى و الباى بشكل اساسى و
