افضل ملتي فيتامين و اللياقة البدنية

[الجافي101]

معلومات المتقدم بالاستفسار :
العمر : 20 , الجنس : ذكر

الطول :166 متر
الوزن : 56 كيلوجرام



و الاستفسار كالتالي :
السلام عليكم

بغيت اعرف شنو احسن نوع ملتيفيتامين من بين ذول الثلاث وياليت عيوب كل واحد ( مثلا ريحته او طمعه او الحبة كبيرة )

اوبتي مان

انيمال باك

السنترام

انا عندي ميجا مان وطعمه سي جدا وما قدرت اكمله وسمعت ان الانيمال باك فيه حبة من الخنزير ..

اتمنى افادتي بكل شي عشان الكل يكون على بينة ..


الاستفسار الثاني : هل رياضة الجري تتعارض مع التضخيم لان لياقتي صفر مرة وحاب اجري كل يوم بين النصف ساعة وساعة ومتى اجري بعد التمرين مباشرة ام بفترة ام قبلة ؟؟

الاستفسار الاخير : عندي امينو 2222 بيخلص وش تنصحوني اخذ بس حبته تكون سهلة البلع ياليت ...

تحياتي

[SDal]

ممممـ ..

الفيتامينات عموماً رائحتها و طعمها سيئين .. لكن سؤال, ما دامك تبلعها و مع ماء المفروض الطعم ما تحس فيه .. ليش يهمك ؟
من بين الخيارات الموجودة خذ اوبتيمين .. و لو علب الباك من الاصدار الجديد الي ما فيه بيبسين بالتالي ما فيه خنزير ..
صعب تلاقي خيارات ثانية ؟

الاستفسار الثاني : هل رياضة الجري تتعارض مع التضخيم لان لياقتي صفر مرة وحاب اجري كل يوم بين النصف ساعة وساعة ومتى اجري بعد التمرين مباشرة ام بفترة ام قبلة ؟؟

الجري ممتاز .. و مهم جداً تمرن قلبك مثل ما تمرن عضلاتك .. لأنه العضلات الكبيرة تحتاج قلب قوي ..
التعارض مع التضخيم ؟ حاول خلي الجري بفترة مختلفة عن فترة التمرين .. اي لا قبله ولا بعده .. فترة ثانية افضل .. و تأكد انك تعوض الي تحرقه بالاكل ..

الاستفسار الاخير : عندي امينو 2222 بيخلص وش تنصحوني اخذ بس حبته تكون سهلة البلع ياليت ...

انصحك توفر فلوسك افضل .. خصوصاً انك بفترة تضخيم و المفروض الاكل يوفر لك احتياجاتك ..
و لو مصر تضيف .. شوف الـBCAA افضل , نظرياً و عن تجربة ..

[الجافي101]

اخوي كلهم ريحتهم سيئة ؟؟ لان الميجا مان احس يخلي ريحتي مو مقبولة خاصة اذا عرقت ..

طيب انا اتمرن العصر متى اجري الصبح افضل ؟؟

والامينو يعني ما منه فايده ؟؟ وال bcaa هذا بودرة ولا حبوب وياليت صورة للعلبة حقته ..

والله يعطيك العافيه ع التجاوب السريع

[الجافي101]

بانتظار باقي الكباتن

[SDal]

اخوي كلهم ريحتهم سيئة ؟؟ لان الميجا مان احس يخلي ريحتي مو مقبولة خاصة اذا عرقت ..

نعم كلهم ريحتهم سيئة ..
بالنسبة لريحة الجسم سمعت بعض الاشخاص يقولوا الانيمال باك يخلي رائحة الجسم سيئة .. ما لاحظت هالشيء عندي .. ممكن تختلف من جسم لاخر ..

طيب انا اتمرن العصر متى اجري الصبح افضل ؟؟

جيد .. لكن تأكد انك تفطر و تتغذر فطور و غذاء محترم حتى تعوض السعرات المحروقة ..

والامينو يعني ما منه فايده ؟؟ وال bcaa هذا بودرة ولا حبوب وياليت صورة للعلبة حقته ..

الي شفته و لاحظته .. انه ما فادني بشيء .. لأنه الاحماض الامينية موجودة بالاكل و بالبروتينات بشكل كبير جداً ..
الـBCAA هو نوع من الاحماض .. ثلاثة احماض و هي الاساس في بناء العضلة .. و قليلة بالاكل الطبيعي جداً لكن موجودة بالبروتينات ..
و عموماً سواء الـBCAA او الامينو العادي .. الاثنين وقت التضخيم اهميتهم محدودة .. طبعاً الاحماض الاساسية موجودة بمكمل الامينو
العادي لكن بتركيز قليل جداً .. مثلاً تركيزه بالجرعة اليومية من مكمل امينو عادي تقريباً تلاقيها بحبة و نصف من جرعة امينو Bcaa
و موجود باودر و كبسولات منه .. حبته صغيرة و سهلة البلع ..

[الجافي101]

والله الظاهر بكنسل الملتي فيتامين اهم ما على الواحد ريحته قدام الناس ...

طيب اخوي يعني تنصحني اجري ولا اخليه بعدين .. وهل اجري بعد التمرين مباشرة افضل بما اني معرق معرق ؟؟

والامينو انا عندي 2222 الجديد اللي حبوبه اصغر بس بعد كبيرة وبيخلص وحاب افضل منه .. وش افضل نوع bcaa اي شركة يعني وهل الكبسولة افضل ام البودرة ؟؟

بانتظار ردكم وخاصة بالسؤال الأخير

[abu kinan]

يا خي فكك من ريحة الجسم هذا كلام غير صحيح ابدا والملتي فايتمن اهم شي اهم شي اهم شي للاعب كمال الأجسام اهم شي
ولا تطلع ريحة الجسم ابدا على مسؤوليتي ولو خذيت ملتي سبب ريحة جسم جيبه انا اشتريه منك

[الجافي101]

طيب اخوي باخذ اوبتي مان هل يعتبر الأفضل ؟؟ والامينو يقولون الافضل هو 2222 وناس تقول ال bcaa افضل وشرايكم ؟؟

[.hamad.]

طيب اخوي باخذ اوبتي مان هل يعتبر الأفضل ؟؟ نعم ممتاز
والامينو يقولون الافضل هو 2222 نعم هو الافضل
وناس تقول ال bcaa افضل وشرايكم ؟؟ايضاً جيد للضخامة

................

[الجافي101]

طيب هذا كورسي راح يصير ( سيرياس ماس + امينو 2222 + اوبتي مان ) يكفي ولا احتاج واي بروتين او شي اخر ؟؟

واذا خلص السيرياس ماس بدور كملوكس جينر الكل يمدحه بس مو محصله

بانتظار رايكم بالكورس

[THE CAST]

^^^
مايحتاج الاوبتي ...

ملاحظه
ملاحظ من فترة مواضيعك تدور حول نفس المحتوى من السيرياس الى ال2222 فالاولى الإكمال على الموضوع نفسه وعدم طرح موضوع جديد......



بالتوفيق

[الجافي101]

الله يعطيك العافيه اخوي وصادق وهذا لاني مبتدء وحاب استفيد من خبرتكم الكبيرة

لاهنت اخوي وما قصرت