وش رايكم بالكورس الجديد.. محتاج رأيكم ياأبطال!

[Ahmed559]

السلام عليكم

ناوي بعد 10 أيام أبتدي كورس لتضخيم عضلات صافية وحرق دهون خصوصا على البطن والجوانب..
نسبة الدهون عندي 20 % والسبب اهمال الأرجل والبطن بس باذن الله بضبط وضعي والأسبوع هذا أول أسبوع أمرن الأرجل مرتين وبستمر لمدة شهر الين ماأشوف النتائج..(لي 6 شهور أرفع أوزان)
بالنسبة لي والمكملات اللي أستخدمهم الحين هم:
http://www.prozis.com/int/images/mus...s-1800g-wb.jpg
نيتروتك الجديد
وبالنسبة للحجم مكتوب 1.8 كيلو وباقي له تقريبا 10 أيام ويخلص وهذه أول علبة بالنسبة لي
أمينو 2222
وبالنسبة للأكل الصراحة ماآكل أكثر من 3 وجبات تعرفون الحياة العزوبية

المهم بالنسبة للكورس الجديد اللي أفكر فيه هو:
1-نيترو تك الجديد يعني أستمر عليه وأشتري علبة ثانية نفس الحجم
2-أمينو 4800
3-الملتي فيتامين (اوبتي مان فايتمن)
4-جاك3 دي (للباور)

ومادري الصراحة ودي بعد آخذ حارق للدهون مثل ليبو 6 اكس أو شي ثاني يساعد على حرق الدهون اللي على البطن
والخصر( خاصة الخصر التمارين ماتكفيها )

السموحة على الأسئلة الكثيرة, هو المفروض اننا نسأل المدربين اللي في صالات الحديد ولكن والله ماعندهم سالفة
بس هنا في المنتدى الواحد الصراحة يقدر يستفيد من خبرتكم بمعنى الكلمة!
ومشكورين مقدما

[حميد الشيبه]

وعليكم السلام
اخوي شو هدفك تبا عضل صافي ولا تخسيس ولا وضخامه عضل وفات
ولو تعطينا طولك ووزنك يكون افضل
وتحيااااااااااتي

[THE CAST]

السلام عليكم
وعليكم السلام
ناوي بعد 10 أيام أبتدي كورس لتضخيم عضلات صافية وحرق دهون خصوصا على البطن والجوانب..
اخوي يا حرق دهون او بناء عظل لاتتعب نفسك لان الحرق مع البناء شبه مستحيل
نسبة الدهون عندي 20 %
عندك خيارين
اما تنزل بهالنسبه الى تحت ال13 وتبدا تضخم
او
تصعد بوزنك عظل صافي تقريبا
والسبب اهمال الأرجل والبطن بس باذن الله بضبط وضعي والأسبوع هذا أول أسبوع أمرن الأرجل مرتين وبستمر لمدة شهر الين ماأشوف النتائج..(لي 6 شهور أرفع أوزان)
بالنسبة لي والمكملات اللي أستخدمهم الحين هم:
http://www.prozis.com/int/images/mus...s-1800g-wb.jpg
نيتروتك الجديد
وبالنسبة للحجم مكتوب 1.8 كيلو وباقي له تقريبا 10 أيام ويخلص وهذه أول علبة بالنسبة لي
أمينو 2222
وبالنسبة للأكل الصراحة ماآكل أكثر من 3 وجبات تعرفون الحياة العزوبية

المهم بالنسبة للكورس الجديد اللي أفكر فيه هو:

1-نيترو تك الجديد يعني أستمر عليه وأشتري علبة ثانية نفس الحجم
ما انصحك نيترو سعره غالي ومايستاهل الضجه الي صايره عليه
يليت تاخذلك واي من اوبتمم
2-أمينو 4800
يليت يكون الشكل الجديد ابو علبة سوداء
3-الملتي فيتامين (اوبتي مان فايتمن)
4-جاك3 دي (للباور)
ممتاز
ومادري الصراحة ودي بعد آخذ حارق للدهون مثل ليبو 6 اكس أو شي ثاني يساعد على حرق الدهون اللي على البطن
والخصر( خاصة الخصر التمارين ماتكفيها )
اذا ودك تبني عظل فكنسل الليبو
السموحة على الأسئلة الكثيرة, هو المفروض اننا نسأل المدربين اللي في صالات الحديد ولكن والله ماعندهم سالفة
بس هنا في المنتدى الواحد الصراحة يقدر يستفيد من خبرتكم بمعنى الكلمة!
ومشكورين مقدما

...........

بالتوفيق

[Azo0oz88]

اخوي ذا كاست بحكم خبرتك ماشاء الله عليك .. ليش مااقدر اضخم عضل وفات قليل جدا يعني اشتغل كارديو وتمارين حرق للبطن والجوانب ؟؟ نفسي اعرف السبب لاني محتار زي الاخ وكل مازاد جسمي من فوق يزيد من تحت ماادري والعكس عكس ماادري وش السبب هل انا ازيد فات بالعضلات اللي امرنها مثلا ؟؟ماظنيت .. عموما هدفي اقلل الفات من البطن والجوانب والافخاذ وباقي الجسم مايهمني ابي اشوفه يزيد .... ياليت القى الجواب الكافي!! .. وجعلك تسلم ياكابتننا،،

[حميد الشيبه]

هلا اخوي
انته يوم تلعب تخسيس او حرق الدهون بتحرق دهون وعضل
كيف بتبني عضل وبتحرق دهون بنفس الوقت لانك يوم بتحرق الدهون بتحرق العضل اللي بنيته
وما بتستفيد
وقدامك خيارين يا تحرق دهون وبعدين تدخل ظخامه عضل صافي
او تلعب ظخامه عضل ودهون

وتحياااااااااتي

[Azo0oz88]

اخوي .. الحين مو التضخيم راح يعطيني نسبة دهون .. انا راضي بالدهون اللي عندي بس ماودي تزيد وانا عارف انها راح تزيد لو تركت الكارديو وحرق الدهون .. ثاني شي بسألك اللي ينشفون بعد تضخيم كيف يطير ل هالدهون ماهو بالحرق وتمارين الحرق ويكرفون انفسهم جري وزي كذا .. اجل ليش العضل يبقى ؟؟؟ ... شكرا لك

[THE CAST]

اخوي ذا كاست بحكم خبرتك ماشاء الله عليك .. ليش مااقدر اضخم عضل وفات قليل جدا يعني اشتغل كارديو وتمارين حرق للبطن والجوانب ؟؟ نفسي اعرف السبب لاني محتار زي الاخ وكل مازاد جسمي من فوق يزيد من تحت ماادري والعكس عكس ماادري وش السبب هل انا ازيد فات بالعضلات اللي امرنها مثلا ؟؟ماظنيت ..
ماعليك الزيدة الي بتزيدها اغلبها عظل ولاتنسى وزن العظل اكبر من الدهون..وهذي االاجهزه الي تقيس الدهون بناءا على الطول والوزن انا مااعترف بها
لانها ماتفرق هذا عريض وذاك نحيل ..مجرد زيادة وزنك عن معدله(والمحسوب اعتمادا على الطول والوزن فقط) يقلك الجهاز نسبة الدهون عندك مرتفعه
في جهاز شفته مره من احد الاعضاء وهودقيق جدا ويحسب النسبه صح لكن ماتلقاه الافي المستشفيات الكبيره
عموما هدفي اقلل الفات من البطن والجوانب والافخاذ وباقي الجسم مايهمني ابي اشوفه يزيد .... ياليت القى الجواب الكافي!! .. وجعلك تسلم ياكابتننا،،

...

الجسم ماتقدر تحدد المناطق الي تفقد منها الدهون بل الدهون تفقد من جميع انحاء الجسم تباعا
وللجينات والوراثه دور
لكن
حاول قدر المستطاع تبتعد عن الدهون وتقلل من الكاربوهيدرات السريعه (الدقيق الابيض والسكر الابيض والمكرونه....) واجعل الوجبات الكاربوهيدراتيه
في وجبات قبل التمرين فقط

واهتم بالخضروات ..ولاتنسى توفي النسبة المطلوبه من البروتين لجسمك وزنك ضرب 2 = احتياجك من البروتين كلاعب كمال اجسام (باستثناء مستعمل الهرمونات)

لان الضخامه تعتمد بشكل كبير على التغذيه والكارب
عكس فترة الكت


بالتوفيق

[Ahmed559]

مشكورين ياشباب
وأعذروني لما قلت تضخيم الظاهر اني فاهم بعض المصطلحات غلط
القصد عضلة صافية مثل ماقال الأخ حميد
سؤال عن الواي بروتين ابتيموم آخذ 6 سكوبات في اليوم ولا 3؟ لأنه خفيف جدا
والشي الثاني أشتري egg protein وأستخدمه في الصباح؟ والواي بعد التمرين وقبل النوم؟

[THE CAST]

اخوي .. الحين مو التضخيم راح يعطيني نسبة دهون .. انا راضي بالدهون اللي عندي بس ماودي تزيد وانا عارف انها راح تزيد لو تركت الكارديو وحرق الدهون .. ثاني شي بسألك اللي ينشفون بعد تضخيم كيف يطير ل هالدهون ماهو بالحرق وتمارين الحرق ويكرفون انفسهم جري وزي كذا .. اجل ليش العضل يبقى ؟؟؟ ... شكرا لك

التضخيم يزيد الدهون وهذا معروف..
والضخامه الصافيه تزيدك دهون ولكن شي بسيط

مرحلة الكت يكون الاعتماد على البروتين اكثر اضافة للجلوتامين وغيره...
والهدف من هالمرحلة الحفاظ على المكسب العظلي فقط قدر المستطاع وليس البناء لان مستحيل تبني وتنشف بوقت واحد

الضخامه يبغالها اوزان ورفع الاوزان الكبيره يحتاج لطاقه عاليه والطاقه العاليه تأتي من الكاربوهيدرات
لان الضخامه ماتجي الابرفع الاوازن والراحه كذلك ويكون الهدف من غذائك الاستفاده منه وليس حرقه

طيب اخذ منتج بور وانتهينا ؟
حتى منتج البور مايفيدك لوتغذيتك ليست جيده, اذا كانت تغذيتك في الوجبات التي تسبقه جيده فراح تستفيد منه على اكمل وجه والعكس


وانا مجرب

[Ahmed559]

كابتن ذا كاست ماجاوبت سؤالي الأخير

[THE CAST]

تصدق ياعزور

احسبك صاحب الموضوع ههههههه

عموما للفائده

[THE CAST]

مشكورين ياشباب
وأعذروني لما قلت تضخيم الظاهر اني فاهم بعض المصطلحات غلط
القصد عضلة صافية مثل ماقال الأخ حميد
سؤال عن الواي بروتين ابتيموم آخذ 6 سكوبات في اليوم ولا 3؟ لأنه خفيف جدا
ثلاث كافيه
والشي الثاني أشتري egg protein وأستخدمه في الصباح؟ والواي بعد التمرين وقبل النوم؟

الواي الصبح + بعد التمرين

الايغ بروتين
قبل النوم مع الحليب

[Ahmed559]

هههههههههههههه ^^^^
حبيبي ذا كاست انا كتبت سؤالي الثاني بس مدري وينه
عموما بغيت أسأل الأبتيموم واي بروتين أستخدم سكوب واحد قبل التمرين وبعده أو سكوبين قبل وبعد؟
وبالنسبة لل egg protein آخذه وأستخدمه في الصباح لأني مقصر من ناحية أكل البيض؟
مشكور يابطل

[Ahmed559]

وصلت الفكرة يالغلا
الله يكتب لك الجنة ياشيخ

[THE CAST]

اللهم امين

واياك