سؤالي عن التمرين والبروتين المناسب172 ووزني85

[bloodmoon2222]

بسم الله الرحمن الرحيم

اخواني اعضاء المنتدى

السلام عليكم

انا عمري 28 سنه
طولي 172 ووزني احين بين 83 و 85

صارلي 4 اسابيع اتمرن في الصاله بعد انقطاع لسنه بسسب الدراسه
في اول اسبوعين ركزت على تمارين اللياقه وتمارين البطن والحمد لله حسيت انه جسمي بدا يشتد
بس باقي البطن فيه القليل من الترهلات.
وبعدين بديت اتمرن حديد
اليوم الاول بنش+ باي+ سواعد
اليوم الثاني ضهر + تراي
اليوم الثالث اكتاف + ارجل
والبطن كل يوم
اليوم الرابع راحه
وكذا.....
انا ودي اسال هل هذا الجدول مناسب؟؟؟؟
وكم عدد التكرار انا اريد اضخم عضلات جسمي
وشو رايكم اذا استخدمت امينو 4800 و Mass-Tech
وكيف تكون الجرعه المناسبه

وبصراحه انا مهتم بالاكل والنوم

يعني اتجنب الاكل الي يحتوي على دهون اذا كان شراب او اكل

واسف على الاطاله

[منادة الليل]

هلا فيك يالغالي

صراحة مو مناسب
صعبه تلعب اكتاف وارجل في يوم واحد
وغير هذا لو يكون جذي افضل

1-صدر+باي+سواعد
2-ظهر+تراي
3-ارجل
راحة
5-اكتاف+ترابز
6-صدر+بطن
راحة

وترجع للجدول

وشوف عزيزي ركز انك لما تلعب صدر في اليوم السادس تلعب تمارين صدر مختلفة عن اليوم الاول الي لعبت فيه صدر + لا تنسى تمرين البول اوفر الي له دور كبير في رفع عضلات الصدر والشد

والبطن تقدر تمر على جدول مراقبنا الغالي بوراشد
حقق حلم ال6باك وازالة الكرش والترهلات
فيه تمارين تساعدك على التخلص من الترهلات وحتى ظهورال6باك

والامينو 4800 ممتاز ولكن انت حالياً ما تحتاج الى هذا

انت تحتاج الى امينو 2222تابز لانه فيه مادة لحرق الدهون فهذا الشي بساعدك على ظهور العضل وحرق الدهون بشكل ممتاز ان شاء الله

الي ذكرته تكون الجرعات بال4حبات الصباح واربع 4 التمرين و4 بعد التمرين

التابز الي ذكرته لك تكون 2 الصباح و2 قبل التمرين و2 بعد التمرين

بالتوفيق يالحبيب

[bloodmoon2222]

مشكور اخوي منادة الليل

بس بخصوص امينو 2222
هل يفضل اكله في الصباح بعد الافطار مباشره او بين الوجبتين