جهز (GYM) صالة حديد كاملة بـ 935 ريال فقط في غرفتك

[ODIN]

السلام عليكم



أول شي بعرفكم على غرفتي .. ناري وجنتي .. فيها كل الاستخدامات اليومية بحياتي ..





لا تستغربون من الفوضى ... لان الاستخدامات الي فيها اكثر من استيعابها بكثير .. ومنها التالي /



1- نوم

2- طاولة رسم للمشاريع والهندسه

3- كمبيوتر

4- تلفزيون بلاي ستيشن فيديو

5- استديو تصوير

6- GYM ><



تخيلوا كل هذي بغرفه مساحتها 6*4







طيب نجي للموضوع الرئيسي .. وهو كيف تنشئ جيم في غرفتك بطريقة اقتصاديه جدا !!



-----------



هل سئمت من المشاوير المتكررة لصالة الجيم يوميا ؟!



هل تريد ان تنشيء صالة رياضية متكاملة في غرفتك ؟



هل تريد مدرب خبير متواجد ومتفرغ لك 24 ساعه يوميا ومتى شئت ؟





اذن .. خلوكم معاي بتشوفون انواع التوفير والقعاطه حتى توفر كل هذي الاشياء ب 935 ريال بس





طيب



نبدأ بسم الله ..





انا شخصيا .. جتني فترة صار مشوار الجيم وتشغيل السيارة والوقوف بالاشارات هاجس كبير بالنسبة لي .. لانه باليوم الي تقرر تروح فيه للجيم .. اعتبر ان نص يومك انتهى .. !



فخلص اشتراك الصاله .. وبنفس الوقت فرحت لان المشاوير هذي انتهت .. لكن خفت ان بعد كل هذا الجهد وبناء الجسم راح ينهدم لاني راح اترك التمرين لان الاشتراك انتهى !!!



صدفه .. رحت لمكتبة جرير .. وتعرفت على مدرب خبير ومتخصص في بناء العضلات وتمارين الجيم ..

---------------------

مين هو ؟!



هو كتاب لمدرب اسمه كيرت برنجارد .. ولاحظت ان كل التمارين الي بالكتاب تقدر تأديه في البيت في غرفتك .. بكم اداة بس !!



هو عبارة عن ثلاث كتب .. واحد لتدريب الصدر والظهر والكتفين .. والثاني للذراعين والثالث للبطن ..



اذن هذا هو المدرب الي بيكون متفرغ لك 24 ساعه ..





طيب ومن هنا تبدأ المصاريف وخلونا نحسب الميزانية مع بعض ..



أول اداة /



ثلاثة كتب بسعر 75 ريال
-------------



طيب نجي لادوات الرياضة ..



معروف بالرياضه قبل لا تبدأ بالتمرين القاسي .. لابد انك تسخن وبكذا تحتاج اله للتسخين .. اما سيكل او سير ركض او أي اله ايروبريك اخرى ..



انا وقع اختياري على هذه الاله .. سعرها ب 450 ريال ..



اذن نقول .. آلة ايروبريك بسعر 450 ريال





نجي للأدوات الحديد ..



اهم داة لازم تكون عندك ..



( زوج من الدمبل ) .. منها تقدر تدرب ظهرك وكتوفك وذراعيك وحتى رجولك ! .. بس اطلع على الكتاب هذا ويشرحلك الطرق بالصور وبكل سهوله ..





سعرها تلاقيه باسعار مختلفه جدا على حسب النوعيه .. ابحث على ارخص شي لانها بالاخير مجرد حديده ووزن ما تفرق بالنسبة لك اذا كنت تبحث عن التوفير ..

لقيتها بسعر



100 ريال


الاداة الثانية /


بار .. حديدة طويلة .. وهذي مب مهمة كثير .. لكن تحتاجها في بعض الاحيان ..


ونقول ..

بار بسعر 140 ريال ..


الغرض الثالث الي تحتاجه .. وهو كرسي جيم لعمل تمارين مختلفه .. ويتميز هذا الكرسي انك ممكن تسدحه تخليه مثل السرير او تميله بزوايا مختلفه على حسب التمرين الي يشرحه لك الكتاب







انا حصلته بسعر مثالي جدا .. وهو ب 175 ريال .. خاصه الكرسي هذا اسعاره متفاوته كثير .. ابحث كثير حتى تلقى السعر الي يناسبك



--------



بهذي التجهيزات بس تقدر تسوي جيم خاص فيك ... وتوصل لاحلى جسم بس مجرد انك تتبع برامج الكتاب الي ذكرته ..



هذا الحد الادنى طبعا من التجهيزات الي تحتاجها .. وانا اشوف انها كافيه خصوصا للمبتدئين .





وشكرا

[Dr_X]

صراحة موضوع رائع جداًًًً

فعلاً أنا أحتاج كنت محتاج لهذا الموضوع .....

مع إن الأدوات اللي ذكرتها ما ادري فين أحطها ... ما أعتقد إن غرفتي تكفي ....... لو أشتريتها ما حايبقى موطى قدم في الغرفة ....

لأن غرفتي 4 في 5 تقريباً وفيها جهازين كمبيوتر كل جهاز بطاولته ..... و طاولة مكتب كبيرة و رفوف للكتب و طبعا سرير و دولاب للملابس و أوراق بأرقام فلكية ..... .. يعني نو واي ..... :mad22:

صعبة جداً بالنسبة لي ..... لازم إعادة تنظيم للغرفة كلها ... و ربما الإستغناء عن بعض الأغراض...

[القــعـقـاع]

فكرة حلوة و اقتصادية جداً...لكن اللي يبغى يسوي ذا الحركة يسوي مثل اودن,,يروح يتمرن في gym اول و يخلي المدرب يضبط له تكنيك و شكل الحركة و بعدين يبدا يتمرن في البيت... و بالاماكن تصور نفسك فيديو و تعمل مقارنة بمقاطع فيديو من الانترنت مثلا


و نقطة نسى اودن يذكرها ...اذا انت بتتمرن لوحدك فابحث في الانترنت عن نظريات و برامج التغذية و اذا حاب عن المكملات بعد...

من وجهة نظري الgym افضل بكثير..عندك:
1-ناس تحمسك
2-ناس يساعدونك في الاوزان الثقيلة
3-ناس تقارن نفسك بهم و تتبادلون خبرات
4-مدرب
5-تقدر تثقل الاوزان الين تنهلك
6- و اخيرا: الرجول تمرينها في الgym افضل

على فكرة..الصالة حقتنا ما بيني و بينها الا 3 كيلو و من دون اشارات

[نيو ايرفين]

نسيت أهم شي الجاكوزي وينه!!؟

انا ما اروح ال GYM الا علشانه

بس معاك حق من ناحية المشاوير والاشارات

وشكرا

[Master ArNab]

ما شاء الله .. فيري فيري نايس .. والأسعار رخيصة

ناقصك شي واحد بس .. ال punching bag ( اللي مربوطه بسلسلة ) وهي بخاطري والله T_T

علشان الواحد ( في نهاية اليوم , وقبل لا ينام ) يطلع حَرته .. ترفيس وتلكيم والعض إذا لزم الأمر

[Classic Evil]

وعليكم السلام ورحمة الله وبركاته


" الجيم " جيد , ورياضة رايعة ومفيدة لكن يضيع فيها وقتك تضيع بدون ما تحس ...

لكن من رأيي المتواضع أكبر خطأ توضع مثل هالادوات في غرفة النوم !!!

تخيل بعد التمرين عفوا يعني ريحة الغرفة ؟؟؟ كلها عرق ؟؟؟ كلنا جربنا الصالات ومع الملطفات يالله يالله تشم هوا نظيف ...


بالنسبة للكتب , هل فيها تمارين متعلقة بآلات ؟ ولا تمارين رياضية بس ؟؟؟ وصالتك كم حركة فيها باااين صغيرة ...


بس غريبة ما سويت ملعب كورة

[Angel whisper]

from my experience..

regular gym > home gym ..

amusing room tho ..

keep up the good work.

[ODIN]

Dr_X

حياك الله اخوي نورت الموضوع

مو شرط تحط الجيم بغرفتك .. اي غرفه ثانيه تكفي بالبيت ممكن تقلبها لنادي لك

القــعـقـاع

دايم صاحب افيد مشاركة بالمواضيع هذي

كل كلامك صحيح وواقعي .. التمرين بالبيت يحتاجله همه اكثر ..

لكن انا استغنيت عن الحديث عن الانظمة الغذائيه لانها موجوده حتى بالكتاب ..

الي يشتريه راح يعرف كل شي عن الاغذيه اللازمه وحتى المكملات الغذائيه


بس فيه اشاعه او معلومه خاطئه مهمه جدا ما عرفتها الا من الكتاب .. وانت ذكرتها

وهو انك لو تشيل وزن متوسط وتسوي بالشكل المثالي وبشكل بطيئ .. افضل بكثير من انك تاخذ اوزان كثيرة وتسويها وفي احد يساعدك فيها ..

لان الوزن الكبير بتسويه بسرعه غالبا .. ومساعده المدرب تخفف الشد على العضله ..

فهدفك هنا تكون العضله مشدوده طول التمرين ..

وحياك الله

Human
اه يالجاكوزي ... املي البانيو حقكم ماء حار وخلاص قص على روحك -__-

Master ArNab
البنشينج باج من جد خاطري فيها !!

مع انها مالها علاقه بالجيم هي للملاكمه .. بس مرة احس مفيده تقوي اليدين

evilneverdie
ايفل .. بالنسبة لمشكلة الرائحه الي ذكرتها ..

هذي تلاقها بالاماكن العامه المختلطه الي فيه كثير ناس يعرقون مثل صالات الجيم .. والله يهديهم كثير منهم ما يهتمون كثير بنظافة اجسامهم بحيث انه تطلع رائحه سيئه اول ما يعرف ..

عن نفسي انا الحمدلله مالاحظت المشكله هذي لاني مو من النوع الي يعرق كثير .. واهم شي ان الواحد حافظ على النظافه الشخصية حتى لو عرق كثير ما تطلع رائحه .

وحياك الله

انجل

حياك الله نورتي الموضوع

[BrainStorm]

طيب طيب طيب

والله نفس إلي عندي بس من غير آلة الهرولة مالت اوربت

ما شاء الله عليك أخي ظهرت واحد من كمال الأجسام

الله يعطيك العافية على الموضوع

[Yamato]

اه يالجاكوزي ... املي البانيو حقكم ماء حار وخلاص قص على روحك -__-

صح -_____-

وبالنسبة للجيم مالك..
احلى تمرين واللي يشغل كل العضلات عكسيا هو النوم... بالنسبة لي طبعا..

كمل يا فتى بارك الله فيك.. وعسى نشوفك في يوم من الايام في بطولات كمال الاجسام مثل مصطفى شحاتة داهن جسمك بالزيت ولابسلك *** ابو خط.. وتعرض لنا الكتل العضلية يمين يسار امام ورا...

[القــعـقـاع]

تسلم و الله..^^_

الاعتقاد هذا موجود في الغالب عند المبتدئين...الاوزان الثقيلة المفروض توصل لها كل فترة و الثانية على اساس تعمل shock للعضلات...و حتى مساعدة المدرب تعتبر من الshocking techniques و يسمونها forced reps طبعا اذا عملت بشكل صحيح...

بالنسبة للكتب: فانصح بكتب الفطاحلة::

موسوعة كمال الاجسام الجديدة

ارنلود شاوزنيجر

كتاب قيم من 800 صفحة و موسوعة فعلية

فرانك زين: العقل, الجسم و الروح

فرانك زين

(الكاتب هذا انصحك تشوف مقالاته و كتبه لان نوعية جسمه مثل نوعية جسمك.. و شوف له صور بالجووجل اذا تبغى)
..

[الخيال]

انا عندي الغرفه 5*4 وحاط فيها جهاز سير اشغله في الشهر مره <<<<يبي يشوف دقات القلب^_^
بس والله الموضوع حماس، شكرا اخوي على الموضوع

[][-][Mr.ZeNoN][-][]

ماشا الله..

طيب فيه كتاب التدريبات الأساسة لعضلات الفك؟؟ أبي يكون عندي فك مفترس <<أمغض العلك وبس

لو تشوف غرفتي الصغيرة تشوف أنواع الزحمة للأسلاك ومجاعة للأجهزة البليستيشن والفيديو والتفلزيون والرسيفر بسبب تعطل الكهربا عندنا ولازم أجيب توصيلة..

إن شاء الله رح أصور غرفتي في وقت قريب

وسلام عليكم..

[Lena]

هـــــــــــــــــــــــــــــــــــــيـــــــــــــــــــــــــــــــــــــــه

ماتوقع اودن يبي يصير ogre وحق كمال اجسام ويحط زيت على جسمه ومدري وشو >.>

و لا يكون فهمي غلط@_@........!!

اذا تبي نصيحة اخت..لا تحول نفسك الى وحش بليز T______T

بصراحة روعة فكرة الجيم..بس زي ما قال القعقاع تكون في بدايتها معود نفسك شهر ولا اثنين مع صالة رياضية فيها مدرب يعودك وبعدين تبدا المشوار

وهذا الي ساعدك انك قد اشتركت وكملت المشوار لحالك

هذا بالاضافه الى عـــــــــــــــــــزيــــــــــــمــــــــــتك مشاللهT_T هذي تحتها الف خط..


انا العزيمة عندي الف ثم تنزل تنزل تنزل لما توصل الزيرو.. ._.

عشان كذا نفسي ابدا بجيم برا البيت يعطين دفعة حماس ثم ابدا لحالي..طبعا من دون اثقال وخرابيط>.>

الله يوفقك وتفكيرك عصامي مشالله

[احلامو ادوماتو]

no way

not for moi

Dubbah Rules

طانكس واجد على العموم

لكن غرفتك مكركبة ، ياخي رتبها شوي <<<<شوفوا من يحتسي