البروتين سبب الكرش

[n3xT]

السسلام عليكم

زي ماهو واضح بعنوان

مشكلتي كبر الكرش عندي صار بشكل ملحوض

من يوم مابدية استعمل الواي بروتين وغيرها من البروتينات

قبل ما اتسعمل البروتين كان ماعندي كرش ولا دهون كثيره

وعلى كلام المدرب يقول انت الحين تظخم لازم تزود الدهون عندك ولازم تكون الظريبه الكرش


مادري هل كلام المدرب صحيح ولا



ومعليش على الايطالــه

[SN!PER WOLF]

انا من زمان مودر التدريب والحين جسمي اخترب صارت كرش

ناوي ارجع اتمرن واسوي جري

وببتعد كل الابتعاد عن البروتينات وغيره

وخلك طبيعي احسن .. عصير موز مع حليب

والبروتين بيعطيك تضخم بس بعدين اذا تعبت من التدريب واهملت نفسك بس شهر كل شي يخترب
لازم بستمرار تتمرن

خلك طبيعي احسن تتقسم العضلات واحلا من التضخم وتكون ثقيل الحركه

وبالتوفييج

[اللورد الأحمر]

أبغى أزيد على كلام الأخ الكريم على خبرتي وتجربتي العريقة في البروتينات ان البروتينات مضرة أكثر من انها نافعة أولا انا استخدمت البروتين ونمت حسيت بألم بجسمي بعدين تعودت علي كان بطني بدون كرش وزين بدون ما أتمرن بطن لكن الحين صارت عندي كرشة كبيرةبعد استخدامي البروتين لمدة ثلاثة أشهر فقط بس اللي نفعني في ان خلاني شوي ضخم بعدين قلت خلاص بقطعة بعد الضرر اللي سببه لي لكن المشكلة اني حسيت بألم مرة أخرى بعد ما قطعته لمدة أسبوعين ما أطيل عليك أترك عنك البروتينات والأمينو والنشطات وخليك طبيعي . أحسن لك

[n3xT]

يعطيكم العافيـه

بس والله مافهنالكم ناس تقول البروتينات مكمل غذائي ولا يظر

وناس تقول يظر وجيب عقم وتترهل عظلاتك

احترنا بينكم

وناس تقول خذ بروتين بس لازم تنشف بعد فترة التظخيم

يعني لاتقطع الرياضه لاين تنشف وتشيل الدهون وتظبط امورك


واللي خبير يفيدنا

.#

[اللورد الأحمر]

أخي العزيز اسمع كلام مجرب ولا تسمع كلام خبير زي ما يقولون انت ماراح يضرك شىء اذا خليت نفسك طبيعي والبروتينات الطبيعية بالعكس راح يكون جسمك أقوى عكس المستخدم البروتينات راح يكون جسمك مفصل من جميع الجهات وأولهم عضلات البطن بعكس مستخدم البروتينات راح يكون مكرش صحيح ضخم لكن غير صحي نهائيا هذه مجرد نصيحة لا أكثر......تحياتي اللورد الأحمر

[SKiLLLeT]

آخوي انا استعمل واي بروتين من شهرين وجدولي تقسييم

بالعكس قبل البروتينات كانت السكسباك بارزة قليلة والآن واضحة جدا مع البروتينات

ماعليك من كلام اللورد البرتقالي، الظاهر ياكل برجر كنج قبل النوم مع ميغاماس سكوبين ،من جذي ليش متعقد من البروتينات ;p حبيب والله اللورد الرمادي ;p

تحياتي

[عشــق البطــوله]

هلابك اخوي .. مشكلتك عاديه جدا لاتخاف البروتينات جميعها مالها ضرر الا اذا عندك امراض بالكبد لاسمح الله

مع احترامي لجميع الاخوه المكملات الغذائيه بشكل عام مالها اي اضرار لأنها مستخلصه من مواد طبيعيه من الحليب او البيض .. الخ

فمثلا EGG بروتين هذا بروتين بياض البيض ومستخرج من البيض هل تعتقد انه مضر ؟؟ طبعاً لا .. وقس على ذالك بقية البروتينات ..

نرجع لموضوعنا اخوي الغالي اعتقد مشكلتك اخوي والله اعلم انك تستخدم بروتين فيه نسبه كبيره من الفات وهذا اللي برز الكرش عندك .. <- نفس مشكلة اخوي

البروتينات اللي تحتوي على نسبة فات عاليه هذي تقوم برفع الوزن بسرعه واظهار الظخامه بالاضافه الى الكرش جنباً الى جنب ..

ولكن واي بروتين مافيه اي مشكله لأن اجمالي الفات اللي فيه 1 جرام يعني مايأثر لأنها نسبه قليله جدا ..

انصحك انك تترك البروتينات اللي فيها نسبة مرتفعه من الفات وتستمر على الواي بروتين مع الاهتمام بتمارين المعده بشكل منتظم + تمارين الكارديو بعد التمرين وان شاء الله مايحصل الا طيب

وبالتوفيق لك

[اللورد الأحمر]

مع احترامي للجميع وخصوصا الأخ جديد بالقراطيس والكراتين والثاني الي اسمه skillet ما أدري سكايلان
المهم أنا مثلكم انخدعت بالبروتين ان غير مضر ومفيد ومستخلص من المواد الطبيعية لكن اتضح من خلال المدة
ان غير مفيد بالعكس سببلي كرشة والبروتين اللي استخدمه اسمه الواي البروتين على قولت الأخ بقراطيسي
مع ضمان والفات زي ما قال واحد جرام لكن مانفع الكرشة موجودة وأضيف على كلام جي تي سكايلان يوم يقول ان بطنه مفصل صحيح الان راح تلاقي مفصل لكن مع المدة راح تظهر الكرشة شوي شوي والمدة راح تثبت
مع تحيات اللورد .....الأحمر

[بندر053]

الحمد لله انا استخدم الوي بروتين لي تقريبا ثلاث شهووور

وهو بصرااحه امتز من الممتازز

مع تمارينك عدل خذها مني ما تشوف ولا شي ولله الحمد ممتاااز جدا جدا


بلا كرش بلا سواليف

لا تخااف منه ابد
والحمد لله اول عندي ترهل شديد وكرش كبييرر

ومع التمارين والانضباط فيه تغير الى الان بنسبة 95 بال100 هذا الكلام من قبل 3شهور واسبوع تقريبا

والحمد لله الوي بروتين جولد استاندرد ممتاز ولا فيه ايت مشاكل

[عشــق البطــوله]

مع احترامي للجميع وخصوصا الأخ جديد بالقراطيس والكراتين والثاني الي اسمه skillet ما أدري سكايلان

المهم أنا مثلكم انخدعت بالبروتين ان غير مضر ومفيد ومستخلص من المواد الطبيعية لكن اتضح من خلال المدة

ان غير مفيد بالعكس سببلي كرشة والبروتين اللي استخدمه اسمه الواي البروتين على قولت الأخ بقراطيسي
مع ضمان والفات زي ما قال واحد جرام لكن مانفع الكرشة موجودة وأضيف على كلام جي تي سكايلان يوم يقول ان بطنه مفصل صحيح الان راح تلاقي مفصل لكن مع المدة راح تظهر الكرشة شوي شوي والمدة راح تثبت
مع تحيات اللورد .....الأحمر

اخي الكريم انت عندك خلل اما في نظامك الغذائي او في تمرينك او في طريقة استخدامك للمكملات الواي بروتين مافيه اية مشاكل ودليل ذالك انه حصل على جائزة افضل مكمل لـ 5 سنوات متتاليه وانا لي 4 سنوات

استخدم مكملات وجسمي من افضل الى الأفضل ولله الحمد ..


بالنسبه للواي بروتين مثل ماذكرت بالسابق مافيه غير واحد جرام فات وهذا مستحيل يأثر الا اذا كان الشخص راح يدخل بطوله يستخدم بروتين بدون فات لكن عموما 1 فات مايأثر مقارنه مع بعض البروتينات اللي

تحتوي على 4 جرام فات في السكوب الواحد ..


وعلى فكره اخوي اللورد الاحمر الاحظك ترد على الجميع بكل ثقه وفي مواضيع متفرقه وتقول ان المكملات الغذائيه مضره وتسبب سمنه وآلام ومدري ايش ..! عذرا بس على اي اساس تقول هالكلام ؟!

عن تجربتي الشخصيه انا واعضاء كثير ماشفنا اي آثار جانبيه ولله الحمد بالعكس النتائج من الأفضل الى الأفضل وردود الاعضاء وكلامهم اكبر دليل .. انت الشخص الوحيد اللي شفته معارض القاعده وتذم في

المكملات !
بالنسبه للمكملات الغذائيه مافيها اي مشاكل / بعكس الهرمونات والمنشطات هي المضره واللي تسبب عقم ومشاكل كبيره .. اعتقد انك ملخبط بين المكملات والهرمونات ..

وبختصر لك الكلام اذا كانت تجربتك في المكملات ضرتك او سببت لك امراض او كرش اتمنى في البدايه انك تستخدمها بالشكل السليم والصحيح اللي مكتوب على العلبه .. والتأكد ان مافيك امراض في الكلى او الكبد لاسمح الله ..

بالإضافه انك تتأكد من برنامجك الغذائي وتصممه على حسب هدفك المطلوب من حيث :

الضخامة = 30 بالمئة بروتين و 50 بالمئة كاربوهيدرات و 20 بالمئة دهنيات

الضخامة الصافية = 45 بالمئة بروتينات و 45 بالمئة كاربوهيدرا و 10 بالمئة دهنيات

التنشيف او التقسيم = 50 بالمئة بروتينات و 40 بالمئة كاربوهيدرات و 10 بالمئة دهنيات

وتصمم برنامجك الغذائي اعتماداً على القاعده السابقه

وبالنسبه للكرش وغيره الظاهر انك ماتتمرن كارديو مجرد تسمع فيه ..

لازم تتمرن كارديو + تمرين المعده بشكل منتظم 3 ايام بالأسبوع لتجنب الكرش والدهون ..

واعتذر للأخ صاحب الموضوع على صدره الرحب .. واعذرني بس حبيت اصحح الخطأ للجميع ..

وفي النهايه اخ اللورد الاحمر اتمنى وصلت الفكره والموضوع راجع لك تقتنع او براحتك

[kok.6]

اخي الكريم انت عندك خلل اما في نظامك الغذائي او في تمرينك او في طريقة استخدامك للمكملات الواي بروتين مافيه اية مشاكل ودليل ذالك انه حصل على جائزة افضل مكمل لـ 5 سنوات متتاليه وانا لي 4 سنوات

استخدم مكملات وجسمي من افضل الى الأفضل ولله الحمد ..

بالنسبه للواي بروتين مثل ماذكرت بالسابق مافيه غير واحد جرام فات وهذا مستحيل يأثر الا اذا كان الشخص راح يدخل بطوله يستخدم بروتين بدون فات لكن عموما 1 فات مايأثر مقارنه مع بعض البروتينات اللي

تحتوي على 4 جرام فات في السكوب الواحد ..

وعلى فكره اخوي اللورد الاحمر الاحظك ترد على الجميع بكل ثقه وفي مواضيع متفرقه وتقول ان المكملات الغذائيه مضره وتسبب سمنه وآلام ومدري ايش ..! عذرا بس على اي اساس تقول هالكلام ؟!

عن تجربتي الشخصيه انا واعضاء كثير ماشفنا اي آثار جانبيه ولله الحمد بالعكس النتائج من الأفضل الى الأفضل وردود الاعضاء وكلامهم اكبر دليل .. انت الشخص الوحيد اللي شفته معارض القاعده وتذم في

المكملات !
بالنسبه للمكملات الغذائيه مافيها اي مشاكل / بعكس الهرمونات والمنشطات هي المضره واللي تسبب عقم ومشاكل كبيره .. اعتقد انك ملخبط بين المكملات والهرمونات ..

وبختصر لك الكلام اذا كانت تجربتك في المكملات ضرتك او سببت لك امراض او كرش اتمنى في البدايه انك تستخدمها بالشكل السليم والصحيح اللي مكتوب على العلبه .. والتأكد ان مافيك امراض في الكلى او الكبد لاسمح الله ..

بالإضافه انك تتأكد من برنامجك الغذائي وتصممه على حسب هدفك المطلوب من حيث :

الضخامة = 30 بالمئة بروتين و 50 بالمئة كاربوهيدرات و 20 بالمئة دهنيات

الضخامة الصافية = 45 بالمئة بروتينات و 45 بالمئة كاربوهيدرا و 10 بالمئة دهنيات

التنشيف او التقسيم = 50 بالمئة بروتينات و 40 بالمئة كاربوهيدرات و 10 بالمئة دهنيات

وتصمم برنامجك الغذائي اعتماداً على القاعده السابقه

وبالنسبه للكرش وغيره الظاهر انك ماتتمرن كارديو مجرد تسمع فيه ..

لازم تتمرن كارديو + تمرين المعده بشكل منتظم 3 ايام بالأسبوع لتجنب الكرش والدهون ..

واعتذر للأخ صاحب الموضوع على صدره الرحب .. واعذرني بس حبيت اصحح الخطأ للجميع ..

وفي النهايه اخ اللورد الاحمر اتمنى وصلت الفكره والموضوع راجع لك تقتنع او براحتك

بيض الله وجهك اخوي جديد بقراطيسه

انا اشهد ان ردك عين الصواب

[اللورد الأحمر]

أشكرك شكر خاص جدا الأخ جديد بقراطيسي على أسلوبك المميز والرائع جدا والهادىء
لكن عندي نقطة على كلامك أنا عارف البروتينات جدا وأعرف جميع أنواعها وأعرف النشطات المضرة
والهرمونات والأبر وما الى ذلك .
لكن المهم والأهم تستخدم بروتين واي بروتين مع أمينو ولا بدون والسؤال الثاني انت تستخد واي بروتين دائما
ولا تغيره ولا كيف وكم صارلك تستخدمه.
أخيرا باقولك شوي من تجربتي الشخصية عن البروتين أستخدم البروتين من مدة وأتمرن من زمان ايضا
لكن مليت من التمارين شوي وقلت باخذ لي راحة قطعت التمرين تقريبا 8 شهور وكمن أسبوع
وجسمي اعتفس نهائيا الكرشة برزت وحبوب في الظهر كثيرة وعفسة الله لا يراويك ومشكور أخوي .....تحياتي

[SKiLLLeT]

والله 100% أتفق مع جديد بقراطيسي (Y)

وبالنسبة للكابتن اللورد التركوازي، انا اقول يا انك ماتعرف تستخدم البروتينات او انك قاعد تفتي

تحياتي.. اخوك جي تي سكايلان لووول :P حلوة حلوة

بالتوفيق للجميع وبالأخص اللورد العنابي

[عشــق البطــوله]

أشكرك شكر خاص جدا الأخ جديد بقراطيسي على أسلوبك المميز والرائع جدا والهادىء
لكن عندي نقطة على كلامك أنا عارف البروتينات جدا وأعرف جميع أنواعها وأعرف النشطات المضرة
والهرمونات والأبر وما الى ذلك .
لكن المهم والأهم تستخدم بروتين واي بروتين مع أمينو ولا بدون والسؤال الثاني انت تستخد واي بروتين دائما
ولا تغيره ولا كيف وكم صارلك تستخدمه.
أخيرا باقولك شوي من تجربتي الشخصية عن البروتين أستخدم البروتين من مدة وأتمرن من زمان ايضا
لكن مليت من التمارين شوي وقلت باخذ لي راحة قطعت التمرين تقريبا 8 شهور وكمن أسبوع
وجسمي اعتفس نهائيا الكرشة برزت وحبوب في الظهر كثيرة وعفسة الله لا يراويك ومشكور أخوي .....تحياتي

اشكرك اخي الغالي على تجاوبك

بالنسبه لي انا فترات استخدم واي بروتين وفترات اغير واستخدم ايق بروتين ( بروتين بياض البيض ) وساعات استخدم بروتين ( زيرو ) ويكون زيرو فات وزيرو كارب وزيرو شوقر ..

يعني اهتم بالبروتينات منخفظة الدهون لأحافظ على مستوى الدهون في جسمي واكثر بروتين استمريت عليه واي بروتين واكثر فتره قطعت فيها الواي كانت تقريبا 3 شهور ..

بالنسبه للأمينو اذا كنت بتستخدم واي بروتين او ايق بروتين مايحتاج امينو لأن فيهم نسبه جيده من الاحماض الامينيه

وبالنسبه لك لمن قطعت فترة 8 شهور بدون تمرين وماتبي جسمك يخترب ..!!
شي اكيد عزيزي راح يخترب سواء كنت تستخدم بروتينات في السابق ولا ماتستخدم لأنك كذا راح تاكل وماتحرق راح تتراكم الدهون والشحوم وتتكون طبقه من الدهون على العضل ويسبب لك كرش .
وتأكد ان هذا الشيء والترهلات والسمنه هذي اللي حصلت لك مو من البروتينات لكن من الفتره اللي قطعت فيها عزيزي بدون تمرين صرت تأكل وماتحرق .
رياضة كمال الاجسام تحتاج الى مثابره وممارسه وتواصل

وشغله ثانيه حبيبي فيه شباب مايعرفون يختارون البروتين المناسب لهم
يعني تشوف جسمه فيه دهون ويروح يستخدم لك بروتين فيه نسبه عاليه من الفات وبكذا راح يصير جسمه ضخم ومليء بالدهون وتبرز كرشته .. وهذا لأنه اختار بروتين غير مناسب .. البروتين المناسب لهذا الشخص يكون بروتين منخفض الفات او لايوجد به فات اساسا ولا كاربوهيدرات ..

عموما اخي الكريم اتمنى وصلتك الفكره واي شي ثاني انا حاظر وبالتوفيق ياغالي

[n3xT]

بيض الله وجيهكم كلكم

ويعطيكم العافيــه