استفسار بسيط طبعا لأهل الخبره بخصوص المكملات

[الزير سالم.....]

السلام عليكم ورحمة الله وبركاته

اخواني انا الحين كملت تسع شهور تقريبا في رياضة الحديد والحمد لله في نتيجه نقدر نقول متوسطه كنت ابي اكثر لكن ان شاء الله مع الوقت
انا حاليا العب تضخيم وماشي على جدول ابو راشد تبع التضخيم والحمد لله جدول ممتاز جدا

طبعا التغذيه طبيعي برنامج تغذيه مشيت عليه من احد الاصحاب بس تعبني واجد لان صراحه شغلة الاكل مو هينه ميزانيه وتعب

اللي حصل معي حاليا كبر حجم العضلات بس احس اني بديت افقدها يعني احس العضله استقرت على هذا الشكل وخلاص مافي امل تزيد ولما قست بالشريط حجمها لقيتا صغرت عن اول رغم استمراري بالبرنامج بشكل جدي من جد انجنيت يعني بيروح كل اللي سويته وش الحل

فسألت المدرب قالي هذا اسمه الهدم هدم العضله .....

وش هدم العضله هذا اللي اول مره اسمع فيه وليه توه يجيني

قالي الحل مكمل غذائي اسمه الواي بروتين ودلني على محل جي ان سي طبعا سمعت عنه انا كثير بالمنتدى وقالي قله من المدرب فلان رايح يعطيك بطاقة تخفيظ لانك من اعضاء الصاله

رحت لجي ان سي

لقيت نوعين نوع اسود مع احمر280 ريال ونوع فظي تقريبا اذا ماخني الظن 400 ريال

السؤال الاول ايش هو الهدم حق العضله هل هو صادق ولا مسوي سمسار مع شركة جي ان سي

السؤال الثاني ايش الواي بروتين الافضل بينهم لاني ما عندي خبره فيهم اخذ اي نوع منهم

السؤال الثالث هل الواي بروتين كافي ما استخدم معاه شي ثاني لانه يقول لي هو يكفي لانه بيبني الانسجه مو شرط تاخذ معاه شي ثاني

لان الصيدلي اللي في شركة جي ان سي يقول لازم امينيو وش فايدة هذا الامينيو وهل هو ضروري واي نوع اخذ لو كان ضروري

قبل لا انسى عطوني صور الواي بروتين اللي تنصحوني فيه لاني يوم دخلت المحل كله علب بروتينات وقريبه في الشكل من بعض

الطول 172
الوزن 88 زاد الوزن بس فيه عضل وفي دهون بس يقول المدرب راح ينشفها لي بعد فتره بجدول ممتاز والله مدري عنه اخاف اصير دب

[mr.911]

اللي اعرفه ياخوي انه الجلوتمين اهو اللي يمنع عملية هدم العضله ويسويلها ريكفري والبروتين يغذي العضله والوي اعتقد يحتوي على نسبة جلوتمين لكن بالظبط مادري

والشباب يفيدونك انشالله

[france for ever]

السلام عليكم ورحمة الله وبركاته

عليكم السلام و رحمة الله و بركاته

اخواني انا الحين كملت تسع شهور تقريبا في رياضة الحديد والحمد لله في نتيجه نقدر نقول متوسطه كنت ابي اكثر لكن ان شاء الله مع الوقت
انا حاليا العب تضخيم وماشي على جدول ابو راشد تبع التضخيم والحمد لله جدول ممتاز جدا

طبعا التغذيه طبيعي برنامج تغذيه مشيت عليه من احد الاصحاب بس تعبني واجد لان صراحه شغلة الاكل مو هينه ميزانيه وتعب

اللي حصل معي حاليا كبر حجم العضلات بس احس اني بديت افقدها يعني احس العضله استقرت على هذا الشكل وخلاص مافي امل تزيد ولما قست بالشريط حجمها لقيتا صغرت عن اول رغم استمراري بالبرنامج بشكل جدي من جد انجنيت يعني بيروح كل اللي سويته وش الحل

فسألت المدرب قالي هذا اسمه الهدم هدم العضله .....

وش هدم العضله هذا اللي اول مره اسمع فيه وليه توه يجيني

قالي الحل مكمل غذائي اسمه الواي بروتين ودلني على محل جي ان سي طبعا سمعت عنه انا كثير بالمنتدى وقالي قله من المدرب فلان رايح يعطيك بطاقة تخفيظ لانك من اعضاء الصاله

رحت لجي ان سي

لقيت نوعين نوع اسود مع احمر280 ريال ونوع فظي تقريبا اذا ماخني الظن 400 ريال

النوع الاحمر و الاسود هو واي بروتين من شركة اوبتمم و هو ممتاز اما الثاني الفضي فهو نيترو تك من شركة مصل تك لا تاخذه و لا تفكر فيه (سعره مضاعف و كميته اقل و الفائدة نفسها )

السؤال الاول ايش هو الهدم حق العضله هل هو صادق ولا مسوي سمسار مع شركة جي ان سي

كل مرة تقوم بالتمرين بالصالة تقوم بعملية الهدم و عند الراحة و النوم تبدا عملية البناء

السؤال الثاني ايش الواي بروتين الافضل بينهم لاني ما عندي خبره فيهم اخذ اي نوع منهم

الواي بروتين هو مكمل غذائي يحتوي على نسبة جيدة من البروتين و الاحماض الامينية و نسبة من الكلوتامين
السؤال الثالث هل الواي بروتين كافي ما استخدم معاه شي ثاني لانه يقول لي هو يكفي لانه بيبني الانسجه مو شرط تاخذ معاه شي ثاني
اذا عندك امكانية مادية يمكنك بالتاكيد اضافة احماض امينية و مولتي فيتامين لانها مهمة جدا لبناء الكتلة العضلية

لان الصيدلي اللي في شركة جي ان سي يقول لازم امينيو وش فايدة هذا الامينيو وهل هو ضروري واي نوع اخذ لو كان ضروري

افضل امينو حاليا هو سوبر امينو 4800 و امينو تك و امينو 10000

قبل لا انسى عطوني صور الواي بروتين اللي تنصحوني فيه لاني يوم دخلت المحل كله علب بروتينات وقريبه في الشكل من بعض
ادخل على موقع البحث كوكل او ياهو و اكتب التالي

whey protein gold 100%
او
elite whey protein

و سوف تظهر لك صور هذين المكملين

الطول 172
الوزن 88 زاد الوزن بس فيه عضل وفي دهون بس يقول المدرب راح ينشفها لي بعد فتره بجدول ممتاز والله مدري عنه اخاف اصير دب

وزنك زايد !! كم نسبة الدهون عندك ؟؟؟

بالتوفيق

ان شاء الله

[الزير سالم.....]

والله ما اعرف نسبة الدهون عندي لكن خايف اخسس افقد العضل اللي بنيته

الف شكر لك

شوف انا لقيت صورت البروتين الاول في جي ان سي
هذا 280 ريال واحد كيلو


وهذا صورة الثاني 400 ريال 2كيلو ياسلام على الاسعار شكلي بروح اخذ لي واحد تيس مندي وابسط عليه احسن لي هههههههههه


اي نوع اخذ منها وشهو الافضل طيب هو فيه احماض امينيه صح ماتكفيني بدال الامينو ولا لازم عادي عندي امكانيه لكن متخوف من هالامينيو بصراحه يمكن عشان ماجربت

اما الاخير هذا واحس يمدح فيه ويبعدني عن الوي بروتين الاثنين اللي فوق وشكيت في امره لاني احس ان اللي زي ما يملك خبره في المكملات راح يكون صيده سهله بس مو بمساعدة اعضاء المنتدى الله يخليهم



اما الامينيو على طول طب وطلع لي هذا وقام يعطيني محاضره طويله عنه كل ما قلت له والثاني اللي جنبه كيف هو يقو لي جرب هذا ومراح تندم هذاي صورته



ابي ردودكم ياشباب بالذات ابي اهل الخبره وفي ناس كثير اتوقع زيي في المنتدى راح يستفيدون من هالاسئله والصور موضحه اتمنى اللي يرد يدعمنا بصور للمنتج اللي ينصحني فيه

[fitness1]

نعم اخي الكريم.. وتأكيد لكلام اخونا " france for ever " الواي بروتين من شركة اوبتمم و هو ممتاز وعن تجربة شخصية وستلاحظ الفرق بإذن الله مع الاستخدام وسعره بالمجمل جيد بالمقارنة مع باقي البروتينات من نفس الصنف

والراحة ثم الراحة ثم الراحة..فهي نصف المشوار

بالتوفيق يا بطل

[THE CAST]

وعليكم السلام ورحمة الله وبركاته

سالفة هدم العظله
العظله يوميا الانسجه فيها تتقطع وتنهدم مع التمرين الشاق , موبعد 9شهور على غفله

جي ان سي
لاتاخذ منهم ولاشيء روح قسم البيع وخذلك 2,5 كيلو ب220-230ريال , بالنسبه للامينوكبسول لاتاخذه فيه مشتقات من الخنزيرحول ل4800 الجديد اوامينوتك


باختصار
الواي من اوبتمم + الامينو...من قسم البيع اوفرلك من الجي ان سي
واهتم بالتغذيه فهي الاساس


بالتوفيق

[الزير سالم.....]

الف شكر للكباتن اللي ردو بس سؤالي ايش اختار من الواي اللي تحت وش احسنهم لان الاثنين واي على ما اعتقد وكلها اضن مرغوبه ممكن احد يعطينا رايه وايش الفرق بينهم




هذا 280 ريال واحد كيلو


وهذا صورة الثاني 400 ريال 2كيلو

[omarzizo]

أخوي منتجات شركة optimum هي الأفضل

لذلك أختار النوع الأول هو الأحسن وهذا انا ماش عليه اللحين ولله الحمد نتايجه رهيبة.

و الأمينو 2222 تابلت صحيح الحبة كبيرة بس منتج لا يعلى عليه ومفيد جدا لا غنى عنه

[france for ever]

الف شكر للكباتن اللي ردو بس سؤالي ايش اختار من الواي اللي تحت وش احسنهم لان الاثنين واي على ما اعتقد وكلها اضن مرغوبه ممكن احد يعطينا رايه وايش الفرق بينهم

الافضل اخي الواي بروتين كولد ستاندرت من شركة اوبتمم نترشن كما ذكرتلك سابقا و لا اعرف لماذا تعيد نفس السؤال !!!!!!
و يحتوي على 24 غرام بروتين لكل سكوب مع 5 غرام كلوتامين و الذي يحافظ على الكتلة العضلية و يحافظ عليها و فيه احماض امينية ممكن ان تغنيك عن الاحماض الامينية اذا امكانيتك لا تسمح لك بشرائها

هذا 280 ريال واحد كيلو


وهذا صورة الثاني 400 ريال 2كيلو

بالتوفيق

[الزير سالم.....]

الف شكر لكم يا كباتن انا اعد نفس السؤال لان كل كبتن له راي لكن هالمره كان رايكم كله سواء اعتقد الواي بروتين كولد ستاندرت من شركة اوبتمم هو اللي اجمع عليه كل الكباتن وانا حبيت اعرف راي اكثر من شخص
ولا تنسون ان خبرتي شبه معدومه في البروتينات للذالك حبيت استفسر اكثر
اشكر الكباتن على رحابت صدرهم وعلى ردودهم الاكثر من رائعه

[عباااس]

أهلآ وسهلآ ومرحبا بك الزير سالم
الواي بروتين 2 كيلو تبداء الاسعار من 200 ريال الي 250 ريال
اما كيلو بـــــ280 ريال مرة غالى
تقدر تستفيد من عروض الشباب في قسم البيع
وبالتوفيق ان شاء الله
تحياتي