اسئله حول كورس هرموني(ديكا+سستالون)

[حميد الشيبه]

السلام عليكم ورحمة الله وبركاته


اول شي وزني 54-53
طولي 169 تقريبا او اكثر
عمري 17 ونص لا حد يقولي صغير لاني مصر بعد ما فشلت كل محاولاتي ف زيادة وزني

انا اوزاني ف الجيم ووزني وقف مع انه اكلي صح وتماريني صح ونومي بعد صح

اتمرن من سنه وشوي


وعندي كم سؤال ع الكورس واتمنى انكم تفيدوني


1- كم مده الكورس مع انه اول كورس لي؟

2-شو اخذ مع الكورس غير بروتين وجلوتامين وهل استخدم الجلوتامين بعد الكورس ايضا علشان ما يرجع وزني مثل اول؟

3-اي نوع افضل من الديكا وسستالون وهل السستالوك هوه نفسه السستالون؟

5-في ناس قالولي ظيف حبوب دينابول بس سمعت انها تاثر ع المفاصل ف شو رايكم؟؟

4-واخيرا وليس اخرا كم الكميه الي اخذها لانه واحد من الربع بيسافر تايلاند وبيجيب الهرمونات مناك؟

ولو حد يقدر يعطيني جدول مع المنظفات واوقات اخذ الحقن يكون افضل وبكون شاكر له لاني مبتدئ فها الاشيا
اروح الجم يوميا ماعدا الجمعه وكل عظله مرتين ف الاسبوع

اسف ع الاطاله
وشكرا مقدما

[scaryface]

اول شي وزني 54-53
طولي 169 تقريبا او اكثر
عمري 17 ونص لا حد يقولي صغير لاني مصر بعد ما فشلت كل محاولاتي ف زيادة وزني

انا اوزاني ف الجيم ووزني وقف مع انه اكلي صح وتماريني صح ونومي بعد صح

اتمرن من سنه وشوي

في هذا العمر لازم وزنك يرتفع بسرعة لانه هرموناتك في اعلى ما يكون

اكون واقعي معاك اذا فشلت في هذا العمر فبتفشل معا الهرمونات

المهم اخوي اذا حاب تعدل جدولك الغذائي اكتبلنا اياه وان شاء الله انا والاخوان ما بنقصر معاك

[حميد الشيبه]

انا مشيت على اكثر من جدول ومنهم جدول من الكبتن ذاكاست الله يطولي بعمره
بس وزني خلاص وقف وحتى اوزاني وقفت وانا مصمم ع الكورس لانه صارلي ثلاث اشهر اتمرن بدون اي فائده

[.hamad.]

هلا وغلا يا حميد ...
استخدام المنشطات دوامه اللي يدشها مايقدر يطلع منها ... والله يعطيك طولت العمر سنك 17 سنة وهرموناتك الطبيعية في عزها بالعمر هذا ..
واتمنى لو تصبر اشوي لين يوقف نموك على 23 سنه ... وبعدين تقدر تستخدم منشطات ...

احنا نبيلك الخير وانت اخونا ... وانا هذه وجهة نظري .

[scaryface]

اخوي حميد لكل مشكلة سبب فلازم تحل هذي المشكلة حتى تنتقل لمرحلة ثانية او متقدمة

ونحنا ما نبا غير الخير لك

بس وزني خلاص وقف وحتى اوزاني وقفت وانا مصمم ع الكورس لانه صارلي ثلاث اشهر اتمرن بدون اي فائده

يا اخوي تفكيرك سلبي وحاط املك الوحيد على الهرمونات وهذي المشكلة

الامر مب معقد وبناء الاجسام كاي رياضة مجرد قواعد تتبعها وهي ... تغذية + تمارين + راحة = نمو عضلي ... فاذا عندك مشكلة فهذا يدل انه مشكلتك بالاساسيات فلازم تحلها.

مثل ما قلت اذا حاب ننصحك بموضوع عن جدولك الغذائ فاكتبلنا اياه وان شاء الله خير

[حميد الشيبه]

هلا وغلا يا حميد ...
استخدام المنشطات دوامه اللي يدشها مايقدر يطلع منها ... والله يعطيك طولت العمر سنك 17 سنة وهرموناتك الطبيعية في عزها بالعمر هذا ..
واتمنى لو تصبر اشوي لين يوقف نموك على 23 سنه ... وبعدين تقدر تستخدم منشطات ...

احنا نبيلك الخير وانت اخونا ... وانا هذه وجهة نظري .

هلا فيك اخوي

والله مليت ولو تميت على ها الحاله بكره العبه بكبرها
تخيل تلعب وما تستفيد فجسمك ولا بور يعني ما تزيد ف الاوزان شو بيكون شعورك

اكيد اول شي بتحاول تحسن من تغذيتك وبتركز ف اللعب والنوم لا يقل عن 8 ساعات
وحاولت بكل الطرق لاكن ماشي فايده
الى ان جاني واحد وقالي كل جسم يوقف عند حد معين وتكون زيادته بصعوبه او معدومه وصعب تزيد اله بالهرمونات

وتحيااااتي

[حميد الشيبه]

اخوي حميد لكل مشكلة سبب فلازم تحل هذي المشكلة حتى تنتقل لمرحلة ثانية او متقدمة

ونحنا ما نبا غير الخير لك

يا اخوي تفكيرك سلبي وحاط املك الوحيد على الهرمونات وهذي المشكلة

الامر مب معقد وبناء الاجسام كاي رياضة مجرد قواعد تتبعها وهي ... تغذية + تمارين + راحة = نمو عضلي ... فاذا عندك مشكلة فهذا يدل انه مشكلتك بالاساسيات فلازم تحلها.

مثل ما قلت اذا حاب ننصحك بموضوع عن جدولك الغذائ فاكتبلنا اياه وان شاء الله خير

هلا اخوي انا ظابط المعادله صح لاكن جسمي ما يتقبل
انا من اول ما دخلت اللعبه وكان جسمي يزيد بصعووبه وكنت راضي يزيد لو شي بسيط احسن من انه ما يزيد
لاكن الحين الزياده انعدمت والمكملات الغذائيه ما تاثر فيني مادري ليش

وكل جسم غير عن الثاني

[آبو رآشـد]

وعليكم السلام

اخوي انت عمرك 17 وهرموناتك في كامل نشاطها وانت في سن اكتمال النمو لا تلعب بجسمك بأضافة منشطات بتأثر عليك مستقبلا
ارجو انك تعيد التفكير

حتى بعض المكملات ما تصلح لك

انتبة لأكلك وانتبة وركز في التمرين المنشطات مهيب مجرد ابرة وتروح النادي

اكرر اعد التفكير بوضعك حتى لا تغلط غلطة بكرا لا ندمت قلت طيش شباب

يغلق الموضوع