معلومات المتقدم بالاستفسار :
العمر : 20 , الجنس : ذكر
الطول :165 متر
الوزن : 65 كيلوجرام
و الاستفسار كالتالي :
سسلام عليكم..
عندي شويةة اساله اتوقع انو كل المبتدئين محتارين فيها..
نسبة الدهون تقريبا 17٪ الى 20٪
بصراحه ماعندي اي نية دخول باللعبه.. لكن تعبت من اسلوب حياتي وغذائي السيء.. وفيني حماس قوي لتحسين منظر جسمي فقط .. ابا اوصل لكمية عضل متوسطه معا جسم مشدود ومقسم.
المواضيع هنا دايمن تتكلم عن شخصين.. النحيف اللي يحتاج كورس تضخيم او التخين اللي لازم يخسس بعدين يبدا تضخيم..
1- بالنسبه للي زيي، وزنهم مناسب لكن كمية الدهون مرتفعه شوية عندهم وخاصة بالبطن والصدر ايش يسوو؟
2- ناوي انشاءالله ابدا اضخم من شهر سبتمبر الى ديسمبر، يعني 4 شهور تقريبا .. بعدين بأنشف .. هل صحيحه هالخطه لجسمي؟ او اخليها شهرين تضخيم شهر تنشيف ...وهكذا ؟ اضخم عضل صافي ولا بدهون؟ وهل في فرق بالسرعه؟هل التنشيف ياخد وقت طويل زي التضخيم؟ وهل كورس 4 شهور تضخيم وشهرين تنشيف حيبين مفعول حلو؟ *هل معا التنشيف ممكن انو اخسر كمية كبيرة من العضل وما يبان شغل الأربعه شهور؟ واجلس اضخم وانشف طول حياتي؟ ولا الخساره حتكون معقولة؟*
3- بالنسبه للشد والتقسيم مالقيت مواضيع كتيره لها بالمنتدى ما ادري ليه! هل هي داخله بتمارين التنشيف؟ بحيث انو كورس التنشيف يشد ويقسملي جسمي؟ ادا لا متى اقسم واشد جسمي؟
4- نجي للجدول.. لقيت جداول كتيره صراحه واحترت احترت احترت.. ابغا جدولين تضخيم وتنشيف، تمارين وغذاء منسق معا المكملات اللي لازم استخدمها.. وياليت لو تفيدوني معا الجداول بتمارين ع اليوتيوب اسويها لاني بصراحه طالب بأمريكا واسعار المدربين غاليه شويتين هنا..
يعطيكم الف عافيه مقدما والله يجزاكم كل خير.
.