PLATINUM HYDROWHEY or whey protien

[Could I DO IT]

معلومات المتقدم بالاستفسار :
العمر : 18 , الجنس : ذكر

الطول :178 متر
الوزن : 72 كيلوجرام



و الاستفسار كالتالي :
السلام عليكم

أنا والله محتار بين منتجين


PLATINUM HYDROWHEY
طبعا جديد وقريت عنه وتقول نفس ألشركه الي مصنعته انه افضل واسرع بروتين صنعوه

الي مجربه ياليت يعلمنا نتايجه وطعمه ؟



GOLD STANDARD 100% WHEY
أيضاً منتج سمعت عنه الكثير وسريع أيضاً لكن بروتين اقل من الي في الاعلى



طبعا أنا ابحث عن ضخامه بعيد عن القينر وشكرا.

[sami1989]

الاثنين ممتازات وانا شخصيا مجرب الواي اكثر من ممتاز واعتبره رقم 1
لكن ايضا في منتجات رائعه كل برو كومبلكس العادي او fusion7 elite يحتون على عدة انواع من البروتينات والفيتامينات والمعادن مع نسبه قليله من الكارب والدهون

[Could I DO IT]

بس البرو كومبلكس العادي ماهو سريع زي ماقريت ولا وش رايك

[sami1989]

فيه انواع بروتين سريعه وفيه بطيئه والاثنين ممتازات , لكن الواي سريع الامتصاص وباقل بنصف ساعه ينهضم هذه ميزة الواي من اوبتيموم

لكن انت عادي تكدر تاخذ البرو والواي نفس الوقت او اختار واحد
و لاتنسه تركز بلتغذيه ويكون اكلك غني بلكارب والبروتين للضخامه

[Could I DO IT]

زين فيه احد جرب الPLATINUM HYDROWHEY؟

[sami1989]

البلاتينيوم ايضا ممتاز وتقييمه عالي من البودي بولدنج
المنتجين الي حطيتهم رائعين بقى انته تختار واحد منهم

[بردان1]

الواي سريع الامتصاص والهيدرو واي اسرع امتصاص < هذا مايذكر
لكن هل فعلا تحتاج اني ادفع ضعف مبلغ الواي عشان فرق بسيط

نصيحة خذ الواي بس اوفرلك وممتاز جدا ويقوووم بالواجب تماما مهي فارقه على عشر دقايق

[faisalabdulaziz]

اتفق مع الشباب انهم اثنينهم ممتازيين وسريعيين في الامتصاص وتقايمهم ممتازه ... بس الاختلاف موجود في كمية البروتين في السكوب الواحد وكمية الصوديوم
الواي بروتين يحتوي على 24 جرام بروتين والهيدرو يحتوي على 30 جرام بروتين والواي يحتوي على 90 ميلي جرام صوديوم والهيدرو يحتوي على 160 ميلي جرام من الصوديوم ..

عن تجربتي انصحك بالواي لانه خفيف ع المعده وطعمه ممتاز وسريع الامتصاص ونتايجه ممتازه

تقبل مروري وبالتوفيق يابطل

[بردان1]

^
كمية البروتين بالواي العادي اكثر من الهيدرو واي

نسبة البروتين بالواي العادي 82% بينما بالهيدرو واي 77%
وطبعا الفروق بسيطة لاتذكر لكن الفرق بين المنتجين انهم يدعون انه نفس الواي العادي سرعو عملية امتصاصه بالجسم

[faisalabdulaziz]

^
كمية البروتين بالواي العادي اكثر من الهيدرو واي

نسبة البروتين بالواي العادي 82% بينما بالهيدرو واي 77%
وطبعا الفروق بسيطة لاتذكر لكن الفرق بين المنتجين انهم يدعون انه نفس الواي العادي سرعو عملية امتصاصه بالجسم

أخوي بردان1
ممكن توضحلي كيف الواي العادي نسبة البروتين فيه اعلى من الهيدرو علما بان اسكوب الواي العادي يحتوي على 24 جرام بروتين واسكوب الهيدرو يحتوي على 30 جرام بروتين .....

لان صارة عندي لغبطه

[بردان1]

على عيني وعلى راسي اخي

والمساله واضحه
سكوب الهيدرو واي 40 قرام منها 30 بروتين
بينما الواي العادي سكوبه 30 قرام منها 24 قرام بروتين
يعني لو زودت الواي العادي الا 40 قرام حتى تتساوى المعادلة والمقارنه تكون عادلة بيناتهم
راح يكون في كل 40 قرام من الهيدرو واي 30قرام بروتين
والواي العادي في كل 40 قرام 32 قرام بروتين

اتمنى تكون وضحت وهي فقط المساله تحدديد حجم السكوب من الشركة ولا الكمية انت تقدر تحددها على حسب حاجتك اليومية لكن المعنى ان بودرة الواي العادي اغلبها بروتين اكثر من الهيدرو واي

وبالتوفيق

[Could I DO IT]

الله يعطيكم العافيه وتم شراء الهيدرو من شركه اون بس ملحوظه ياليت تجاوبوني عليها الحين الهيدرو اسرع من كل منتجات القينروانت تحتاج بروتين سريع الامتصاص بعد التمرين مباشر لأي هدف تبيه مثل الضخامة طيب ليش حنا نشتري من منتجات القينر وأنها هي الي تضخمها مع انها بطيئه جداً !

[بردان1]

الضخامة مهو على السرعة ولا البطئ

حتى فيه دراسات ولا اعلم عن صحتها لكن قرات عنها انه حتى لايهم ان كان سريع او بطيء

بس القينر فيهن نسبة كارب اعلى نسبة دهون اعلى
سعرات حرارية اعلى
عشان كذا تؤخذ للخضامة

[Could I DO IT]

لكن أنا اقدر أضخم بهالمنتج ولا؟

[بردان1]

اكيد تقدر
تقدر تضخم بدون اي منتج
انت اهم شي احسب كم تحتاج من بروتين وكم تحتاج من كارب باليوم
البروتين 1.5 الى 2.5 قرام لكل كيلو من وزنك
والكارب 3 قرام لكل كيلو من وزنك او اقل بقليل او اكثر بقليل

واضبط جدولك الغذائي وبعد ماتضبطه شف كم ينقصك من البروتين وكمله من المكمل
وطبعا جرعة مابعد التمرين ثابته
واقترح عليك اقتراح بحكم انه غالي الثمن لو تشري معاه اليت فيوجن 7 او سينثا 6 او ببروكمبلكس وتستخدمهم صباحا بعد الافطار ومساءا قبل النوم

والهيدرو بعد التمرين مباشرة