جميع معلومات جسمي بالداخل, محتاج لجدول تمرين مع بعض الإرشادات "أرجو المساعده" .

السلام عليكم
دخلت تمارين الحديد بهدف زيادة الوزن واستخدمت عدد من منتجات الغينر ,
لكن المشكله إني ماكنت أحاسب نسبة الفات .. أهم شيء زيادة في الوزن ( جهل :02: ) .

الحمد لله الوزن زاد ,
لكن نسبة الفات ارتفعت بشكل خاطئ جداً وتوي أنتبه لها للأسف ,
والفات متمركز في منطقة الصدر والبطن والجوانب .

العمر : 19
الوزن : 75.5
الطول : 175 سم
BMI = 26.2
الفات =31 %

وهذي بعض صور جسمي في موضوع سابق قبل القياس الأخير : Here
محتاج لجدول تمرين بحيث أتخلص من نسبة الفات الزائده ( شد الجسم وخصوصاً الصدر ) وأحافظ على النسبة العضليه وأطورها ,
وأول شيء سويته مسحت شيء اسمه منتجات غينر :02: !
وطلبت واي بروتين من أوبتيموم .

والله إني متضايق وحسيت إني ضيعت وقتي وفلوسي والآن قاعد أرجع على ورى .. لكن الحمد لله ع كل حال ,
في إنتظاركم وأملي فيكم كبير .

معقوله الفات 31 بالمية ووزنك 75 اممم غريبه معناته وش بقى للعضل

اوكي ادخل على مرحلة تنشيف وغريبه كيف مانتبهت للهزيادة الضخمه

بس والله مادري الخبراء يفيدونك اكثر لانه صراحه ضربت فيوزاتي وزنك 75 مستحيل تاصل نسبة الفات لهالدرجة وانتا وزنك 75

بس اهم شي ادخل مرحلة تنشيف زيااااادة تكرارات مع 25 دقيقة قبل التمرين كارديو وسير و15 دقيقة بعد التمرين كارديو وسير وابعد بالتغذيه كليا عن الدهون ونسبيا عن الكاررب

والله يوفقك ان شاءالله ويرجع الوضع للاحسن يابطل

والله وأنا أخوك حتى أنا مستغرب ,
المشكله إنه فيه تطور عضلي عن أول .. لكن على هالأرقام يعني العضل مازاد ولا شيء من 3 شهور !

ع العموم أنا خلاص نويت أنزل نسبة الفات بإذن الله ,
وناوي أدخل نظام HIIT في الجدول للحصول على نتائج فعاله .. لكن في إنتظار الوحوش يفيدوني .

وعليكم السلام

لحظة بارك الله فيك ..وين قست نسبة الدهون !

مااتوقع 31 ابدا ..قيسها فجهاز ذبذبات او روح المستشفى اعمل تحليل للدهون

حبيب قلبي أخوي منصور ,
قستها في صيدليه اليوم ( وعشان يقيس الدهون قالي أمسك مقبضين حديد ) .. لكن ممكن بشكل كبير تكون الآله خاطئه مثل ماتقول .

ع العموم ياليت يالغلا تعطيني توقعك لنسبة الدهون من الصور ,
وياليت تفيدني من خبرتك بنظام تمرين يفيد حالتي لأني محتار وضايع .

ايه مع راي الاخ ذا كاست ارجع وسويها لانه مستحييل تكون لهالدرجة ممكن تكون مرتفعه بس مستحيل لهالدرجة عاد :)



ارجع عيدها وفكر بقرارك ثاني :)

واناخوك وزني اكبر منك بكثير وماتوقع هذي النسبه الصحيحه لك
اعطيك من 21-26% تقريبا

وفكل الحالات الدهون تنقص بدايت منظم + رياضه يوميه
تمرينك هو نفسه مايتغير بشكل كبير لكن اضف التمارين الهوائيه لبرنامجك التدريبي(كارديو...) بعد تمارين الحديد

اقتباس:

---

المشاركة الأصلية كتبت بواسطة THE CAST

واناخوك وزني اكبر منك بكثير وماتوقع هذي النسبه الصحيحه لك
اعطيك من 21-26% تقريبا

وفكل الحالات الدهون تنقص بدايت منظم + رياضه يوميه
تمرينك هو نفسه مايتغير بشكل كبير لكن اضف التمارين الهوائيه لبرنامجك التدريبي(كارديو...) بعد تمارين الحديد

---

جزاك الله كل خير ,
إن شاء الله راح أعيد القياس .

لكن ودي أخذ رأيك في جدولي الحالي :
> صدر + تراي
> رجل + سواعد + بطن
> OFF
> كتف + ترايبسز
> بطن
> ظهر + باي
> OFF

وراح أضيف 3 أيام HIIT "المبتدئ" بعد الحديد . ( مثلاً يوم الظهر والكتف والبطن )
والمكمل غيرته إلى بروتين واي أوبتيموم مع ملتي فايتمين ( حبتين ).

ياليت إرشاداتك ورأيك .. وياليت تعطيني ملاحظاتك على مناطق الضعف عندي .
مشكور والله يوفقك ياوحش .

جدولك مقبول ..
ولو تمرن البطن مرتين يكون افضل

وايام الراحه يليت تمارس فيها المشي لمسافة 2-4 كيلو او السباحه.

بالنسبه للصور جيد ماشاالله لكن عندك الصدر اشوف فيه بروز خفيف حول الحلمه ...ماعليك احيانا تصير للشباب فهالفترة العمريه وان شاالله تزول مع الوقت
لاتشيل همها

اقتباس:

---

المشاركة الأصلية كتبت بواسطة THE CAST

جدولك مقبول ..
ولو تمرن البطن مرتين يكون افضل

وايام الراحه يليت تمارس فيها المشي لمسافة 2-4 كيلو او السباحه.

بالنسبه للصور جيد ماشاالله لكن عندك الصدر اشوف فيه بروز خفيف حول الحلمه ...ماعليك احيانا تصير للشباب فهالفترة العمريه وان شاالله تزول مع الوقت
لاتشيل همها

---

الله يعطيك العافيه يالغلا ,
من ناحية الصدر .. صراحة كنت شايل همها مرره على إنها نوع من التثدي او دهون متراكمه ,
ما أدري هل خوفي صحيح .. وهل أقدر أتفادها أو إنها هرومونات مُتغيره ؟