كم مدة التقسيم الفرنسي وهل أقدر أوصل له ؟
مساكم الله بالخير ...
شلونكم ...
اخواني انا مشترك جديد واحتاج لمعلومات ولإستشارات من أمثالكم أصحاب تجربه ورياضيين
انا وزني 100 كليو واكثر وزني في العضم
وطولي 181 سم
وعمري 32
لياقتي مرررره صفر
كل من شافني يسأل ليش ماتلعب حديد مع طولك وجسمك ... وأنا هنا جيت بالأسئله وانتظر اجاباتكم
أنا ابغى اقسم جسمي تقسيم فرنسي .. هل هذا الشي ممكن ؟
وكم المده المطلوبه حتى أوصل للهدف ؟
وهل تنصحوني بمدرب او مكان معين اتدرب فيه .. لأن والله اكثر المدربين مايهتم كثير
انا دايم اكون متحمس بس لما استصعب المسأله أتكاسل ؟؟؟
وبعد هذا كله .. أنا مشيتي فيها شوي أنحناء للأمام خفيف عادي هو بس ما ارتاح
ابي استفيد منكم ... وياليت ألقى جواب لكل سؤال
واكون لكم من الشاكرين
اخوكم سلطان
رد: كم مدة التقسيم الفرنسي وهل أقدر أوصل له ؟
وعليكم السلام اول شي في جسمك دهون حوالي عشرين كيلو لكن ما يبان عليك لانك طويل
ثاني امر يفضل تدخل نادي علشان تلعب بشكل منتظم وومتاز واية نعم تقدر تكسب جسم فرنسي
مع الاستمرار والاكل والتدريب الفعال والنوم الممتاز توصل لهدفك
بالنسبة للأنحناء راح تروح منك مع الاستمرار في الحديد لكن شد حيلك وانبظ ولا تترك اللعبة وخلك صبور
واي سؤال حنا حاضرين
رد: كم مدة التقسيم الفرنسي وهل أقدر أوصل له ؟
اقتباس:
المشاركة الأصلية كتبت بواسطة آبو رآشـد
وعليكم السلام اول شي في جسمك دهون حوالي عشرين كيلو لكن ما يبان عليك لانك طويل
ثاني امر يفضل تدخل نادي علشان تلعب بشكل منتظم وومتاز واية نعم تقدر تكسب جسم فرنسي
مع الاستمرار والاكل والتدريب الفعال والنوم الممتاز توصل لهدفك
بالنسبة للأنحناء راح تروح منك مع الاستمرار في الحديد لكن شد حيلك وانبظ ولا تترك اللعبة وخلك صبور
واي سؤال حنا حاضرين
أشكرك على تجاوبك ... وعلى جوابك أنو ممكن
طيب وش المطلوب
وش الكيفيه
وكم المده
سنين؟ شهور؟
كم يوم تمرين؟
وعمري هل يصلح العطار ما افسده الزمن ههههه 32 سنه
ولياقتي الصفر ؟
عزيزي انت جاوبت سؤال من ضمن اسئلتي
طيب اذا على النادي اكثر نوادينا ترفيهيه ... مافيه نادي تحس ان المدرب يشتغل بضمير
اذا مادهنت سيره :)
يعني المسأله وش تنصح فيه
انتظر ردك
رد: كم مدة التقسيم الفرنسي وهل أقدر أوصل له ؟
مساكم الله بالخير....
انا كنت أظن أن المنتدى فيه أجابات شافيه و علميه مفصله تدل وتساعد المشارك وتثير أسئلته اكثر حتى يصل للمطلوب
واتمنى يكون هذا الشي صحيح
لأني اشوف على كثر قراء الموضوع.. ما رد إلا شخص ويعطيه العافيه
لكن اتمنى أجد اجوبه محدده على أسئلتي
مابغى معلومات كتب و محاظرات وصور اشياء مثاليه
او اجابات عايمه
واللي بيتجاوب معي ويفيدني اكون له شاكر
عشان نستفيد من تواجدنا مع بعض
رجاء يا أخوان
تحياتي
رد: كم مدة التقسيم الفرنسي وهل أقدر أوصل له ؟
اول شي انا وخوك المنتدى مليان وسؤالك مو شي جديد او غريب او في الطاقة الذرية جاوبنا عليه اكثر من الف مرة
والمنتدى مليان مواضيع عنة وتكلمنا وردينا وكفينا ووفينا وباليوم الواحد من الفجر الى الفجر تقريبا 10 مواضيع ينفتح وينرفع لمدة خمس ايام من الردود والاجوبة من الشباب واذا اخذ حاجتة راح ولا حتى شكرا على النصيحة وحنا ما نبي شي غيرا الدعاء وتتراكم المواضيع واغلبها زي اسالتك لو بنعيد كل مرة كلامنا ما قدرنا نخلص اشغالنا علشان كذا فتحنا مواضيع عن التغذية وعن التدريب وعن المكملات وعن الحوارق وكل الي تحتاجة علشان ما نعيد
واسئلتك بسيط الله يطولي بعمرك وابشر راح اجاوبك عليها ولا يهمك والي تبية راح اعيدة ما طلبت شي
اقتباس:
أشكرك على تجاوبك ... وعلى جوابك أنو ممكن
العفو
المطلوب رح اقرب نادي وسجل انا وخوك وانظبط في الحضور والتدريب والاكل والراحة
الكيفية ابد اعقد العزم ومن بكرا رح للنادي وما فية شي صعب اول يومين في حصص اللياقة ومن ثم تخش الحديد من اسبوع الى اسبوعين تمارين كوكتيل لكل الجسم وراح تكون متكسر وحالتك حالة وهذا دليل على الفائدة الي اكتسبتها
اقتباس:
وكم المده
سنين؟ شهور؟
ابدا هذا يرجع على قد همتك وعلى قد طموحك تبي بس تقسم وجسم فرنسي خفيف وعلى حسب شغلك 5 شهور راح تعطيك جسم لا باس فية واذا استمريت راح تعطيك الي تبي
في البداية راح تكون 6 ايام تقريبا ومن ثم تنقص الى 4-5
اقتباس:
وعمري هل يصلح العطار ما افسده الزمن ههههه 32 سنه
لو عمرك 60 هذا هو سلفستر ستالون عمرة 64 ويناقز الى يومك
هذا راح يظبطونك في النادي لو لياقتك -5 مهوب صفر
اقتباس:
طيب اذا على النادي اكثر نوادينا ترفيهيه ... مافيه نادي تحس ان المدرب يشتغل بضمير
وحنا وش يدرينا وين انت فية ؟؟
اقتباس:
اذا مادهنت سيره :)
ما يحتاج تدهن سيرة
اقتباس:
يعني المسأله وش تنصح فيه
اكل صح
تدريب صح
تلتزم بالراحة
تواظب على تمرينك
وتتعوذ من ابليس على قولت ابو متعب
هذا هو جاك
يلا الحين موضوعك صار مرجع للي اسئلتة زي اسئلتك
بالتوفيق وحاضرين لأي سؤال
رد: كم مدة التقسيم الفرنسي وهل أقدر أوصل له ؟
مساء الخير
اولا .. أنا أشكرك على تجاوبك
مع أنك معصب وانا أخوك .. وتجاوب بإسلوب !!
أذا أنت عندك معلومه ياعزيزي انا جاهل ومثلي مثل المشاركين اللي يسألون ولو كثروا هذا شي طيب انك تعلمهم الموضوع مافيه منه !! حتى تتكلم كذا وانا اخوك
انا طلبت من المشاركين أفادتي ولا قللت بحق أحد
لو لقيت الأجابه في مواضيعك السابقه ماسألت ... !!
كل مواضيعكم متقدمه ولا وصلت فيها لحل وقلت أسأل عن شي يخصني كمبتديئ لأن هذا غرض المنتدى.. أما أذا ماتبون أحد يسأل إلا يكون ممارس .. أو اذا سأل أحد يجهل في النشاط هذا تجاوبه بالطريقه هذي ... وانا خوك الحمدلله النوادي موجوده وناس حاصلين على شهادات ولاتعصب اهم شي ...لأني ادري انها مو الطاقه الذريه !! حتى تقول لي كذا
اللي يحب يخدم الناس .. يخلي صدره وسيع
ولو جيت لإجاباتك .. كلها شد حيلك ويبي لك نوم وأكل زين وسجل بنادي ؟ طيب شكرا تعبتك معي :)
الله يعينك علينا
على العموم شكرا لك
--------
اتمنى من الأخوان المشاركين
أذا أحد يقدر يخدمني والله اكون له شاكر وانا والله ماجيت إلا بأستفيد
وزني 100 طولي 181 عمري 32 اسكن في الرياض (عشان اللي بينصحني في نادي وياليت ألقى احد ينصح )
لاتبلخون علي
اخوكم
سلطان
رد: كم مدة التقسيم الفرنسي وهل أقدر أوصل له ؟
رد: كم مدة التقسيم الفرنسي وهل أقدر أوصل له ؟
اقتباس:
المشاركة الأصلية كتبت بواسطة سلطان32
مساء الخير
اولا .. أنا أشكرك على تجاوبك
مع أنك معصب وانا أخوك .. وتجاوب بإسلوب !!
أذا أنت عندك معلومه ياعزيزي انا جاهل ومثلي مثل المشاركين اللي يسألون ولو كثروا هذا شي طيب انك تعلمهم الموضوع مافيه منه !! حتى تتكلم كذا وانا اخوك
انا طلبت من المشاركين أفادتي ولا قللت بحق أحد
لو لقيت الأجابه في مواضيعك السابقه ماسألت ... !!
كل مواضيعكم متقدمه ولا وصلت فيها لحل وقلت أسأل عن شي يخصني كمبتديئ لأن هذا غرض المنتدى.. أما أذا ماتبون أحد يسأل إلا يكون ممارس .. أو اذا سأل أحد يجهل في النشاط هذا تجاوبه بالطريقه هذي ... وانا خوك الحمدلله النوادي موجوده وناس حاصلين على شهادات ولاتعصب اهم شي ...لأني ادري انها مو الطاقه الذريه !! حتى تقول لي كذا
اللي يحب يخدم الناس .. يخلي صدره وسيع
ولو جيت لإجاباتك .. كلها شد حيلك ويبي لك نوم وأكل زين وسجل بنادي ؟ طيب شكرا تعبتك معي :)
الله يعينك علينا
على العموم شكرا لك
--------
اتمنى من الأخوان المشاركين
أذا أحد يقدر يخدمني والله اكون له شاكر وانا والله ماجيت إلا بأستفيد
وزني 100 طولي 181 عمري 32 اسكن في الرياض (عشان اللي بينصحني في نادي وياليت ألقى احد ينصح )
لاتبلخون علي
اخوكم
سلطان
على فكرة هو مش متعصب خالص دة بالعكس ابو راشد معروف بمواضيعه !
والكلام الى قاله عن الراحة والاكل و الاشتراك فى النادى والمواظبه فى التمرين مظبوط !
طب انتا كنت عاوزه ينصحك بايه؟
مكملات او هرمونات مثلا ؟
انا بصراحة مش فاهمك !
ومحدش هيبخل عليك بس لو حد رد هيكون نفس كلام ابو راشد !
وبالتوفيق
رد: كم مدة التقسيم الفرنسي وهل أقدر أوصل له ؟
عيني عليك باردة يا بو راشد كفيت ووفيت يا وحش الله يديمك ذخر للشعب المنتدى
رد: كم مدة التقسيم الفرنسي وهل أقدر أوصل له ؟
ما قصرت بو راشد !!
و ترى كلامه صح بكل اختصار تمرن اكل نام !!
أما كيف تتمرن و كيف تاكل و كيف تنام هذه تحصل عليها من جهدك بارك الله فيك
عيل زين ما رد عليك مشكلجي D:
بعد راسي مشكلجي حبيب
