كمية مايحتاجه لاعب كمال الاجسام من الطعام في اليوم

[خالد ,,]

معلومات المتقدم بالاستفسار :
العمر : 18 , الجنس : ذكر

الطول :172 متر
الوزن : 64.5 كيلوجرام

نسبة الدهون : !!!!

و الاستفسار كالتالي :
بسم الله الرحمن الرحيم

اخباركم ياكباتن ان شاء الله طيبين ,,


سؤالي الاول :

كيف احسب الكمية اللتي احتاجها في اليوم من الطعام للتضخيم
بروتين - كارب ...الخ

يعني اريد احسب كم في كل وجبة من بروتين وسعرات و و و
+ اعرف كم احتاج من كل شي في اليوم علشان اقدر اوزعها على 6 وجبات 3 اساسية 3 غير اساسية

السؤال الثاني :

انا اشوف كثير من الاشخاص عندما يطلب جدول غذائي يرد عليه اعضاء ويقولون شوف هذا الجدول
ويكون الجدول لشخض ثاني

توضيح اكثر

هل جميع الناس باوزانهم وطولهم ونسبة دهونهم يمكن أن ينفع معهم جدول واحد ؟؟

اذا لا ( فـ ليش كثير من الاعضاء يقول شوف قسم المواضيع المميزة فيه جداول غذائية تفيدك )
كيف تفيدني والجدول مخصص لشخص ثاني وانا وزني وطولي ودهوني تختلف عنه ؟؟


اتمنى منكم المشاركة لان الموضوع يهمني

هل اقدر اشوف اي جدول تضخيم في المواضيع المميزة وامشي عليه لكن يمكن لايناسب جسمي واذا مايناسب كيف احسب اللي احتاجه علشان اككون لي جدول خاص واشوف النتائج المرجوة من خلاله ؟,,

اعذروني على الاطالة لكن اتمنى الاجابة من الجميع ..

تحياتي لكم

[M5Q]

أي أخوي لما نقول خذ لك لفة على المواضيع المميزة !
يعني هذة الجداول تصلح للكل ، مو شرط في الاكل بس
حتى التمرين مقارب جدا ! ، مثل لو اشتركت في نادي
المدرب راح يعطيك جدول حالك حال بقية المشتركين
بنفس المواصفات أحيانا !

وبالنسبة على الأكل ، أنت مثلا وزنك 64 يعني أنت محتاج 160 غرام بروتين في اليوم !
وعشان نكون واقعيين معاك ! ، صعبة توفر هالقدر في ظل تضخم أسعار البروتينات وغيرها
لكن تقدر تعوض هالشيئ في الأكل ، والاكل الغني بالبروتين أيضا يحتاج ميزانية
سواء في التونة أو الدجاج أو زبادي .. الخ !

ومن ناحية الحسبة للسعرات الحرارية ، أنت كشخص المفروض عليك ماتتعدى
2800 سعرة في اليوم كونك رياضي ، والسعرات شاملة بروتين وكارب ودهون !
طبعا لشخص الرياضي الوسط في الأكل والتمرين !

بس في غالب الأحيان أغلبنا يتجهه لحساب كمية البروتين في اليوم
بدلا من السعرات الحرارية مع الابتعاد الكلي عن الدهون كالزيت الطبخ !
لأن الاهم في اللعبة هو زيادة البروتينات والابتعاد عن الدهون !
وأي حاجة مليئة بالبروتينات وقليلة الدهون .. فـ أكيد سعرات متوسطة .

[خالد ,,]

يعطيك الف عافية اخوي M5Q

اتمنى اشوف اراء البقية ,,

[psp99]

اخوي M5Q ذكر كل شي تحتاجه وماقصر
وبلنسبه للجدول الغذائي اذا يتناسب مع الجميع او لا ؟ في عدة عوامل تأثر فيها

مثلا ممكن يكون عندك حساسيه من بعض الاطعمه او ممكن يكون هالجدول الغذائي اكثر من احتياجك ولايتناسب مع وزنك وممكن يكون العكس
عشان كذا انا افظل تاخذ جدول تحس انه مناسب لك وتعدل علي مما يناسبك

عن نفسي ماعمري مشيت على جدول غذائي من الانترنت او النادي والسبب انه في اكلات احبها وفي ااكلات مااحبها عشان كذا اسوي جدول على كيفي احط الاكلات الي احبها وبنفس الوقت اقوم احسب القيم الغذائيه لهالجدول وطلعت معاي حول 2400 سعره حراريه يوميه والبروتين مايقارب 120 قرام صحيح ممكن جدولي مايكون صحيح او الافظل
لكني مرتاح لاني اكل الي احبه ومستحيل افوت اي وجبه لاني مغصوب عليها
عشان كذا نصيحتي لك سوي لك جدول بنفسك واذا مالك خبره بالتغذيه هات لنا جدول وعدل عليه واحنا بنساعدك اذا الجدول تمام او لا

[alleewan]

شوف اخوي خالد
حساب المتطلبات الدقيق هذي للمحترفين والناس اللي وراها بطولات

انت في مرحلة تضخيم الان لانه جسمك نحيف يعني تحتاج اكل باستمرار وكثره طبعا مع المحافظه على جودة الاكل والابتعاد عن الوجبات السريعه والمقالي


عموما انت تحتاج تقريبا كمية بروتين يوميا ( دبل وزنك ) وشوي بعد

لو افترضنا الوجبه الوحده بتوفي لك 30 قرام بروتين معناته 5 وجبات بتوفي لك 150 غرام .... معناته تحتاج كل 3 ساعات وجبه عشان تجيب هالكميه .


وجبات اساسيه وتقريبا المهمه واللي بتحتاجها وتقدر انت تضيف او تعدل براحتك

الصباح 5 بياض بيض مع كاسة حليب وحبتين توست اسمر
الظهر صدرين دجاج مع مكرونه
قبل التمرين بساعه بالقليل بطاطس مسلوقه
بعد التمرين لو كان عندي بروتين تشربه
وبعدها بساعه علبة تونه الصغيره
العشا شريحتين ديك رومي بالتوست مع جبنة قريش وكاسة حليب


ان شاءالله هالجدول لو استمريت عليه يجيب معاك نتيجه طيبه

بالتوفيق يارب

[خالد ,,]

يعطيكم الف عافية
والله على عيني وراسي

ان شاء الله راح اخذ بنصائحكم جميعا ,,

اطمع للمزيد من الملاحظات اتمنى اشوف اراء البقية...

[ديزل ديزل]

المتحكم فى الجسم هى التغذيه يعنى لو مشيت على برنامج تغذيه مثلا لواحد محترف جسمك مش هيستفاد بكميه الطعام يعنى هو بياكل على حسب وزنه وبياكل بدراسه ومش اى حاجه بيكالها وانتا اما تيجى ترفع وزنك وضخم بتاكل اى شى بس يكون صحى والكربيهدرات بتزيد والدهون الصحيه بجانب البروتين واى نظام صحى تعمله كل ما وزنك يزيد لزم الكميه تزيد علشان بتكون محتاج سعرات اكتر

[www222]

حتى لو اخذت جدول غذائي تضخيم لازم تعرف معدل الأيض بالجسم وطريقه التمرين هل انت مريح طول اليوم او دوام وتمرين كلها مرتبطه ببعض حسب عمرك معدل الايض عالي بحكم ان جسمك في مرحله نمو ومهما تاكل ماتجيب النتيجة الي في بالك ولافي احد يقدر يحكم 100% لكن بشكل عام زيد عدد وجباتك 5 وجبات باليوم العمليه ماهي بيوم وليله والله ابغى ازيد وزني ؟ وهذي 10 او 20 كيلو لا !! الموضوع يحتاج سنوات وصبر بس مثل ماقلت لك زيد عدد وجباتك + مكمل فيه نسبة فات عاليه وريح مرتين بالاسبوع او 3 بحيث انها تكون متفرقه مو تريح 3 ايام ورى بعض ولاتستعجل على النتائج

وبالتوفيق

[ARNOLD.]

هلا اخوي طبعأ فادوك الاخوان
وانصحك تشوف هذا الموضوع http://www.montada.com/showthread.php?t=686348
وعني ولا مره سويت جدول غذائي بس اسوي اكثر وجباتي صدور دجاج و تونه وسمك واللخ
يعني اكلات صحيه وغنيه بالبروتينات والمعادن والفيتامينات
وتقريبا اكثر الجداول الغذائيه تصلح للكل
وانصحك تجيب مكمل مثل السيرياس ماس او البرو كومبلكس جينر