عندي منتجات وابي طريقة الاستخدام في رمضان

[abood9300]

السلام عليكم ورحمة الله وبركاته

مبارك عليكم الشهر وتقبل الله منا ومنكم صالح الاعمال

ياشباب مثل ماهو واضح بالعنوان عندي منتجات وابي استخدمهم في رمضان وماني عارف شلون وحبيت استفسر منكم طولي تقريبا 168 ووزني 65 وعندي دهون خفيفه بمنطقة الخصر والبطن
والمنتجات هي:

*Lipo 6 black

**timed release mega men فيتامينات

N.o. Xplode

واحتمال اخذ بروتين عادي من الصيدليه ،

ابي احسن وقت للتمرين مع العلم احتمال اشارك بدورة كرة قدم رمضانيه ووقتها بعد التراويح ...
وشكراً

[Leaner]

اخوي نصيحة انك تبتعد عن الكرياتيين ( NO xplode ) وحوارق الدهون ( ليبو6 ) في شهر رمضان

لانهم يحتاجون كميات كبيرة من الماء وانته طول النهار صايم فراح يأثرون ع الكلى

وبعدين ماينفع ليبو مع ان او اكسبلود في كورس واحد

استمر ع الفيتامينات ( حبه بعد الفطور )

مع واي بروتين اذا حاب

افضل وقت للتمرين بعد التراويح فإذا عندك دورة كرة قدم، لا تتمرن حديد بنفس اليوم

موفق

[abood9300]

مشكور اخوي عالنصيحه وجزاك الله خير
بالنسبه لل ليبو6 والان اكسبلود
انا حالياً استخدم الان او اكسبلود ثلاثة ايام متواصله
والرابع استخدم الليبو6 مع تمرين الهروله والمعده

[nassernasser123]

يا الغالي اقرى على علبه الان او اكسبود كاتبين تحذير عدم استخدام اي منتج آخر يحتوي على ( كافيين ) والليبو 6 بلاك فيه اكبر نسبه ( كافيين ) من بين جميع المنتجات حبتين 300 mg
وبعدين منو عطاك هالكورس اصلا متناقضين تماما شلون تستخدم منتج ضخامه ويعبي ماء بالجسم مع منتج تنشيف ؟؟ السالفه خبصه انا اقول خلك على الان او اكسبلود وبعد ما تضخم اخذ ليبو 6 بلاك

[Leaner]

يا الغالي اقرى على علبه الان او اكسبود كاتبين تحذير عدم استخدام اي منتج آخر يحتوي على ( كافيين ) والليبو 6 بلاك فيه اكبر نسبه ( كافيين ) من بين جميع المنتجات حبتين 300 mg
وبعدين منو عطاك هالكورس اصلا متناقضين تماما شلون تستخدم منتج ضخامه ويعبي ماء بالجسم مع منتج تنشيف ؟؟ السالفه خبصه انا اقول خلك على الان او اكسبلود وبعد ما تضخم اخذ ليبو 6 بلاك

كلامك 100 % سليم

احذر ياصاحب الموضوع

[abood9300]

مشكوريين على المعلومات المفيده واللي فهمته انك ماتستخدم المنتجين مع بعض في نفس اليوم
انا استخدم الان او اكس بلود بروحه مدة ثلاثة ايام وبعدين اليوم الرابع استخدم الليبو 6بروحه
موو مع بعض ....
انا ابي طريقة الاستعمال في رمضان !!!

[Leaner]

مشكوريين على المعلومات المفيده واللي فهمته انك ماتستخدم المنتجين مع بعض في نفس اليوم
انا استخدم الان او اكس بلود بروحه مدة ثلاثة ايام وبعدين اليوم الرابع استخدم الليبو 6بروحه
موو مع بعض ....
انا ابي طريقة الاستعمال في رمضان !!!

حبيبي مايصير تخزن ماي 3 ايام وتطرد الماي وترد بهالعملية

برمضان راح يأثر عليك سلبا سواء استخدمت ليبو بلاك أو ان أو اكسبلود

[آبو رآشـد]

من الي وصاك لكورس المنتجات هذة ؟؟

جدا سيئة وغير متناسقة وناقصة جدا

استخدم مكملات بشكل جيد او لا تستخدم

واتبع نصائح الشباب

بالتوفيق

[abood9300]

حبيبي مايصير تخزن ماي 3 ايام وتطرد الماي وترد بهالعملية

برمضان راح يأثر عليك سلبا سواء استخدمت ليبو بلاك أو ان أو اكسبلود

الله يعينك علينا وبالنسبه ان الماي يتخزن واطرده بالليبو انا ماكان عندي خبر بهالسالفه عالعموم مشكور والله يكثر من امثالك.
سؤال اخير استخدم اي واحد فيهم برمضان / الليبو ولا الان اكسبلود وشلون ؟

[Leaner]

الله يعينك علينا وبالنسبه ان الماي يتخزن واطرده بالليبو انا ماكان عندي خبر بهالسالفه عالعموم مشكور والله يكثر من امثالك.
سؤال اخير استخدم اي واحد فيهم برمضان / الليبو ولا الان اكسبلود وشلون ؟

تسلم اخوي

لا تستخدم ولا واحد فيهم برمضان

استخدم فقط الفيتامينات اذا تبي تلعب طبيعي بس طبعا اذا ماتقدر تسد النقص في تغذيتك، ضيفلك الواي بروتين مع الفيتامينات

ولما ينتهي رمضان ان شاءالله، ممكن بعدها تستخدم معاهم الليبو بلاك دام انك بتنشف المعدة و الأن أو اكسبلود خشه لكورس التضخيم

موفق

[Leaner]

أو انك بعد رمضان، تخش تضخيم وتستخدم الأن أو كسبلود ومن ثم تنشف بالليبو بلاك مع الفيتامينات والواي بروتين ( اذا ماتقدر تسد النقص في البروتين)

لك الح

[Leaner]

أو انك بعد رمضان، تخش تضخيم وتستخدم الأن أو كسبلود ومن ثم تنشف بالليبو بلاك مع الفيتامينات والواي بروتين ( اذا ماتقدر تسد النقص في البروتين)

لك الخيار

[abood9300]

يعني برمضان مااستخدم غير الفيتامينات والبروتين....

طيب لوسمحت وقت الاستعمال

[Leaner]

يعني برمضان مااستخدم غير الفيتامينات والبروتين....

طيب لوسمحت وقت الاستعمال

اي نعم

خذلك الواي بروتين أوبتموم جولد ستاندرد واستمر ع الفيتامينات

طريقة الاستعمال:
1- واي بروتين:
سكوب واحد بعد الفطور مع حليب أو ماء ولكن يفضل مع حليب خالي الدسم
سكوب واحد بعد التمرين مع ماء
سكوب واحد في السحور مع حليب خالي الدسم
2- الفيتامينات:
حبة واحدة بعد ماتنتهي من فطورك

[ابو مهاا]

تذكر لينر قبل لما استخدمت منتج اكسبلود الجياس مع الليبو سكس استخدمتهم اسبوع والله ستر علي كان بعيني زغلله مو طبيعيه بسبب الكافيين المرتفع ,,
وبعدين وقفته وكملت على الليبو سكس انتبه لا تستخدمهم عادي كل شخص يكون مبتدأ ويحتاج مشوره وتسأل وان شاء الله الاخوان بيفيدونك كم نسبه الدهون عندك !!
انصحك لا تستخدم ولا شي برمضان نهائيا لاتفكر حتى بس استخدم وي بروتين بعد التمرين وفيتامينات
وخل الليبو بعد رمضان افضل بالتوفيق ان شاء الله