اصابه الكتف م الحل؟

[Kurapica33]

انت للحين مارحت لدكتور ؟
غلط انت بتجلس مرتاح ولاتدري وش فيك ممكن يكون شد عضلي ممكن تمزق لازم اول تكشف عند دكتور دامك ابداية الالم
لاتجلس بالبيت وتقول ابي الالم يخف ترا الي فاد غيرك يمكن مايفدك راجع دكتور افضل

[كلاااش 1403]

جزاك الله خير اخوي خايف اسويها يزيد الالم لان حااليا وانا احرك يدي ف بواقي الم يعني لما احاول اخذ شي من فوق رف عالي احس ب الم خفيف جدا جدا
وكل يوم الحمد لله يتلاشئ

لا تسويها الحين , بعد اسبوع او اذا قررت تروح النادي

( اذا وصل نسبة الشفاء في كتفك الى 80 او 90 % )

[القوي الله]

وقف اسبوع على الاقل

عشان تضمن انك الاصابه الخفيفه تزول

والله اني اعض على اصابعي , يا ليتني موقف اسبوع من اول يوم جاني التمزق

كانت اصابتي مثلك , تجي في التمرين فقط , وبعدها ب 3 ايام بدت تزيد مع اني وقفت تمرين الى اسبوعين , والان بدئت تخف

لا تندم كثير ,, لولا غلطتك ترى ما تعلمت وتعلمنا ..
انا قبل كنت مهمل جدا ,, استهين بطريقة التمرين والتسخين والاطاله وبالاوزان الثقيله ..
لين ما جتني اصابة فالظهر ,, ووقفت 5 شهور اصطلبت بعدها وتوني راجع من شهر ولكني الان حذر جدا فكل شي ..
بخصوص الكتف خلاص ان شاءالله قررت اوقف بسمعك نصيحتك ..
.بس تنصحني بمرهم ؟ ولا ؟ بس ياليته يكون علاج مب مسكن الم

[Mr DeNaMeT]

انت للحين مارحت لدكتور ؟
غلط انت بتجلس مرتاح ولاتدري وش فيك ممكن يكون شد عضلي ممكن تمزق لازم اول تكشف عند دكتور دامك ابداية الالم
لاتجلس بالبيت وتقول ابي الالم يخف ترا الي فاد غيرك يمكن مايفدك راجع دكتور افضل

كلامك عين العقل اخوي ان شاء الله اراجع دكتور وابلغكم بالتفاصيل
شكرا على النصيحه
الله يسعدك

[O.X.Y.G.E.N]

ما شاء الله ما مداني الرد الاول 24 ساعه الا الشباب ما قصرو

طيب اللي واضح ان اصابتك خفيفه
لكن الخوف كل الخوف من الاصابه الخفيفه
توهمك انك تقدر تتمرن وتتمرن بأوزان ثقيله وما تحس بنفسك الا وانت شققت ام العضله
الحل مثل ما قالو الشباب
اتوقع شفاءها من اسبوع الى شهر بالكثير
ودك تروح لدكتور براحتك بس ما يحتاج تسوي اشعه رنين مغناطيسي لأنها ما تسوى عليك

من رأيي كل اللي عليك تريح اسبوعين بالنسبه لتمرين الصدر والاكتاف وأي تمرين تحس ان عضلة الكتف ممكن تشتغل فيه
وبعد الاسبوعين تدخل على اوزان خفيفه اسبوعين ثانيه تختبر العضله فيها وتتأكد انها تشافت
خلال هالفتره استخدم كريم اسمه JointFlex لونه ازرق افضل كريم للإصابات والتمزقات قيمته تقريبا 70 ريال

اكلمك عن تجربة مريره اصابه في الكتف الأمامي ما تشافت بالكامل الا بعد 6 شهور بسبب الاهمال في البدايه لأني اصريت اكمل تمريني

[كلاااش 1403]

لا تندم كثير ,, لولا غلطتك ترى ما تعلمت وتعلمنا ..
انا قبل كنت مهمل جدا ,, استهين بطريقة التمرين والتسخين والاطاله وبالاوزان الثقيله ..
لين ما جتني اصابة فالظهر ,, ووقفت 5 شهور اصطلبت بعدها وتوني راجع من شهر ولكني الان حذر جدا فكل شي ..
بخصوص الكتف خلاص ان شاءالله قررت اوقف بسمعك نصيحتك ..
.بس تنصحني بمرهم ؟ ولا ؟ بس ياليته يكون علاج مب مسكن الم

من خلال بحثي في المنتديات عن اصابة الكتف لم ارى علاج للكتف , فقط مسكنات , لا اعلم اذا كان هناك علاج حقيقي للكتف

بالنسبه لي حاليا اتبع الطريقة الآتيه :

اكمد الكتف بمنشفه وماء حار + المرهم اللي استخدمه حاليا ( افالون ) سعره 33 ريال + التمارين اللي في الرابط السابق

النتجيه : لا يوجد الم طوال اليوم الا في بعض الحركات التي فيها شد , لكن الالم ياتي بلا مجهود يذكر عندما استيقظ من النوم , واتوقع السبب في ذلك هو : النوم على الكتف اراديا ولا اراديا لفتره طويله + مفعول المرهم اثناء ساعات النوم الطويله تزول

[R702]

من كلام احد الكباتن علاج الكتف اول ما تجيك الاصابة او الالم ( الشديد ) تحط ثلج لمدة لين تحس العضلة تخدرت وبعده تقوم بدهنه بكريم وعلى كذذا لمده 3 ايام وبعد الـ 3 ايام حاول تنزل جاكوزي حار عشان يريح العضل واول ما ترجع لازم تلعب اوزان خفيفة جداً حتى تحس انك استعدت عافيتك ( الكلام من الكابتن حقي وجاته الاصابة قبل فترة بسيطه واتبع هالطريقة وفادته وان شاء الله تفيدك ) انتبه يا اخوي على الكتف ترى اصابة الكتف اخس شيء لانها تعطلك عن كل التمارين لان كل حاجه معتمده على الكتف والله يعينك وترجع مثل اول واحسن باذن الله

[القوي الله]

يعطيكم العافيه يا شبااب ما قصرتوا كلكم ,, والله يجزيكم كل خير ..
ان شاءالله بسوي الي قلتوا عليه بالحرف الواحد ..
واتمنى من صاحب الموضوع ومن جميع من يعاني من اصابه انه استفاد من ردودكم الطيبه ..
والله يشفيكم يا شباب ,, وان شاءالله بسوي موضوع عن اصابة الكتف قريته في احد المنتديات وبنقله لكم ..
لانه بصراحه هالمواضيع لازم الكل يشوفها وتزيد التوعيه لتفادي الاصابه ..
والمنتدى مفتقر الى هذه المواضيع ,, شكرا للجميع من القلب