السلام عليكم ورحمة الله وبركاته
أخباركم ياوحوش ؟؟؟ كيف اجسامكم ؟؟؟ ان شاء الله اموركم طيبة ؟؟؟
كيف بس العنوان من صيغته يخوف صح ؟؟ههههههههههههههههه
الله يسلملكم ,,, اذا ماعليكم امر ابي رايكم ضروري ضروري في طريقة التمارين اللي لازم
اتبعها بالضبط لتقسيم الجسم رغم اني من عشاق رياضـــــة كمال الاجسام <<<من ايام الثانوية
الى الان وانا الحمدلله في اخر سنة لي للجامعة ,,,
بس الفترة هذي كلها كانت ماهي متواصلة بل متقطعة نوعا ما ووصلت اعلى ذروة وجسم لياقي
في اجازة الثانوية لان وصل جسمي وقتها 78 كغ ,,,
الزبدة علشان ماطول وزني الان 87 وطولي 177 وعمري 24 سنــــــة
انا اللحين استخدمت الليبو 6 بلاك والواي بروتين من حوالي 8 ايام تقريبا
بس اللي حيرني وجنني كلام المدربين في وضع الجدول المناسب لي
لان احد الكباتن قال استخدم هذا الجدول :
اول يوم : صــــــــدر
ثاني يوم : ظــــــهر
ثالث يوم : اكتاف وترابيسس
رابع يوم : باي وتراي
وخامس يوم : اقدام
ونصيحة هذا الكابتن ان العضلات الكبيرة علشان اوصل لمرحلة التنشيف لازم تكون من 6-5 جلسات اقل شي ,,, اما العضلات الصغيرة اقل شي اربع جلسات ,,
والكابتن الاخر قال :
اول يوم : صـــــــــدر + باي
ثاني يوم : ظهـــــــر + تراي
ثالث يوم : اكتاف + ترابيسس
والرابع : اقدام
ونصيحة هذا الكابتن سواء عضلات كبيرة او صغيرة ابدا اول جلسة اربع والباقي ثلاث جلسات ...
والنظام الغذائي تبعي الان هو
قدر المستطاع ابتعد عن الدهون ,, واركز على البروتينات بشكل كبير بالذات الاسماك واشهرها التونة والبيض وانوع في الخضار وخاصة الورقيات ,,,,,
فاللـــــــه اللــــــــــه لايهينكم ياجماعة الخير ,,,,
دلوووووووووني اي جدول استخدم لاوصل اعلى نتيجة تنشيف ,,,وكم عدد الجلسات والتكرارات اللي لازم اتبعها ,,,
رغم ان عندي حاليا ترهل طفيف في الصدر والبطن
فودي اشد الـصـــــــدر واحرق ابوه حرق <<<تحمس
وصراحة بكون مدين لكم ,,,,
ودمتم سالمين ,,,
