مهم جدا يا اخوان .. وزني وصل 180 !!

[NS TheUNCLe]

السلام عليكم و رحمة الله و بركاته

كيف الحال اعضاء المنتدى ,, ان شاء الله بخير

ارجوا انكم تساعدوني و تشوفولي حل في السمنة

انا عمري : 19 سنة

طولي : ممكن تقول 180 او 181 .. شي زي كدا

وزني : 180 كيلو جرام .. Kg

مني عارف ايش اسوي عشان انقص وزني .. و السمنة سايرة شي تقدر تقول ( مقزز ) و متعب في الناحية الصحية و الاجتماعية

و سار متعب جدا ليا في كل شي تتخيله والله ( صلاة , ملابس , خروج , اكل , نظرة الناس لك )

احد الاخوان نصحني اشتري lipo 6 و انا اشتريته بس لسى ما استخدمته .. مستني نصايحكم

الاهل كانوا يقولولي روح سوي عملية .. لكن انا ما ابغى ..

ايش الحل ؟؟

ابا خبير يساعدني ( برنامج غذائي ., كيف اخد ال lipo 6 ,. كم ساعة اتمرن )

و الله يخليكم انا مبتعث .. فا لحد يقولي خد لبن العصفور .. و لحم الغزال

ارجوكم مساعدتي .. و الف شكر

[Bright Side]

نصيحه مني انا ومتأكد منها باذن الله

ركز على شغلتين

1. الاكل (يكون بدون دهون بدون زيوت مشروباتك بدون سكر .. تترك شي اسمه فاست فوود وتترك شي اسمه غازيات بجميع انواعها.. تقلل الملح بالاكل..تنسى شي اسمه حلويات )
2. كل يوم تمشي لمدة ساعه مشي سريع (لاتركض ولا تهرول بس مشي سريع)

واذا الاثنين اللي ذكرتهم تحس انهم مو مكفين روح العب تمارين سويديه

وانتبه ثم انتبه انك تترك فطور او غداء او عشاء بحجة الدايت ..الدايت مو معناته انك ماتأكل بالعكس كل مثل ماتبي .. بس اهم شي مثل ماذكرت فوق

واالله يوفقك

[الناعسي]

الموضوع مكانه الصحيح الاستفسارات

اكتبه هناك وابشر بالخير

[IkeepGoing]

حبيبي انا اتبعت دايت خاص فيني لان صراحة بقاية الدايتس الموجودة في النت كانت تتعبني لان روتين اكلي ما يتوافق معاها ,,
بحاول اختصر لك ,, انا طولي 196 سانتي و كان وزني 155 سابقا ,,,,حاليا 143 ,, ( شهر فقط ) .. وزنت تاريخ 1/10/2013 كنت 155 , ووزنت 31/10/2013 صرت 143
المهم ,, انا هذا الشهر الثاني لي فـ ال gym ,, انت تحتاج طموح حق تبدأ , بس تكملها بالاصرار و العزم !

انا نظام الشرب عندي سابقا ( سكريات ) , اعطش >>> عصير , ماعرف شي اسمه ماي
ببداية الشهر واجهت صعوبة ف اني اقطع العصير على طوول ,,
فـ بدأت اسوي لي عصير برتقال طبيعي في البيت ,, و شوي شوي اتدرج على الماي
لمآ حبيت الماي ,, لازم تحبب نفسك في الماي , لانه راح يساعدك ع وزنك كثير .. .

بخصوص الاكل , انا نظام اكلي سابقا ,, عيش - خبز - اللحوم بجميع انواعها ((( و دهون ))) .. مقالي ما مقالي

فـ ببداية الشهر وجدتها صعبة اني اغير روتين اكلي على طوول الى سلطات و هالـأمور , لأن جسمي ببساطه ما راح يتقبلها وما راح اكل , و راح احس بضعف ..
فـ بدأت بالدهون ,, قطعتها خيييييير شر , صفر دهون , و صدقني طعم الاكل ما يتغير بالدهن , اللهم انه يكون اسهل في البلع فقط .. لكن الطعم واحد
فـ كنت أأكل عيش و خبز و جميع انواع اللحوم بس تكون مشوية , و العيش يكون بدون دهن ..
استمريت ع هالنظام 10 ايام تقريبا ,, و قطعت الخبز لانه يتحول لـ سكر و اذا اكلت اكثر راح يصير Fat ,, انا نوع جسمي Endomorph و هالنوع من الاجسام فاتح باب مخزن الدهون للأكل ..
تاريخ 27 فقط قبل 3 ايام من الوزن خذيت ال Lipo 6 Ultra Concentrate , و صراحة سد شهيتي و بدأت ادخل ال Gym بقوة , رفعت وقت تماريني ( الكارديو ) لان صارت فيني طاقة و لياقة ايضا ,,
وزنت بعد 4 ايام من الليبو و شفت نفسي خاسر 12 كيلو الحمدلله ,, فرحت بس بالرغم من ال 12 كيلو انا كنت مخربط ف نظام اكلي حيث اني اكل خبز و عيش ,,
هالشهر خففت العيش و اكلي كله خصوصا مع الليبو راح يحسسك بالشبع ,, فـ راح يساعدك الشي في تقليل اكلك ..
الخلاصة .. ان اذا جسمك متعود ع نظام اكل مثل اكلي ,, لا تقطع عنه كلشي و تغير روتين اكلك كله , لانه بكل بساطه ما راح يتقبله و راح تحس بالضعف و الوهن من جسمك ,
و كلامي صادر عن نتيجة تجربة , لاني جربت فوق 5 مرات دايتس مختلفة و فشلت , لكن ما استسلمت ,,
بالتوفيق اخي و ان شاء الله توصل لهدفك المنشود .. و اي مساعدة تقدر تكلمني
و اسف طولت ..

[thewave]

مافيها دايت اوتمارين محدده لازم تدخل نادي وتلتزم مع مدرب لان جدولك بختلف كل شهر لكن مبدأيا اعتمد ف جدولك اليومي على البروتين فقط اما الكارب يكون فقط على الفطور زي بياض البيض - صدور دجاج - تونه - خضار - عصير برتقال على الريق وابعد عن الدهون والكارب والسكريات وابدأ في التمارين على خفيف ومع الوقت تزيد في الشده والقوه

[IkeepGoing]

صحيح اخي نسيت اذكر التمارين ..
كنت ادخل ال Gym يوميآ ,, امشي عالسير 45 دقيقة و اتدرج في السرعات الى ان اوصل الى السرعة 6 ...
و بعد السير اروح عـ جهاز الدراجة 30 دقيقة و احطه ع نظام Fat Burn .. ,, و بعد الدراجة اروح ع جهاز elliptical حوالي 20 دقيقة
بعد ما اخلص انزل اسوي تمارين بطن ,, 3 جلسات كل جلسة اروح فيها 30 ,, فترات الراحة 40 ثانية بين كل جلسة و جلسة ,,
بعد البطن خواصر 3 جلسات كل جلسة اروح 20 ...
بعد الخواصر اسوي تمارين ظهر 3 جلسات كل جلسة 15 ..

هذا جدولي اللي مشيت عليه اول الأشهر ,, اتمنى قدرت افيدك

[O.X.Y.G.E.N]

معليش يا غالي انت مو زايد 20 والا 30 كيلو عشان اقولك سوي كذا ولا تسوي كذا
الدعوى مو طقطقه
انت زايد 100 كيلو

لازم تشوف لك نادي ومدرب يمشي معك
ولازم تروح تقابل اخصائي تغذيه يحط لك برنامج غذائي ويتابع معك

انا مو قاعد اعقد لك الموضوع
لكن لازم تاخذ الموضوع بجدية

[رونالدو09]

صحيح كلام أخوي O.X.Y.G.E.N

انت عندك زياده عاليه من الافضل انك تستشير طبيب متخصص قبل لاتبدأ وبعدها تبدأ مع مدرب وتلتزم معه
لأنه بعض الناس راح يعطيك نصايح اللي هو مشى عليها وهو عنده زياده بسيطه في جسمه ويقدر يسوي تمارين عاليه بدون مشاكل وممكن ماتنفع معك وتضرك اكثر
الله يوفقك اخوي