وشرينــا الامينو هيييييييه :)

[dani alves.2]

السلام عليكم ورحمة الله وبركاته
اليوم المغرب رحت وشريت الامينو سوفت جل زي مانصوني الخبراء
ولكن ""
يوم شريته المدرب قالي تاخذ 3 حبات قبل التمرين و3 بعد التمرين فقط صراحة ماخش مخي البرنامج
فحبيت اتاكد منكم طريقة استعماله وكم حبة في اليوم؟؟؟ومتى افضل وقت اخذه وسلملم

[عشــق البطــوله]

وعليكم السلام ورحمة الله وبركاته

اخوي وش هالعنوان اللي حاطه للموضوع ههههه كأنك رابح في ماراثون الله يثيبك

اخوي طريقة استخدامه 6 حبات باليوم .. وتقدرتوزعها على مزاجك او مثل ماقالك المدرب 3 قبل التمرين و3 بعد
ولكن الطريقه الموضحه بالعلبه حبتين قبل كل وجبه .. يعني حبتين قبل الفطور وحبتين قبل الغدا وحبتين قبل العشا

وبالتوفيق

[dani alves.2]

ههههههههه اي لازم افرح بطلع عضلات خخخ << مبزرة D:
يعني الست حبات عادي اوزعهم على كيفي مثلا طريقتك تتوقع انها افضل طريقة ؟؟
وسمعت برضو ان افضل وقت تاخذها قبل النوم صح ولا

[عشــق البطــوله]

اخوي كلامي واضح

الأمينو يؤخذ طوال اليوم ناس تاخذ 6 وناس تاخذ 8 وناس تاخذ 20

كلٍ على حسب جسمه وعلى حسب هدفه

الأفضل بما انك مبتدئ تاخذ 6 حبات باليوم ( حبتين قبل كل وجبه بنصف ساعه )

واترك عنك القيل والقال .. ترا ماضيـّـع الناس الا هالشيّ

بالتوفيق

[شريف0]

لا انتا ممكن تاخد 3 قبل التمرين وبعد التمرين 3 او قبل النوم 3
وغير كدةاى ووزنك وطولك وكام سنة؟

[شريف0]

لا انتا ممكن تاخد 3 قبل التمرين وبعد التمرين 3 او قبل النوم 3
وغير كدةاى ووزنك وطولك وكام سنة؟؟؟

[منادة الليل]

كلام كافي ووافي يا عشق ما قصرت يابطل

ومن قال لك يالغالي انه الامينو بيطلع لك عضلات!؟؟؟؟؟؟؟؟؟؟؟؟؟؟؟؟؟؟

معلومة خاطئة يالغالي .... الامينو مغذي للعضل ما تطلعها دورها تغذية العضل واعطاء العضل ثبات وضخامة في حال كنت تعطي العضلة اوزان صح راح تستفيد من الامينو

بالتوفيق

[dani alves.2]

بالنسبة لشريف انا طولي 183 ووزني 74

[شريف0]

انتا ناقصك يا اخوى تقريبا 10 كيلو او 9 كيلو وتكون تمام انتا كنت بدال الاماينو تشترى بركمبلكس جنير دة الاعضاء كلها بتشكر فية وزيرو فات وهينفعك اكثر من دة بكتير

[عشــق البطــوله]

أخوي شريف البروكومبلكس جينز زيرو فات ..!!!

اخوي اذا ماعندك خبره ارجو انك ماتوصف للأعضاء عن احتياجاتهم ..
لازم تعرف بالأول شنو هدف الأخ وكم صار له يتمرن وفي بعض الأحيان لازم تعرف كم عمره عشان تعرف اذا المكمل يتوافق مع الشخص ام لأ ..

ياخي شريف مكملات الجينزكلها لزيادة الوزن والفات فيها نسبته عاليه مو زيرو ..!

البروكومبلكس العادي هو اللي فيه نسبة الفات 0.5 ( نصف جرام ) يعني قريبه من الزيرو فات

اخي صاحب الموضوع انت طرحت في موضوعك طريقة استخدام الأمينو فقط واذا كنت تطمح لهدف اخر نرجو منك التوضيح

بالتوفيق للجميع

[dani alves.2]

الله يخليك ياعشـق والله مبدع
انا لي 3 شهور العب اول شهر تنشيف مع الحديد والثاني والثالث حديد"
والحين خذت الامينو عشان مع التمرين يزيد العضلة ويضخمها وانا الحين ابي جسم فرنسي يعني عضلي ورشيق بدون ضخامه مفرطة

[mashkaljey]

شريف يا حبيبي والله تعبتني معاك قسم بالله العلي العظيم انك قاعد تخربط بالكلام !!

بوقف عضويتك وانا اسف والله اسمحلي ما اقدر اعطيك مجال اكثر واشوفك بعد ما كنت تضايقنا غيرت مسارك وبدأت تضايق الاعضاء

مع السلامه يا شريف ما انت ماخليت موضوع بالقسم ما رديت فيه واحنا بس شغلتنا نركض وراك ونعدل ردودك مايصير هالكلام والله العظيم انت كاسر خاطري لكن ما يصير اللي تسويه بيخرب كل اللي بنيناه بالقسم

لاحول ولا قوة الا بالله العلي العظيم << نفسيته تعبت من هالولد

[dani alves.2]

^^^^^^^^
لوووووووووول الله يصبرك بــس هع هع هع اشفقت عليك

[mashkaljey]

يا اخي والله انا اللي كنت مشفق على الناس اللي تسمع نصائح شريف زين انك ما سمعت كلامه بس احمد ربك بدال لا تشفق علي

[آبو رآشـد]

اليوم العشاء علي يا جماعة