PLATINUM HYDROWHEY or whey protien

[faisalabdulaziz]

على عيني وعلى راسي اخي

والمساله واضحه
سكوب الهيدرو واي 40 قرام منها 30 بروتين
بينما الواي العادي سكوبه 30 قرام منها 24 قرام بروتين
يعني لو زودت الواي العادي الا 40 قرام حتى تتساوى المعادلة والمقارنه تكون عادلة بيناتهم
راح يكون في كل 40 قرام من الهيدرو واي 30قرام بروتين
والواي العادي في كل 40 قرام 32 قرام بروتين

اتمنى تكون وضحت وهي فقط المساله تحدديد حجم السكوب من الشركة ولا الكمية انت تقدر تحددها على حسب حاجتك اليومية لكن المعنى ان بودرة الواي العادي اغلبها بروتين اكثر من الهيدرو واي

وبالتوفيق

ما شاء الله عليك اخوي بردان 1 ... جزاك الله خير وبيض الله وجهك على شرحك وتوضيحك ...
وايد استفدة من المعلومة اخوي لاني مالاحظت حجم السكوب ...

جزاك الله خير وبيض الله وجهك .. تقبل تحياتي وبالتوفيق يابطل

[بردان1]

ووجهك ابيض يالغالي
وماسوينا الا الواجب

[del10]

عذرا على المداخله

الشي اللي استغربت منه

انه شركة ON تنصح بأستخدام

الهايدرو واي بأي وقت تكون محتاج بروتين سريع الامتصاص

والهايدرو بيلدر بعد التمرين مباشره !!

يعني الهايدرو بيلدر افضل من الهايدرو واي لبعد التمرين !!

ممكن احد يشرح لنا الموضوع ؟؟

[veto100]

يا شباب مافيي داعي تدققون ،

ترى كل الانواع نفس تدي نفس الغرض اللهم فرق بسيط بينهم لا يكاد يذكر ، وهو فالنهاية مكمل غذائي لا اقل ولا اكثر .

التركيز على الاكل وتنوعه وانه يكون غني بكل ما يحتاجه الجسم ، بعض الناس يركز على الاكل بعد التمرين وهذا خطأ ، المفروض تضبط اكلك من الصباح الى قبل النوم ، والتمرين الجيد بالطريقة الصحيحه الكامله والتنويع والراحه بعد التمرين ، كل هالعوامل اذا اجتمعت تعطي نتائج جبارة ، اعرف شخص جسمه ماشاء الله بطل وما عمره استخدم اي نوه مكملات سوا الامينو اسيد فقط لا غير وانا متأكد منه لاني اعرفه شخصياً

وبالتوفيق للجميع..

[Could I DO IT]

مشكورين إخواني وصحصيح اخوي del10 هالموضوع حيرني كثير وقلت شكلهم نصابين كل شوي طالعين لنا بمنتاج الصباح قبل التمرين وهذا بعد التمرين وهذا قبل النوم سلمات احس أني ماراح اكل كلش خخخحخحححياليت احد يفيدنا لا هنتم

[S.A.G.2]

يا شباب ترى اللي يحدد ضخامتك أو نشافتك هو أكلك مو البروتين, البروتين مجرد مكمل غذائي بس انا شايف انه في المنتدى هنا عاملين له الف حساب وحساب ومعتبرينه هو الأساس والأكل مخلينه هو المكمل للبروتين الصناعي ....

انا مستمر على الواي بروتين سواء ضخامة أو تنشيف اللي أعدل فيه هو أكلي فقط لا غير والبروتين والأمينو وجميع المكملات هي هي ما تتغير, بلا جينر بلا خرابيط .....
للعلم, في الضخامة اعتمد على الكاربوهيدرات لأنه العامل الرئيس في ضخامة العضلات ’’’ وفي النشافة اعتمد على البروتين بشكل أساسي لكي تحافظ على الكتلة العضلية من الانهيار,,,

والله الهادي الى سواء السبيل,,,

[بردان1]

نعم يا اخوان
هم يقصدون اذا كنت ماخذهن بستاك واحد يعني بكورس واحد
الهيدرو بيلدر اساسا هو هيدرو واي تماما فقط مضاف له 5 قرام من كرياتين المونوهيدرات وبعض الامور الي تعطي استشفاء وغيره
ولانك اذا كنت تستخدم الهيدرو بلدر ماتقدر تتستخدمه مثلا 3 مرات باليوم لان هالشي معروف انه الكرياتين مايصلح تتعدا الـ 5 قرام تقريبا باليوم
فـ الهيدرو بيلدر مصمم فقط للاستخدام بعد التمرين وهو تماما نفس سرعة الهيدرو واي
وطبعا مثل ماهو معروف ان استخدام كرياتين المونوهيدرات يكون خمسة قرام لبعد التمرين


اتمنى تكون وضحة واسف ع الاطالة

[faisalabdulaziz]

يا شباب ترى اللي يحدد ضخامتك أو نشافتك هو أكلك مو البروتين, البروتين مجرد مكمل غذائي بس انا شايف انه في المنتدى هنا عاملين له الف حساب وحساب ومعتبرينه هو الأساس والأكل مخلينه هو المكمل للبروتين الصناعي ....

انا مستمر على الواي بروتين سواء ضخامة أو تنشيف اللي أعدل فيه هو أكلي فقط لا غير والبروتين والأمينو وجميع المكملات هي هي ما تتغير, بلا جينر بلا خرابيط .....
للعلم, في الضخامة اعتمد على الكاربوهيدرات لأنه العامل الرئيس في ضخامة العضلات ’’’ وفي النشافة اعتمد على البروتين بشكل أساسي لكي تحافظ على الكتلة العضلية من الانهيار,,,

والله الهادي الى سواء السبيل,,,

اتفق تماما معاك يالغالي ...

انا اتبع نفس اسلوبك بس الاختلاف اني استخدم ايزو 100 ... طعمة ممتاز واقتصادي في نفس الوقت ونتايجه طيبه

ياشباب اهتمو في التغذية والصبر ومن ثم المكمل الغذائي ... في شباب الله يهديهم على طول من ثاني يووم له في الجم يبلش في المكملات .... والمشكلة الكبرا ان بعض المدربين الله يهديهم من يشوفون واحد جديد في الجم وعليمي على طوول راحوله وكلموه عن المكملات والكورسات والشباب الصغار اتشوفونهم متحمسين ومافيه صبر ... الله المستعان