حاس بألم , تعب ,ارهاق وبغرااابة

[بن ماجد77]

معلومات المتقدم بالاستفسار :
العمر : 25 , الجنس : ذكر

الطول :183 متر
الوزن : 92 كيلوجرام

نسبة الدهون : 20

و الاستفسار كالتالي :
السلام عليكم ورحمة الله و بركاته


اخواني الكرام ارجوا انكم تفيدوني


انا من عشاق الحديد و بعد انقطاع طوووويل ماصدقت اني رجعت اتمرن نفس العالم و اوزاني ارتفعت


كملت اربع اسابيع بانتظام , اكل بالميزان , مكملات على الساعة و اوزاني ارتفعت بقوة كل اسبوع.


صارلي 3 ايام ماقدرت اروح اتمرن ,, شهية الاكل مسدووودة


جسمي كله تعبان مادري شصارلي ,, في ألــــم في كل مناطق جسمي


عظام اصابع يدي و قدمي تكرمون ,, مادري ايش اللي فيني

جفااف كبير مو طبيعي وقت الصيام مع اني ماقرب صوب الحر و الشمس

خلال ايام التمرين استخدم التالي :


هيدرو واي - ملتي فايتمن - امينو بي سي اي مكس مع كرياتين 5 غرام يوميا

قبل النوم كازين - و ثلاث حبات zma - خلال اليوم اخذ حبتين ملتي فايتمن اوبتمن و ثلاث حبات tri-flex

اكل جدا منتظم و تمريني عالي ..

هل هو بسبب رمضان ولا شالقصة ,, موقادر اتحرك و كل شي عندي فجئة صار ضعييف و مافي طاقة كسل و خمول يا جماعة .

[mr.dark.gym]

لانك قطعت فتره كبيره صار في خمول في عضلات الجسم .. فشيء عادي انك تحس بالألم ..

اما بالنسبه لكل المكملات .. وقتك غلط المفروض في رمضان تستعمل البروتين بسس

والكرياتين يحتاج لماء كثير علشان يطلع من الجسم

[بن ماجد77]

طيب اخوي بس انا الحين كملت اربع اسابيع ماكان في مشكلة ,, اول اسبوع الم طبيعي بعد الانقطاع بس الحين بعد شهر كامل جاتني هالحالة وهي الم في كل عظامي و جسمي ,, اكتب فالكيبورد و احس اصابعي توجعني مادري ليش,, ايظا نفسيا محبط مادري اذا له دخل العامل النفسي ,, اوزاني فالجم زادت بكثير لكن جسمي دهونه زادت لان قبل كنت استخدم سيريس ماس و سمعت نصيحة ناس باكل كل شي في فترة التضخيم و جسمي صار اسوء من قبل ,, بسوي موضوع ثاني فيه صوري قبل و بعد ,, و كلامك صح اعتقد مكملات في رمضان ضغط و كثير ,, بستخدم بروتين و امينو بس

[twohaibi]

شكلك ارهقت نفسك
حاول ترتاح لك كم يوم وقف تمرين وخذ جاكوزي بارد وسوي مساج
كثر شرب مويه
بالنسبة لي كل شهر اخذ من يومين الى 3 ايام بدون اي مكملات او بروتين
فقط اشرب عصائر واكل اكل معدوم او قليل البروتين
فائدة الطريقة هذي تخلصك من السموم اللي في جسمك وتريح اعضاءك وخصوصا الكبد

[بن ماجد77]

شكلك ارهقت نفسك
حاول ترتاح لك كم يوم وقف تمرين وخذ جاكوزي بارد وسوي مساج
كثر شرب مويه
بالنسبة لي كل شهر اخذ من يومين الى 3 ايام بدون اي مكملات او بروتين
فقط اشرب عصائر واكل اكل معدوم او قليل البروتين
فائدة الطريقة هذي تخلصك من السموم اللي في جسمك وتريح اعضاءك وخصوصا الكبد

المشكلة اني متحمس و مب وقته يجي هالالم الغريب الحين و هالحالة ,, زمان ممكن العضلة تتالم طبيعي ولكن الان العظام, الركب, اليد الرجل البطن الظهر , تركيز مافي و جفاف ساعات

[samexi666]

يا.اخي.حرام.عليك.تاخد.كرياتين.برمضان.!!!!.كيف.بدك.تشرب.كميات.ماء.كبيرة.!!!!.بكرا.بتضرب.الكلية.!!.انت به.ولاتاخد.مكملات.على.هواك

[nanoooz]

اسمع نصيحه قد ماتكون حل نهائي لكن نصيحه افيد بها كل الاخوان ( انا كنت اعاني من فتره في الام في القدم اول ماصحى من النوم وفي الركبه والساق والمفاصل ومع العلم اني كنت بشرب مويه بشكل مو طبيعي لكن ماروح الحمام الله يكرمك الا مرتين في اليوم فقط فاقول معقوله كل هالمويه الي اشربها وبس مرتين

وفي عندنا حرمه كبيره ربي يديها طولت العمر ويشفيها بتشتكي من املاح مزمنه وكانت تتعذب وتعاني من الاملاح ومهما تشرب من مويه مافي فايده فجربت المويه حقت الاطفال الي تنباع في الصيدليات الي فيها نسبة املاح قليله جدا وربي سبحان الله الادميه ارتاحت راحه مابعدها والسبب ان المويه الي نستهلكها كلها مضروبه والله وفيها نسب املاح واحنا عالم بتاخد مكملات بروتينات احماض وكيرياتين وهالاشياء محتاجه شرب مويه مافيها املاح عشان تصفى الكليه مضبوط من الترسبات

لما جربت المويه انا ايضا ورب الكعبه اني اقوم من النوم ربي يكرمكم اروح الحمام واتبول وحسيت باالالم الي كان يجيني في جنبي خف والالم القدم كذلك والمفاصل
جربو ماراح تندمو

[بن ماجد77]

مشكورين يا شباب و خلاص باخذ بس امينو و بروتين وبعد رمضان ان شاء الله غير ,, و اخوي nanoooz عملية الادار عندي انا بالعكس احس خل شوية لازم الله يعزكم ادخل ادرر و هالشي تعبني احس ارهاق من هالشي ايظا .. بسمع نصيحتكم و التقليل من المكملات في الفترة الحالية و الله يعطيكم الصحة و العافية

[البرتو ديل ريو]

مكملات كلها غلط بغلط
الهيدرو بروتين يغنيك عن امينو بي سي الهيدرو فيه bca
الكرياتين ممنوع وقت رمضان لانه يسحب الماء الي بالجسم وحنا نصوم 16 ساعه كيف تبي جسمك يشتغل
الكازين خذه قبل السحور بساعه
انت عطيت الجسم فوق طاقته وشف النتيجه السلبية عليك
خذلك راحه اسبوع بدون اي مكمل بعدها كمل على الهيدرو والكازين
في دهون اسمه فولتارين عند الصيدلية مررريح للعضلات ادهن فيه جسمك قبل النوم وبعد عن هواء المكيف

[KAPAL]

الشباب نصحوك وماقصروا !!!
اقطع الكرياتين وقلل الملتي فيتامين من 3 حبات إلى حبتين يوميــًا أو أقل.... كثر المويه .. خذ لك 3 أيام راحة إجبارية.
أيضــًا أريد إضافة معلومة صغيرة .. وهي أنه من الصعب على الجسم بناء العضل في رمضان .. ناهيك عن زيادة الأثقال في التمارين.. وهذا بسبب الصوم اليومي الشديد. لهذا أنصحك بالتخفيف من حدة جدولك اليومي.

مثلا ً إذا كنت تعمل 12x3 خليها 12x2 وان شاء الله يعدي رمضان على خير.

[Mr.Puma]

انصحك بمكمل او حبوب فلاكس من يونفرسال .. كثير ناس راضية عنه بعد الاستخدام لهذا الغرض
مثل المشحم هو لمفاصلك واوتارك

دمت بخير

[بن ماجد77]

شكرا اخواني و الان الحمدلله احسن بتحسن افضل و افضل بعد الراحة و التوقف عن المكملات