استفسار بخصوص بعض المنتجات ؟!!!

[كيفي محرقي]

السلام عليكم

اولا : احب اشكر جميع العاملين من مشرفين و جميع المشتركين في هالمنتدى ع جهودهم المبذوله في طرح المواضيع المتخصصه و المفيده في لعبه كمال الاجسام

ثانيا : انه مبتدأ في لعبة كمال الاجسام

ثالثا : صار لي فترة شهرين العب تخسيس وزن و الحمد لله نزلت من وزني لين ما روحت الكرش


ع فكره وزني 68 و طولي 170

وابي بس اثبت ع الوزن و ما ازيده

مع اني خذيت نوعين من المساعدات و اهي
Super Cuts 3






و الثاني نوع من البروتين




ع فكره بس ابي افصل الجسم و ما ابي ازيده

ما ادري شتنصحوني يا جماعة ؟!!!

امشي عليهم و هل في احد جربهم ؟!!!

[اللورد الأحمر]

وعليكم السلام أخي العزيز ...

بالنسبة للمنتج الأول ما جربته ولا أعرفه لذلك ما أقدر أفتيك ....

بالنسبة للمنتج الثاني جربته واخذت منه علبتين وخلصتهم لكن ما تغير في جسمي شىء لكن زاد وزني كيلو ونصف فقط ...

بالنسبة لشركة المنتج الأخ عشق البطولة علق عليها وقال ان جميع منتجاتها تقريبا مضروبة وغير أصلية وأنا عن تجربة شخصية أحس ان غير مفيد وغير مناسب ...

وبما أنك تريد فقط تفصل جسمك خذ لك واي برروتين جدا جدا ممتاز استفاد منه الجميع لكن تأكد من شركة أوبتيموم فقط لا تأخذ من أي شركة أخرى ... وشكرا ...

[mashkaljey]

وازيد على كلام اخوي الحبيب اللورد انه انت تستخدم حارق دهون وبنفس الوقت تستخدم بروتين يعني تحتاج شيء لتضخيم العضل ايظا مثل الكرياتين

لكن لا تنسا ان عليك تكثر من الماء بما انك تستخدم حارق وكرياتين لان الاثنين يستهلكون الماء بجسمك بطريقه رهيبه يعني تحتاج على الاقل من لترين الى 3 لتر في اليوم الواحد

موفق

[كيفي محرقي]

اللورد الاحمر ,,, ما قصرت و الله ,,, لو ادري من قبل انها ما منها فايده جان ما خذتها بس يوم رحت المحل يقول لي هذي بدون دهون و انه قلت له ما ابي اكبر نصحني بهذي لبروتين ... انا بجربها شهر و انجوف شنو اليديد .

اخوي مشكلجي ,,, انه الفكره اللي ابيها اني بس افصل و اقسم الجسم بدون ما اني اضخم العضلات ،،، انه قريت عن الكرياتين انه يضخم العضلات و يكبرها ما ادري اذا صح او غلط ... ؟

في عندي بعد سؤال ..؟ اذا استخدمت لبروتين هل من الممكن في نفس الوقت استخدم معاه حارق الدهون ؟ مثل اليبو 6 او الانيمال كات ؟

و شكرا

[mashkaljey]

اهلا اخوي بالنسبة للكرياتين نعم يعطيك ضخامه عضليه لانه يحبس الماء في العضل بالتالي يضخمها

اما بالنسبة لتناول بروتين مع حارق دهون نعم وعادي هذا الامر لكن لنكن على وضوح في حال اردت التضخيم تكسب دهون وعضل اما في حال تلعب عادي فقط تقويه للعضل وزياده قليله بالحجم طبعا مع الوقت تكبر فعادي تستخدم حارق دهون مثل الليبو 6 لكن لا تفكر بالليبو مع الكرياتين لان بيتعبونك هذا فيه كافين والكافين يتعارض مع الكرياتين مثل ماتقول بعض الدراسات فيقال انها تثبط عمل الكرياتين يعني مايعطيك اقصى استفاده له

دمت بود

موفق