اخيرا فضيت وابي من الخبراء كورس جامد واستفسار عن(ويت جينر)

[~القدر المحتوم~]

السلام عليكم ورحمة الله وبركاته....
واخيرا فضيت وارتحت لي كم انتظر هالاجازة عشان ارجع للنادي
اخواني الزملاء بحاول اتكلم بأختصار انا اليوم برجع للنادي الي استمريت فيه شهر وبعدين قطعت اسبوعين والحين راجع بقوة لكن في عقبات بالطريق لكن بالتوكل على الله ثم بنصايحكم ماراح يكون في شي انشالله
انا طولي 175 ووزني 56 نحييييف مره والعمر 24 وبصراحة في هدف براسي اني ازيد 10 كيلو بهالاجازة الي مدتها شهر هل هذا الشي ممكن؟ مع العلم اني مخطط تكون الاجازة تمرين جيد +تركيز+راحة +غذاء وانا اخذت مكمل اسمه WEIGHT GAINER 2200 GOLD من GNC نصحوني فيه بعض الاخوة. واناوالحمدالله خلال تمريني الماضي فترة شهر تقسم جسمي والعضلات برزت شوي يعني صار في تغيير ملحوظ والي ساعد هالشي ان جسمي بالاساس مقسم.وفي نقطة انا مأبي ضخامة ابدا ابي جسم متوسط مقسم وعضلات بارزة يعني اتوقع الي في بالي هو الاوروبي مو متأكد لكن حتة اقل من المتوسط بشوي..

ابدأ بالاسئلة . هل ممكن اتحدى جسمي وازيد 10 كيلو بشهر؟
هل اذا رحت النادي اليوم ارجع اسوي كوكتيل عالاجهزة ولا اخذ جدول منكم وامشي عليه على طول؟
وش رأيكم بالمكمل؟ وكيف طريقة استخدامه؟

انا اعتذر على الاطالة لكن قلت عشان تكونوا بالصورة
واتمنى تساعدوني بنصايحكم واذا في شي غافل عنه ياريت تنبهوني لان مالي غير الله ثم انتم عشاني انا مبتعد عن المدرب قدر الامكان ههههههههه هذي من نصايحكم

[AmiTy Ville]

ابدأ بالاسئلة . هل ممكن اتحدى جسمي وازيد 10 كيلو بشهر؟

كل شي بالاراده يصير بأذن الله لكن ما اقولك اكيد بتجيب لانه بنظري صعب 10 بشهر يمكن النص معاك لكن انت اللي عليك تسويه

انت بتقدر تطلع وزن خلال شهر لكن ياخوي شهر مايسويلك شي ابدا هالشهر مجرد انك تهيء جسمك لازم تستمر خصوصا بتغذيتك لو مثلا وقفت بعد شهر

هل اذا رحت النادي اليوم ارجع اسوي كوكتيل عالاجهزة ولا اخذ جدول منكم وامشي عليه على طول؟

متمرسين يقطعون اسبوع ويرجعون يلعبون شامل يومين ثلاث فما بالك بمتدئ وقاطع اسبوعين بنظري 6 ايام اقل شي لك ويكفيك اسبوع بما انك مستعجل

وش رأيكم بالمكمل؟ وكيف طريقة استخدامه؟

المكمل جيد لكن التوتال فات به ضئيل اما الكارب ممتاز والبروتين ايظا المفروض قبل لاتاخذ تسأل بالمنتدى بما انك مسجل معانا بعدين تاخذ
عموما ركز على تغذيتك وكل قد ماتقدر وانت ماعندك غير شهر ادعس فيه قد ماتقدر عشان عالاقل تطلع بناتج ايجابي اخر الشهر ووجباتك خلها من 6 الى 7 وجبات

طريقة استعمال البروتين خذه ثلاث مرات باليوم الصبح قبل الفطور مع حليب قليل الدسم او بعد الفطور بساعه وبعد التمري مباشره مع ماي بارد وقبل النوم بساعه مع حليب قليل الدسم

الجرعه 3 سكوبات في كل مره

بالنسبة للتسخين وقت دخولك النادي مشي قبل الهروله خفيف لاتهرول اكثر من 5 دقايق بس مجرد تسخن وخلاص مع تمارين اطاله للعضلات وكم بوش صدر وظهر عالسريع وابدا الكوكتيل

لاتسهر ونام من وقت اقل شي 8 ساعات

لاتجوع نفسك اكثر من 3 ساعات

وان شاءالله مو انشاءالله - وان شاءالله توصل بنتيجه حلوه وشد حيلك بعد الشامل بجدول سنع والعب صح وزيد اوزانك بحدود المعقول

امنياتي لك بالتوفيق

[~القدر المحتوم~]

الله يعطيك العافيه اخوي والله ماقصرت...
وانشالله خير ربنا يوفق..
بس اخوي عندي استفسار يصير اخذ المكمل قبل التمرين بساعة مثلا؟ولايكفي بعد التمرين بس..
وانا لقيت سكوب داخل العلبة بس هذا كبير مره معقولة امليه كله ولا في نسبه معينه احطها؟لان اناشربت منه مره وحده وحطيت 3ملاعق طعام عادية وحسيت نفسي كثرت منه وحتى حسيت بشوية نخزات حول المعده والكلية هل هذا الشي طبيعي يعني عشان الجسم مو متعود على كمية كبيرة وهذي اول مره صار كذا
وهل طريقة الشرب بسرعة مثلا زي العصير ولا لازم شوي شوي وكل فترة؟
وياريت تفيدوني بجدول جامد يناسب حالتي
ومشكورين مقدما ويعطيكم العافية واسأل الله ان يجعلها في ميزان حسناتكم...

[~القدر المحتوم~]

اي صح ان شاءالله مو انشاءالله
مشكور جدا على هذي المعلومه
القيمة اخوي AmiTy Ville

[mashkaljey]

بس اخوي عندي استفسار يصير اخذ المكمل قبل التمرين بساعة مثلا؟ولايكفي بعد التمرين بس..

اخوي بما انه وايت غينر يعني الله يعينك على امتلاء المعده ما انصحك قبل التمرين لانه بيغثك بالتمرين وبتشوف نفسك تتعب لان معدتك ممتلأه انصحك بعد التمرين افضل

وانا لقيت سكوب داخل العلبة بس هذا كبير مره معقولة امليه كله ولا في نسبه معينه احطها؟لان اناشربت منه مره وحده وحطيت 3ملاعق طعام عادية وحسيت نفسي كثرت منه وحتى حسيت بشوية نخزات حول المعده والكلية هل هذا الشي طبيعي يعني عشان الجسم مو متعود على كمية كبيرة وهذي اول مره صار كذا
وهل طريقة الشرب بسرعة مثلا زي العصير ولا لازم شوي شوي وكل فترة؟

شوف يا غالي مثل ما وضح لك اخوي اميتي الجرعة 3 سكوب وهذه مشكلة الغينر سكوبه ضخم والكمية كبيرة

تقدر تقلل وتخليه سكوب ونصف او سكوب واحد لكن ما راح يعطيك النتائج يعني مثل ما مذكور بالموقع هنا بيعطيك 50 جرام بروتين في ال3 سكوبات لو تقسم ال 50 على 3 بتحصل اقل من النسبة المتوقعه يعني 16 جرام بروتين في السكوب وانت تقول السكوب كبير !! يعني الله يعينك على هالاختيار اما انك تخلي سكوبين 3 مرات باليوم عشان يكون الناتج 100 جرام بروتين باليوم وتعوض الباقي الناقص بالتغذيه او تزيد الجرعة وتخلي 3 مرات ب 3 جرعات باليوم تحصل 150 جرام بروتين ناهيك عن باقي الاضافات مثل الكربوهيدرات اللي بيعطيك اياها لان في ال3 سكوب يعطيك 400 جرام كربوهيدرات يعني نسبه عاليه جدا تنفع للتضخيم ولو تضرب 400 في 3 مرات باليوم 1200 كربوهيدرات باليوم !! قوي جدا لكن غثيث جدا ايظا لكبر الحجم

بالنسبة للنخزات اخوي والله ما ادري هل في الم ولا عادي ؟ اذا في الم او اي شعور اخر راجع الطبيب ما نقدر نفيدك بهالامر

بالنسبة تشربه على مهلك اخوي مو شرط كل الكمية بدقيقه عادي على مهلك اهم شي تشربه

وياريت تفيدوني بجدول جامد يناسب حالتي

الجداول موجوده في قسم المواضيع المميزة اختر منها ما تشاء لان مافي شرط حاله عن حاله كل التمارين واحده الاختلاف فقط بالتكرار

[اللورد الأحمر]

بالنسبة للجدول تحصله في قسم المواضيع المميزة توجد هناك مواضيع كثيرة جدا عن الجداول ...

تحياتي ... اللورد الأحمر ..

[~القدر المحتوم~]

الله يعطيكم العافيه اخواني والله ماقصرتوا
وان شاء الله تكون في ميزان حسناتكم