السلام عليكم - لي 4 شهور احس بألم اسفل الظهر

[fatness]

السلام عليكم

كيف الحال جميعا ً

انا عندي مشكله وياليت اللي عنده النصيحه او خبره بهالموضوع يتفضل


انا طولي 175 , وزني قبل اكثر من 5 سنوات كان 115

الحمدلله نزلت وزني قبل سنوات لين وصلت مابين 75 الى 80

طبعاً بعد ما نزلت وزني جسمي كان فيه ترهلات مع اني كنت اسوي تمارين سويديه يوميا ً والعب كوره بين فتره وفتره , واكلي كان صحي ,

سجلت بالنادي قبل شهر تقريبا واخذت بروتين ( بروكومبلكس ) << مدري اسمه كذا صح او لا

والحمدلله الأكل صحي وكل شئ تمام ولاحظت فعلا تغيرات بهالشهر بجسمي


نجي للمشكله ,,

لي 4 شهور احس بألم اسفل الظهر , وزاد الألم الفتره الاخيره , رحت كشفت وسويت اشعه رنين مغناطيسي

وتوني الحين راجع من المستشفى واكتشفت انه عندي ( ديسكين ) موب واحد

فـ الدكتور طلب مني اني ابتعد عن الاثقال نهايئا ً وانا بصراحه تحمست يوم شفت جسمي تغير لو شوي بشهر , ومتحمس كثير اني اشد جسمي , لكن تحطمت نفسيا بعد كلام الدكتور

وش رايكم ؟

ابتعد عن الحديد او استمر واشيل بطريقه صحيحه او شلون

وشكرا مقدما

[mashkaljey]

ابتعد عن الحديد يا غالي الديسك مشكله والظاهر انت كنت تلعب طوال هالفتره من غير لاتنتبه لظهرك او تلبس حزام في حاله السحب للاوزان في لعبه الظهر او انك وانت تلعب واقف بالبار للباي تميل ظهرك للخلف كثير وعلى كل حال الامور كلها مجتمعه في عدم لبسك للحزام وانت تلعب

الله يشافيك ونصيحتي لك ما بعد كلام الدكتور اي كلام ابتعد والعب رياضه عاديه لتستمر عضلاتك وانصحك تتعلم سباحة

بالتوفيق

ملاحظة :- تم تعديل العنوان

[fatness]

انا فعلا ما كنت استخدم الحزام الا نادر , بس اساسا ً مالي بالحديد شهر

والألم احس فيه من 4 شهور , يعني فيني فيني ,

وقالي لازم تسبح لانها اكثر رياضه تفيد الظهر هالوقت ,

مشكور على ردك , ومعليش ترى الموضوع نزلته مرتين بالغلط لانه اول مره علق معاي

[آبو رآشـد]

قالك ابو ابراهيم ما تلعب الدكتور يقولك وقف خلاص وقف وتعالج اللعبة محتاجة جهد وقوة وانت ما فيك حاليا انت لازم تتعالج ما ادري متزوج ولا لا لكن ان كن توك لازم تتعالج من الحين وعليك بالسباحة .

............... على العموم راجع دكتورك هو ابخص بمشكلتك وابعد عن اللعبة بس لو تسالة عن تمرين معينة مثل الباي او الصدر على يوثر على الظهر يمكن يفيدك بذا الموضوع

تم التحرير للرد من قبل مراقب القسم

[safitop]

ما قصر الاخ مشكلجي في الاجابة لا تخالف كلام الطبيب

[fatness]

انا عمري 24 سنه , غير متزوج


طيب لو العب تمارين سويديه واستمر على الاكل الصحي ما اقدر اشد جسمي بطريقه معينه ؟؟


, تسلمون الجميع على ردودككم

[safitop]

نعم أخي تقدر تشد جسمك بالاكل الصحي الخالي من الدهون والتمارين السويدية او ادخل لنادي ايروبيك

[THh Rock]

لااازم تركز في تمارين اسفل الظهر

.......................

وموفق


تم التحرير للرد من قبل مراقب القسم

[آبو رآشـد]

اي تمارين الظهر الرجال فية دسكين ما يقدر يتمرن خير شر ولا يقرب للظهر

.............................

تم التحرير للرد من قبل مراقب القسم

[_MOHAMMED_]

...................

ههههههههههههههههههه والله ضحكتني اخوي الرسمي

اخوي صاحب الموضوع تابع مع ارشادات الطبيب احسن الك و اذا قالك تمرن سباحه يعني تمرن سباحه و اذا تريد ترجع لتمارين السويدي و الايروبيك فيفضل تستشير الدكتور و تخبره شنو انواع الحركات التدربها و ان كانت تأثر على الضهر او لا

و سلامتك ان شاء الله يالغالي

تم التحرير للرد من قبل مراقب القسم

[fatness]

مشكورين والله ما قصرتوا ,,

عموما ً الدكتور قال السباحه كويسه

سألته انا قلت طيب الكوره فيها مشكله ؟

قال لا الكوره تقدر تلعب بس لا تشد على نفسك ,, لكن التمارين ما ادري صراحه عنها

وانا عندي نيه اعوض الحديد بالتمارين السويديه عالاقل ,

[بندر053]

صااااحب الموضوع (لاتخوفني الله يرحم والديك بلييز)

أنا بصراحه تمرنت قبل أمس والحمد لله كل شي تمام قمت من النوم أمس وأحس أسفل الضهر(((من الجهى اليمنى فقط)))

يألمني قلت خليني أدهن (فلترين) دهنت قبل النوم ونمت ومن بعد ما قمت نفس الالم أو أخف بقلييييل !!!!!!!!

فما أدري بروح أكشف وأشوف بس بليز ما أبي أترك الحديد هذا حلمي من قبل 6 سنواااات والله كيف ما ينفع أبدا

بالرغم أني لمن تمرنت ما حسيت بتقطقة أو بأي أالم ولمن رجعت بعد ما حسيت بشي بس لمن نمت وقمت حسيت فياليت اللي عنده أو قد سارله كذى يطمني لأن باقيلي 5 ساعات وأروح أكشف بس ياليت أحد يطمني قد سارتله وهي مشكله بسيطه

الله يشفيني يارب ويجعلها مشكلة بسيطه يارب

[fatness]

شوف بندر خلني اقولك , انا جسمي مترهل بمناطق معينه لانه وزني كان 115 ونزلت اكثر من 30 كيلو

ولي سنوات ابي اشد جسمي لكن نفسيا كنت اتحطم كثير , كنت ادخل النادي 4 شهور اجلس وانواع التحطيم يجيني حتى بروتين ما كنت استخدم , واكل كنت اكل اي شئ

بس هالشهر بالذات حرصت عالاكل والبروتين واقرا بالمنتديات كثير خاصه هالمنتدى فادني كثير , والحمدلله تحسن جسمي كـ بدايه

بس كل هذا بشهر فقط , انا الألم موجود له 4 شهور , لكن زاد الفتره الاخيره يعني اخر اسبوعين ,

وعندي مسكنات حاليا ً اخذها ويخف الألم لكن يرجع بأي وقت , انت روح سويي اشعه منت خسران شئ

وبعدين الاشعه العاديه اللي سويتها انا ما كان واضح عندي شئ , كان يقولي الدكتور عندك انحناء بالعمود الفقري

ولما رحت مستشفى ثاني وسويت اشعه قالوا نفس الكلام انحناء , بس الألم كان اقووى من انه يكون انحناء ,

لكن لما سويت الرنين المغناطيسي ورحت استشاري عظام , قالي عندك ديسكين وشفتها واضحه بين الفقره الرابعه والخامسه والخامسه والاخيره ,

وبيني وبينك نفسيا تحطمت فوق ما تتصور , لا عاد فيه حديد ولا شئ ,, وغير كذا عمري 24 سنه

لكن الحمدلله على كل حال , انت سويي اشعه منت خسران شي والحق على عمرك من بدري

ماتشوف شر

[بندر053]

امين يارب وياك

أقسم بالله العلي العضيم أني الأن أكتب لك وعيوني تدمع ماني مصدق بس بأذن ما يطلع شي قوي يمنعني من الحديد

أنا نزلت 26كيلو علشان الحديد فقط ولا لو اجتمعت العائلة وأصرو علي انزل نص كيلو ما فكرت

ويبغالي اسوي الرنين المغناطيسي الساعه 4 بعد العصر بأذن الله

والله يستر يارب ويشفيني ويشفيك ويشفي جميع المسلمين يارب

[fatness]

يابن الحلال ما تسوى , اهم شئ صحتك والله

وما تدري يمكن خيره من ربي , قل الحمدلله على كل حال , وباذن الله مافيك الا العافيه

,