عضلات البطن تمنى الافآده من أصحاب الخبره + كم استفسار اتمنى الاجابه عليها ،،،،

[sad smile5]

السلام عليكم . .

عندي كم استفسار اتمنى الاجابه عليها من اصحاب الخبره وجزاهم الله الف خير لاني احس اني ضايع وكل مااسال مدرب يفتي لي من راسه ولا يرد علي بكملتين او يجابني بجواب غير مقنع ..
عشان كذا مالي غيركم الله يعطيكم العافيه ..

لي تقريبا في الحديد 4 اشهر ..

طولي 178 وزني 65 ..
جسمي مافيه دهون كثير لاكن الي ذابحني البطن ..
اتوقع الدهون كلها مترسبه فيه لان عندي كرش صغيره ..

سالت المدرب حقي قلي تلعب بطن 3 مرات بالاسبوع ، لان لو لعبت يوميا بتحرق العضله وتجهدها وبالتالي بتصغر العضله ،،

وقلي العب تمرين بطن مايل لعضلات البطن العليا اتوقع ، 4 جلسات كل جلسه 25 تكرار .. يعني 100 مجموعها ..
وبطن سفلي 4 جلسات 15 تكرار ..
استمريت على كلامه شهرين ..
ماطلعت باي نتيجه !!!!!

سالت مدرب ثاني قلي لازم تلعب بطن يوميا !! وتلعب تمرين معده اهم شي كل يوم بتوزن خفيف وتكرارات كثير !!

تايه يااخوان ماعرف اخذ على كلام مين ؟؟

كيف ابعد الدهون من بطني مع العلم ان جدولي كالاتي

سبت : صدر + باي ( 6 تمارين صدر , 4 تمارين باي )

الاحد : ضهر + رقبه ( 7 تمارين ضهر + 3 تمارين رقبه )

الاثنين : اكتاف + تراي ( 5 تمارين اكتاف + 4 تمارين تراي )

الثلاثاء : راحه

الاربعاء : رجول ( 6 تمارين )

الخميس : صدر او ضهر او اكتاف ..

الجمعه : راحه

سؤال :- رايكم في الجدول هل يعتبر افضل شي كذا ؟ مع العلم كل تمرين اقسمه 4 جلسات كل جلسه 10 تكرارات ..

سؤال 2 : كيف اتخلص من الدهون الي في بطني ؟ وهل العب بطن 3 تمارين يوميا مثلا ؟ او اخصص يوم واحد فقط بالاسبوع العب فيه بطن فقط كيوم الثلاثاء لانه راحه اخليه بطن . ؟؟


ثانيا بخصوص المكملات الي استخدمها :

البرويتن : واي بروتين نكــتار ( زيرو فات ) ..

امينو 3000 bulk ..

البروتين سكوبين اشرب باليوم .. على الريق بالصباح وبعد التمرين مباشره.. الامينو 10 حبات باليوم تقريبا ..

اذا فيه ملاحضه على البروتين والامينو اتمنى الافاده ..

مع العلم جسمي نحيف شوي واتمنى كسب ضخامه عضليه اذا في منتج افضل من الي اخذها اتمنى الافاده ..

بالنسبه للاكل اكلي حاليا جدا ممتاز ( بيض وموز وخضروات وشوفان وبطاطس ودجاج وسمك ) كل كم ساعه اكل وجبه خفيفه ع المعده .. ..

اكلي قبل شهر كان زفت وتغذيتي سيئه ..

حاليا تغذيتي تمام + تمريني تمام + لكن النوم اسهر وماانام غير الساعه 9 الصباح واصحا الساعه 4 العصر واحيانا 6 المغرب ..


انتضر ردودكم واسف طولت عليكم ..

[sad smile5]

ولا احد رد !

ماتوقعت كذا وربي

[nassernasser123]

اخوي حدد هدفك شنو انت اللي يهداك دشيت بوايد شغلات تبي ضخامه والا تنظيف !!!
اذا ضخامه لازم تاكل اقل شي 5 وجبات باليوم وتاكل كل شي وانسى يطلعلك سكس باكس
اذا تبي تنشف لازم اكلك كله دايت وتمشي 4 مرات بالاسبوع على الاقل بالكارديو حد ادنى 25 دقيقه وتلعب معده 3 مرات بالاسبوع وتزيد التكرارات بين فتره وفتره وتلعب المعده تخصصلها يوم بروحها وتلعب على الاقل 6 تمارين معده دش على مواضيع المنتدى راح تفيدك خصوصا موضوع بو راشد حقق حلم السكس باك تلقاه بتوقيع بو راشد
موفق

[.hamad.]

هلا فيك اخوي ..
بالنسبة للبطن .. العب 4 ايام فالاسبوع بس حاول ادخل اوزان خفيفه فالتمرين او اذا في اجهزة بطن فالصاله العب عليها وحط وزن .. لان ساعات التكرار مايجيب نتيجه فلو اتحط اوزان انشاء الله بتستفيد وخل كل جلسة 12 تكرار على 5 جلسات .
بالنسبة لتمرينك يحتاج تعديل بس في عدد الجلسات .. مثلاً .
الصدر لتزيد عن 4 تمارين + الباي 3
الظهر 5 تمارين
اكتاف 4 تمارين + تراي 3
الرجل 4 تمارين + بطات
هذا انسب لك لان كثر التمارين ترهق العضلة وتضعفها .
بالنسبة للمكملات طريقتك في البروتين ممتازة بس الامينو لو تزيد 12 حبه باليوم افضل .

(((( السهر يالغالي .... تره يرهق العضله ويرفع نسبة هرمون الكرتيزول اللي بدورة يدمر الخلايا ويرفع نسبة الدهون في البطن ... حاول اتنام على الاقل 6 ساعات متواصلة وتخفف السهر ..)))
موفق وانشاء الله اكون افتك بشئ ..

[sad smile5]

اخوي حدد هدفك شنو انت اللي يهداك دشيت بوايد شغلات تبي ضخامه والا تنظيف !!!
اذا ضخامه لازم تاكل اقل شي 5 وجبات باليوم وتاكل كل شي وانسى يطلعلك سكس باكس
اذا تبي تنشف لازم اكلك كله دايت وتمشي 4 مرات بالاسبوع على الاقل بالكارديو حد ادنى 25 دقيقه وتلعب معده 3 مرات بالاسبوع وتزيد التكرارات بين فتره وفتره وتلعب المعده تخصصلها يوم بروحها وتلعب على الاقل 6 تمارين معده دش على مواضيع المنتدى راح تفيدك خصوصا موضوع بو راشد حقق حلم السكس باك تلقاه بتوقيع بو راشد
موفق

الله يعطيك العافيه اخوي بس انت تقول انسى يطلع لك سكس باك ليش قصدك عشان باكل 5 وجبات يعني ؟

[sad smile5]

هلا فيك اخوي ..
بالنسبة للبطن .. العب 4 ايام فالاسبوع بس حاول ادخل اوزان خفيفه فالتمرين او اذا في اجهزة بطن فالصاله العب عليها وحط وزن .. لان ساعات التكرار مايجيب نتيجه فلو اتحط اوزان انشاء الله بتستفيد وخل كل جلسة 12 تكرار على 5 جلسات .
بالنسبة لتمرينك يحتاج تعديل بس في عدد الجلسات .. مثلاً .
الصدر لتزيد عن 4 تمارين + الباي 3
الظهر 5 تمارين
اكتاف 4 تمارين + تراي 3
الرجل 4 تمارين + بطات
هذا انسب لك لان كثر التمارين ترهق العضلة وتضعفها .
بالنسبة للمكملات طريقتك في البروتين ممتازة بس الامينو لو تزيد 12 حبه باليوم افضل .

(((( السهر يالغالي .... تره يرهق العضله ويرفع نسبة هرمون الكرتيزول اللي بدورة يدمر الخلايا ويرفع نسبة الدهون في البطن ... حاول اتنام على الاقل 6 ساعات متواصلة وتخفف السهر ..)))
موفق وانشاء الله اكون افتك بشئ ..

الف شكر يالغالي وكثر الله خيرك ..

وشاكر لك مجهودك يالغلا

[ولد ابوظبي]

وعليكم السـلام ورحمة الله وبركاته ..

بعد التمرين خفف الكاربوهيدرات .. او بعد عنه نهائيا وركز على المصادر البروتينه وايد ..

انا نفس مشكلتك .. الدهون ماتتركز الااااا فالبطن .. والله أحاول فيها معاندتني

فعليك بالمشي او الركض بعد التمرين لمدة نص ساعه لين 40 دقيقه .. لين مااتخف الدهون وتشوف الكرشه راحت ..

[nassernasser123]

الله يعطيك العافيه اخوي بس انت تقول انسى يطلع لك سكس باك ليش قصدك عشان باكل 5 وجبات يعني ؟

اي ما يطلعلك سكس باكس في فتره التضخيم لانك راح تاكل كل شي من دهون وسكريات وكاربوهيدرات وهالشغلات اعداء السكس اك وصحيح انها تزيد الوزن لكن تطلع كرش واذا انت بالتضخيم تلعب معده ما تطلع سكس باك لكن تخفف الكرش شوي وتقوي عضله البطن فبالتالي ترتاح بالتنشيف تكون عضلت بطنك قويه مجرد انك تبدي دايت وتاكل كله اكل ناشف بسرعه تبين عندك عضلات البطن
موفق اخوي وشد حيلك

[sad smile5]

اي ما يطلعلك سكس باكس في فتره التضخيم لانك راح تاكل كل شي من دهون وسكريات وكاربوهيدرات وهالشغلات اعداء السكس اك وصحيح انها تزيد الوزن لكن تطلع كرش واذا انت بالتضخيم تلعب معده ما تطلع سكس باك لكن تخفف الكرش شوي وتقوي عضله البطن فبالتالي ترتاح بالتنشيف تكون عضلت بطنك قويه مجرد انك تبدي دايت وتاكل كله اكل ناشف بسرعه تبين عندك عضلات البطن
موفق اخوي وشد حيلك

جزاك الله الف خير اخوي