عقده الكرش !!

[Could I DO IT]

السـلآأإم عليكم

انا ياشباب زدت وزني وللله الحمد الى 70 كيلو وطولي يتراوح بين الـ178- 179
كنت اخذ بروتينات فات واكل كثير واسوي تمارين بطن ومع مرور الوقت الكرش
بدأ يكبر خصوصا اسفل البطن .. والحين انا متوقف عن التمارين عشان الدراسه
وكل ماحصلت فرصه رحت للصاله وتمرنت .. لكن الحين انا ودي احافظ على وزني
والعضل بس الكرش مسبب لي عقده صرت اخفف من اكلي عشان ماتزود الكرش مع
اني ودي اسمن زياده !
فإيش تنصحوني كي اقلل من الدهون المتراكمه اسفل البطن هل الجري ولعب الكره مفيد ؟ وهل
يقلل او يصغر حجم العضلات مثل الباي والتراي وعضلات الصدر والظهر !

ومستقبلا اذا رجعت لصاله ان شاء الله وش تنصحوني فيه من مكملات نظرا اني ابي
ضخامه لكن من دون كرش !!


شكراً

[nassernasser123]

اللي في اسفل البطن مو بس دهن هذا هم ماي كثير تبيه يخف البس حزام البطن مال السونا وامش على ( القاري ) الكارديو نص ساعه بالاسبوع 3 مرات او مرتين لكن راح يقل وزنك شوي لانه هالماي المتراكم ماخذ من وزنك هذا بجانب نظام دايت وتمارين المعده بعد النص ساعه من الكارديو ...
تحياتي

[OBLIVION MAN]

الكرش = دهون

عليك بكرديو + امنع الدهون في اكلك

لحق نفسك من الحين احسن

[Sasco]

اخوي الكرش في فترة التضخيم عادي جدا , لو اجيبلك صور شباب كانت اجسامهم رفيعه ومعتدله مافيها انحناء بالبطن اطلاقا
بعد فترة التضخيم كروش كروش مو كرش عادي , بالنسبه لي حاليا العب تضخيم وعندي كرش خفيف وقبل اللعب لم يكن موجود
شخصيا انصحك ماتنزل الكرش بهل وقت اوصل مرحله عضليه وبعدها اضعف , الا اذا الهم تريد تدخل فترة تنشيف وتتخلص من الدهون وترجع تزيد وزنك مره ثانيه
بس رح تحتاج وقت طويل
بالتوفيق

[بحرالسنافي]

هلا اخوي
عادي انا بصراحة ابفتره التضخيم ولاااااازم هل كرش لازم مايصير ضخامه من غير الكرش الحبيب
اذا وصلت الضخامه المطلوبه اقعد واتفرغ للكرش
بس هذا مو معنااااته اهمال لالالا... اقصد تحرها بين يومين وترك مع القاري
واذا ناوي عليها خلاااااص ابدي نشف واستخدم ليبو6 او ال-كرنتين...للمعده
وموفق
وتحيااااتي للجميع

[france for ever]

اخي بما انك حاليا تارك الرياضة انصحك بالهرولة كل يوم لمدة نصف ساعة بدون توقف و لما ترجع للبيت قم بتمارين اعلى البطن و اسفلها لمدة شهر راح يختفي الكرش و تشد بطنك على شرط الابتعاد عن الدهون نهائيا خلال هذا الشهر و عدم الاكل بعد الساعة الثامنه او التاسعة ليلا و النتائج مضمونة باذن الله

[مشعل العتيبي]

انا الحمد لله عندي قانون واحد

لا تاخذ ادوية او فتيمانات او الخ من اجل حرق او زيادة

خلك طبيعي تعيش طبيعي

[The Fit One]

اخي الكريم

ممكن تضع لي وللاخوة الكرام تمارين البطن اللي تقصدها.

اثابك الله وكتب لك الاجر