انا لي سنتين تقريبا في رحلتي مع الحرب مع الوزن الزايد و الحمد لله في تقدم دائم علطول . و لاحظ ان في نقص كبير جدا في عدد الكتب و المراجع العربيه الي تساعد في تخفيض الوزن او بالاصح الكتب و المراجع التي تتكلم عن بناء الاجسام . مثلا يوم تروح مكتبه مثل مكتبة جرير ما تلاقي اشياء تفتح نفسك و تخليك تتثقف زين او انك تلاقي الكتب الموجوده عباره عن كتب قديمه جدا تم ترجمتها في زمن لم يكن احد يهتم فيه بالرياضه في فتره الثمانينات و في ذالك الوقت . و لست فقط المكاتب و لكن في نقص في مواقع الانترنت العربيه الي تقدم معلومات عن رفع الاثقال او تقدم برامج تدريبيه و صار المكان الوحيد لاخذ المعلومات هو المنتديات . انا ما اقول ان المنتديات فاشله و مو زينه لكن فيها معلومات خاطئه و فيها معلومات غير موثوق فيها احيان و الكل يفتي بشغله و ما في احد يعطيك مصدر المعلومه او من اين حصل عليها و تحس ان الكل وده يساعد و ان الكل يعتمد على الاجتهاد الشخصي و هذا كله بالعكس عند الغرب فتلاقي واحد جرب برنامج رياضي جديد كتب عنه كتاب ووثق مكان المعلومات و شارك الناس فيها من خلال كتابه او تلاقي ممثل مشى على برنامج رياضي و نزل البرنامج الرياضي في موقعه و عطاك مصدره . للاشخاص المتمكنين من اللغه الانجليزيه فرصه رائعه في تطوير معلوماتهم الرياضيه و فرصه في تجربه تمارين و برامج جديده و انا ما اقول نروح نجرب كل شي بس نجرب عشان نشوف ايش ينفعلنا و ايش ما ينفعلنا و على سبيل المثال في ناس اذا لعب حديد باوزان خفيفه يزيد وزنه بسرعه و في ناس اذا لعبت باوزان خفيفه ما يتغير شكلها فيعني ممكن نجرب اشياء جديده و نشوف ايش اوكي و ايش لا .
انا اتمنى ان مصادر المعلوامات الرياضيه تزيد و اتمنى من الرياضين العرب يبدؤا يالفو كتب لاجل يستفيد منها غيرهم منها في تحقيق اهدافهم و من الاشياء الي اتمناها ان الاشخاص يكون عندهم تنوع في المعلومات . مثلا عمري ما سمعت عن HIIT من اي شخص في منتدى عربي و لكن الكل يحاول ينقص وزنه . مع العلم ان ال HIIT هو افضل طريقه لانقاص الوزن . و بتكلم مره عنه في موضوع ثاني . و في مواضيع كثيره لازم نتكلم فيها و نتشارك و نطور نفسنا فيها .
اتمنى ما اكون طولت عليكم بس الموضوع لفت نظري
