شباب بسألكم عن بروتين بديت استخدمه

[إبن زيدون]

السلام عليكم


انا شريت بروتين اسمه برو كومبلكس زيرو فات



اكلموني عنه >> طريقه الأستعمال
شنو اضراره ومنافعه

متى اكله > قبل التمرين ولا بعده !!
والقفشه الوحده كم قيمة البروتين فيها ؟


انا ابي جسم فتنس > طولي 167 وزني قبل لا اكل البروتين 59
يا ريت تعطوني نظام غذائي اقدر استخدمه؟

[abu kinan]

اول مرة اسمع فيه انا

[THE CAST]

وعليكم السلام


للملاحظه البروتين اما انه جديد والشركه ماادرجته فقائمتها او انه مقلد.

عموما صورلنا النتريشن الخلفي بوضوح

[abu kinan]

فعلا اخوي ذا كاست قلبت عليه الموقع الرسمي وسويت بحث مكثف ما حصلت المنتج الا شخص من 2010 يبيع في احد المنتديات نفس المنتج

[france for ever]

[QUOTE=إبن زيدون;7072984]السلام عليكم

عليكم السلام

انا شريت بروتين اسمه برو كومبلكس زيرو فات


اولا هذا البروتين غير موجود اصلا في قائمة المكملات الخاصة بشركة اولتيميت نترشن علما اني موزع رسمي لهذه الشركة
ثانيا - لا يوجد هذا المكمل في موقع الرسمي للشركة

اكلموني عنه >> طريقه الأستعمال
شنو اضراره ومنافعه

ليس للبروتين اي اضرار
كان المفروض تسال قبل الشراء و ليس بعده

متى اكله > قبل التمرين ولا بعده !!

اولا - البروتين يشرب و لا يؤكل !!!!
ثانيا - اوقات استخدام البروتينات هي صباحا و بعد التمرين و قبل النوم


اعتقد ان بروتينك مقلد رغم ان التغليف نفس تغليف مكملات الشركة الاخرى !!!

تاكد من المصدر الذي اشتريت منه هذا البروتين و يفضل تستبدله بنوع اخر مضمون

بالتوفيق

[abu kinan]

جاك الجواب الشافي من احد موزعي الشركة
للأسف البروتين مقلد وانا واخوك تاني مرة اسأل قبل لاتشتري وحاول ترجعه او تستبدله

[إبن زيدون]

شباب أنا شريته من محل مكملات غذائيه >> والمحل مرخص >> معقوله يبيع مكملات مقلده >> يعني صاحب المحل يدري انه مقلد !









صعب اني ابدله >> شريته من اسبوعين
زين التقليد كلش ماله منافع >> لأن انا لما استعملته حسيت انه نفعني
هو له اضرار ؟؟

اعذروني اسئلتي سخيفه >> بس مقهور انه انضحك علي وخصوصا ان الماده ما تساعد ان الواحد يشتري بروتين كل يوم

اقط هذا البروتين بالزباله ؟؟


قولو لي انه مو مقلد


عالأموم مشكورين
ابو كنان ,, ذا كاست ,, فرانس فور ايفر

[amma271]

أخوي لا ترميه ولا شي خله عندك

ممكن يستجد جديد

لكن أخوي إذا كنت ما فتحته رجعه

و لازم تواجه اللي باعك و تفهمه بالكلام اللي قالوا لك الشباب هنا و حتى لو يوصل الأمر إنك تشتكيه
لا يروح حقك و صدقني لو كان مغشوش فراعي المحل موقفه ضعيف و راح يرجع فلوسك غصبا عنه بس أهم شي اسمع رايه أول ممكن فيه شي ما نعرفه

[إبن زيدون]

amma271

^^^
اخوي البارح رحت للمحل ,, وسألت اللي باعني هذا المنتج
وقال احنا الوكيل المعتمد حق كل البمكملات الغذائيه اللي بالكويت
يعني لو شريته من برا هذا المحل اعرف انه تقليد

وحلف لي وقسم بالله العظيم >> انه هذا المكمل ما فيه شي
وبالعكس الطلب عليه اكثر من غيره من البروتينات

وهذا المنتج ماله اعراض جانبيه


شكرا لكم اخواني على اهتمامكم
ما قصرتوا

[amma271]

amma271

^^^
اخوي البارح رحت للمحل ,, وسألت اللي باعني هذا المنتج
وقال احنا الوكيل المعتمد حق كل البمكملات الغذائيه اللي بالكويت
يعني لو شريته من برا هذا المحل اعرف انه تقليد

وحلف لي وقسم بالله العظيم >> انه هذا المكمل ما فيه شي
وبالعكس الطلب عليه اكثر من غيره من البروتينات

وهذا المنتج ماله اعراض جانبيه


شكرا لكم اخواني على اهتمامكم
ما قصرتوا

أخوي الله يطرح لك فيه البركة

عموما حصلته في أكثر من منتدى عربي و ما لقيت أحد يسبه أو يحذر منه
و حتى أن المبدع SportsMan
ذكره في هذا الموضوع
http://www.montada.com/showthread.php?t=685901&page=1

و القرار راجع لك اخي الكريم

[إبن زيدون]

يعطيك الف عافيه amma271

ما قصرت يالغالي