استفسار كيف اعرف البروتين المغشوش

[A3TRERF]

السلام عليكم ورحمه الله وبركاته

انا شريت بروتين من مدرب الصاله الى انا فيها ولما شلته احس اني شايل كيس اسمنت ثقيل ورحت الى gnc ولقيت نفسه بس اغلا من سعره وزنه اخف من الريشه ليش في فرق بلاسعار والوزان يعني الى انا خذيته مضروب ولا ايش ارجو الافاده ومشكورين

[sami1989]

الوزن حسب الوزن يمكن انت شفت اخف منه
وطبعا اذا قل الوزن قل السعر وهكذا

لكن عامه صراحه اهل الصالات يخفون منتجاتهم مضروبه ومتعرفه اله من الطعم

[آبو رآشـد]

وعليكم السلام


في بداية الامر الفرق بين المنتج الاصلي والتقليد صعب جداً حيث انة يصنع نفس الغلاف ونفس العبوة الفرق تعرفة بالطعم والرائحة لكن لازم تفك المكمل علشان كذا اول منتج تاخذة من شخص موثوق او من جي ان سي وتاخذ منهم كرت تخفيض

وتاكد من العبوة ثم دور لك على مورد ثقة

بالنسبة لوزن المكمل بسيطة تلقا الوزن مكتوب على العلبة واوزنها بنفسك وشف الاصلي


هذا اول امر

ثاني امر بعض المنتجات وحتى ان كانت اصلية تنضرب لان بعض المدربين يحط مكملاتة في شنطة السيارة بالحر ويبيع منها وتنضرب من الحر

لكن انت بالشرقية والبحرين قريبة منك وعندكم محلات بالاحساء مكملاتة سنعة ما عندكم خلاف البلا في الرياض وجدة وطقتها

بالتوفيق

[A3TRERF]

الله يسلمكم على الردو انا شريته وفتحته وبجربه وم ناحيه الريحه وطعم مافيه مشكله بس انا غثني ثقل العلبه مع ان المدرب اسمع كذا شخص يشتكي منه عنده هو قاعد اهم شي يمشي سلعته يعني تنصحوني اذا بشتري اشتري من الاحساء؟

[ابو ذراع]

لا تشتري من مدرب الصالة نهائي

[Bu Khalid]

طيب ممكن توضيح كيف من الرائحة والطعم

يعني اذا كانت رائحتة قوية وطعمة قوي يعني اصلي ؟

[الامبـــراطور]

والله انا ما ادري ليش وزارة الصحة ماتعطي الناس فسح يستوردون بروتينات ويفكونا ويريحونا
وصدقو الاخوان بعض الناس تحفض البروتينات في اماكن حارة وهذي تخفض فعاليتها حتى بعضها تحثل مكتوب عليها احفظه في مكان لاتقل درجة الحرارة فية عن 77F يعني 25 درجة مئوية وبالصيف عندنا ياساتر توصل 50