ابي رأي اللي جربهم بصراحه ....

[nassernasser123]

السلام عليكم و رحمة الله وبركاته :

شباب انا الصراحه مليت من نفسي كل شي جربت وماكو فايده اذا بزيد ازيد كيلو بالكثير كيلوين وبس اهد الحديد اسبوع رد وزني انا طولي 170 ووزني 60 وانصحوني بكورس gakic leukic creakic وباخذ معاهم بروتين بروكومبلكس وابي اعرف في احد جربهم او يعرف ناس مجربينهم وفاد معاهم لانه وايد امدحولي اياهم وهذي صورتهم


وياريت يا شباب تفيدوني لانه سعرهم وايد غالي اخاف آخذهم وما يسوون انا جربت وايد منتجات بس قالولي هالمجموعه غير عن كل المنتجات اللي جربتهم وارجوا الافاده من اصحب الخبره ... وشكرا انتظر الردود

[عمار 123]

انا الصراحه اللي اعرفه ان جميع منتجات شركة ( ماسلتك )

جميعها ممتازه

ان شاء الله باقي الوحوش يقدرو يفيدوك اكثر

[.ابوقحط.]

والله العظيم ان هذا الستاك جنبى الحين كل علبه فيها نص

انا من طلعت هالشركه وانا ماتقلمت معها

حموضه + رتجاع بالمرىء

علاج فى المستشفى مرتين لما ستخدمت سل تك

والحين جكيك + كريكك + ليكك
كل علبه فيها نص لان اعراض المعده رجعتلى ورجعت اعالج

يمكن يناسبك اذا عندك توكل على الله وجرب

[Leaner]

اخوي انا عندي هالكورس واستعملت حبة وحدة من علبة والباقي مابطلتهم

كان ودي استمر على هالكورس لولا صعوبة بلع الحبة الي خلتني أرجع (مشكلة هالبلعوم الصغير) :P

بالنسبة لنتايجهم، ماعندي خبرة الصراحة

[كابتن عبيد]

شوف حبيبي بنسبه اذا كنت ناوي ترفع وزنك بشكل قوي لاااااازم هرمون واذا كنت ناوي على جسم خفيف عليك بلبروتين الي يكون فيه كارب عالي و فات عالي و بروتين عالي مابطول عليك انا اختصرلك الدرب قبل ماتجرب هذا المنتج اكثر وضيفته باور بلكثير وتحسين الاداء في التمرين لا اكثر ولا اقل لحد يقولك غير هالكلام
عليك بل المكملات الغذائيه وزيد وجباتك في اليوم ترى الاكل يااااااااااناس اهم من الشغلات هاي
تعتبر التغذيه70% والتمرين مع البروتين مع الهرمون وغيره وغيره 30%
هاي معادله من عند دكتور تخصص تغذيه

[mashkaljey]

ما ازيد على كلام الكباتن

انا جربت هالكورس

الحقيقه ما عانيت من ما عانا به ابوقحط والحمدلله معدتي قويه شوي

هالكورس اخوي ما ينفع لك لو تبي تضخيم خذها كلمة مني جربت لكورس كامل جاكيك لاكيك من غير الكريكيك لانه كرياتين وما شفت زياده بالوزن اللي تعجبك لكن كعضل عادي مثل ما قالك بوعبيد باور وتحسن بالتمرين لان الجاكيك فيه كمية من الكافين تخليك نشط بالتمرين وايظا به مواد تعطيك باور لرفع الاوزان كذلك اللاكيك عباره عن محفز تستسرون ينشط هرمونات الذكورة عندك لهذا يعطيك قوه بالتمرين اما اذا تبي زياده وزن اتبع كلام اخونا الكابتن عبيد

موفق خير

[nassernasser123]

اي شباب فاهمكم انا ويعطيكم الف عافية ما قصرتوا ... بس ابي هالكورس يبين على الجسم يعني انا راح ازيد باوزاني لانه هالكورس كله باور واذا زدت باوزاني راح تكبر العضله ... والا شرايكم ؟

[mashkaljey]

اوكي بيزيد وزنك جم يعني متوقع ؟ 4 كيلو عضل مثلا ؟

زين انت ناقص بالاساس عن الوزن الطبيعي 10 كيلو ؟

فهمت الحين شنقولك لازم تزيد وزنك وبعدين تاخذ منتجات الباور وصح كلامك يزيدك عضل لكن مو بالشي اللي تتوقعه

صدقني مجرب المنتجات عدل والحجم الكبير بعد لان في حجمين لشهر ولنصف شهر

[nassernasser123]

يعطيك العافيه اخوي مشكلجي بس انا وزني 60 ونسبه الدهن 7% يعني تقدر تقول جسمي ناشف الحين من الماي والدهن عضل صافي فما ودي اخرب جسمي بمنتجات فيها ضخامه بس فيها فات ابي ان زدت ازيد بس عضل ... فشنو تنصحني بكورس قوي والتغذيه الاساسيه عارفها بس ابي المكملات شنو

[mashkaljey]

شوف يا بعدهم

ناس استخدمت هالكورس نزل وزنها ؟ يعني بدال صحيح عطاهم باور بالتمرين وتحمل وشالو اوزان واوكي عضل لكن ما تقدر تقول والله بعد هالكورس بصير جسمي مو طبيعي لا اخوي بيزيد عضلك كم سم بس يعني لو تقايس مثلا الحين وبعد الكورس بتشوف اختلف معاك القياس زاد بحدود 2 سم

يمكن تقول الزياده بسيطه لكنها بالعكس ممتازة وفي ناس ما تعجبها هالزياده يقولك بروحي ناقص لحم وابي ازيد

على كل حال انا ما ابي اخسرك لاني جربت هالكورس وما نفع معاي صراحه كلام خطير كان عليه وانا ما صدقت على الله ايامها شريته وبعدين ندمت لان سعره غالي فوق بالنسبه لباقي المنتجات

كمثال ما تقدر تقارن الجاكيك بالنو اكسبلود بيطلع النو اكسبلود او السوبر جارج اقوى منه بكثير

المحفز الليوكيك في انواع محفزات افضل منه من شركة الانيمال لكن للامانه ما جربت هالشركة لحد الان

الكريكيك ايظا عباره عن كرياتين وانا اقول كرياتين بودر افضل من كرياتين حبوب واقوى بالنتائج

ولو تشوف موضوع تجارب المنتجات تستفيد خبره اكثر وتعرف اللي يناسبك باذن الله

بالتوفيق