استفسار عن نوع المحفز !!!

[عاشق ارنولد]

سلام عليكم كيفكم ياحووووش بصراحه شريت منتج من بيت الطاقه بالبحرين قال عدنان انه مفحز قوووي وحبيت استفسر عنه شنو اسم المحفز هل محفز تست او شنو ياليت الي يعرف هالمنتج يفيدني .....
وكيف طريقة استخدامه ؟؟

[عاشق ارنولد]

كل هالمشاهدات ولا احد رد على سؤاااااالي !!!!!!!!!

[france for ever]

عليكم السلام و رحمة الله و بركاته

يا اخي منو عدنان ؟؟؟؟؟ و شو دخلنه فيه !!!!!1
انت لما اشتريته من البائع ما سالت شنو هذا المحفز و لا كيف ؟؟؟
هذا المحفز الي حار صورته اول مرة بحياتي اشوفه !!! هاي الشركة غير معروفة كان المفروض تسال قبل ان تشتري !!
على العموم اذا تكدر اكتب طريقة الاستعمال بالانكيليزي و انا اترجمها لك و اكتب اسم الشركة حتى ابحث عنها في النت و ارد عليك

[france for ever]

اخي بعد التحري تببين ان اسم الشركة هي

muscle power technelogy

و هي شركة غير معروفة وهناك بعض اصدقائي اشتكوا من هذه الشركة و يقولون ان نتائجها ضعيفة و قسم قالوا ان بعض منتجات البروتين طعمه سيء جدا

[veto100]

يا شباب انا لي قصة مع هذه الشركة

للمعلومية ان هذي الشركة تدعي انها امريكية وهي ليس لها وجود في امريكا وغير مرخص لها من هيئة الغذاء والدواء FDA
عندما دخلت على موقعهم قالوا حنا موقعنا في دبي ومحلاتنا ، بعدها باسبوع سافر لدبي ومريت احد فروع د.نيوترشن وسألته عن اسم الشركة قال مااعرفه ولا سبق ان مر علي

يعني النحششششه من منتجات هذي الشركة

[ابو حمد1122]

ياخي عدنا في بيت الطاقه كل من جا له يبي مكملات نشب له الين يشتري هالمكملات حقت شركة سوبر بور
الظاهر انه وكيلها او موزع لها ,وياليتها زينه قسم بالله زباله بروتين كنه علقم وطعمه يجيب غازات وتلبكات ولايذوب ابد ومكملاتها زي قلتها ,, تعطي نتايج لكن موب على كثر الكلام الي مكتوب على الحقائق الغذائيه على اي منتج لها
جرب المنتج يمكن يشتغل معك مظبوط والمره الجايه انتبه من هالشركه

[A3TRERF]

هذا حق باور بس والله اول مره اشوفه استخدم المعروف والغريب مالك فيه حاجه واذا على قولتكم بيت الطاقه يجبركم انت منت مغصوب تشتري وبلاخير انت المنظر والله يعين

[veto100]

بيت الطاقة اللي في البحرين اشك في بضاعته بصراحة ، انا صرت اشتري من موقع امريكي منتجات مضمونه وخلال 5 ايام عمل بالكثير وهي عند بابي

لاني قارنت بين الدب الروسي اللي شريته بيت الطاقة واللي شريته من هالموقع الامريكي ، بينهم فرق كبير في الطعم وحتى اللي من البحرين احس بطني كله غازات ومتنفخ وطعمه سيء جدا جدا جدا بعكس اللي من الموقع الامريكي

[veto100]

بعدين سوبر بور يدعون انهم شركة امريكية وهي مالها وجود في امريكا ، حتى هالموقع الامريكي ما تلقى فيه اي منتج لهذي الشركة حتى المنتدى قد سالت عنها ماحد يعرف عنها شي

[بوعداي]

نصيحه لاتستخدمه والله يعوضك بقيمتها

[عاشق ارنولد]

اشكر كل من رد ع موضوعي وافاااادني ....
وشكوى لله توهقنا فيه و كل دقه بتعليمه بس محتااااااااااااار هل استخدمه او ارميه !!!!!!!!!

[THE CAST]

ترميه !
والفلوس تكون محاسب عليها..استعمله ولاتشتريه مره ثانيه

بالتوفيق